რატომ დაინიშნენ გორელი პარლამენტარის ნათესავები გორის გამგეობაში?!
გორის მუნიციპალიტეტის გამგეობის სხვადასხვა თანამდებობებზე კოალიცია "ქართული ოცნების" სიით გასული გორელი პარლამენტარის, თამაზ შიოშვილის ნათესავები დაინიშნენ. პარლამენტარის სიძე (დის ქმარი) დავით გორგიშელი გორის გამგეობის ინფრასტრუქტურის სამსახურის უფროსია, ბიძაშვილი და მოცეკვავე რამაზ შიოშვილი ახალგაზრდული სამსახურის უფროსი, ხოლო ამ უკანასკნელის მამა და შესაბამისად, თამაზ შიოშვილის ბიძა, როინ შიოშვილი ბერბუკის ტერიტორიული ორგანოს რწმუნებული.
პარლამენტარ თამაზ შიოშვილის თქმით, ის ადგილობრივი აღმასრულებელი ხელისუფლების საქმიანობაში არ ერევა, ხოლო საკადრო პოლიტიკა უშუალოდ გამგებლის, პაპუნა კობერიძის და მაჟორიტარი დეპუტატის სოსო ვახტანგაშვილის პრეროგატივაა. პარლამენტარის ყველა ახალდანიშნული ნათესავი პოლიტიკური ნიშნით დანიშვნას ერთხმად უარყოფს.
თამაზ შიოშვილის განცხადებით, ის რომ ყოფილიყო აღმასრულებელ ხელისუფლებაში, არც ერთი მისი ნათესავი არ იმუშავებდა.
"გპირდებით, თუკი რომელიმე ჩემი ნათესავი კანონს დაარღვევს და გადაცდომა ექნება, პირველი მე გავილაშქრებ მათ წინააღმდეგ", - ამბობს შიოშვილი.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
