21
აპრილიდღის ზოგადი ასტროლოგიური პროგნოზი
ბრაზილიაში სამდღიანი ეროვნული გლოვა გამოცხადდა ქვეყნის სამხრეთით, ქალაქ სანტა მარიას ღამის კლუბში ხანძრის შედეგად 231 ადამიანის დაღუპვის გამო. ამის შესახებ "ბიბისი" იუწყება.
გავრცელებული ინფორმაციით, კლუბში ხანძარი ერთ-ერთი მუსიკოსის მიერ სცენაზე ფეიერვერკის ანთებამ გამოიწვია.
ბრაზილიის ხელისუფლების განცხადებით, დაღუპულთა უმრავლესობა სტუდენტები არიან, რომლებიც კვამლით გაიგუდნენ.
ბრაზილიაში ბოლო ხუთი ათეული წლის განმავლობაში, ეს ყველაზე მასშტაბური ხანძარია, რომელსაც ამდენი ადამიანი შეეწირა.
ქვეყნის დედაქალაქ ბრაზილიაში გადაიდო ღონისძიება, რომელიც ფეხბურთის 2014 წლის მსოფლიო ჩემპიონატის დაწყებამდე 500 დღის დარჩენას ეძღვნებოდა. უშუალოდ სანტა მარიაში კი 30-დღიანი გლოვა გამოცხადდა.
მომზადებულია bbc.co.uk-ის მიხედვით.
