კოლინ ფერტს ცოლი აკოტრებს

ცნობილი ბრიტანელი მსახიობის, კოლინ ფერტის და მისი მეუღლის, ლივია ფერტის წყვილს იდეალურად მიიჩნევენ, თუმცა აღმოჩნდა, რომ მათ ოჯახშიც არაა ყველაფერი წესრიგში. 

ბრიტანული პრესის ინფორმაციით, ლივია მეუღლის ქონებას ფლანგავს. მისის ფერტი კოლინის ფულს რამდენიმე სახლის შესანახად იყენებს და ამასთან, მეუღლეს თავისი ნათესავების რჩენასაც აიძულებს.

ლივია იმდენად სწრაფად ხარჯავს ქმრის ნაგროვებ ქონებას, რომ ახლა კოლინ ფერტი "ბრიჯიტ ჯონსის" მესამე სერიაში მონაწილეობაზეც კი დაფიქრდა, რათა საბანკო ანგარიში შეავსოს.

"კოლინის მეგობრები ძალიან ნერვიულობენ. ლივიამ შეიძლება ქმარი გააკოტროს, თუ ის თავად არ შეაჩერებს ცოლს. კოლინი არ აპირებდა იმ ფილმებში მონაწილეობას, რომლის სცენარიც არ მოსწონდა, მაგრამ ახლა უკვე სხვა გზა აღარ აქვს", - წერს Showbizspy.

კოლინმა და ლივიამ 1997 წელს იქორწინეს. წყვილს ორი შვილი ჰყავს. მაშინ, როდესაც ბრიტანელი მსახიობი გადაღებებითაა დაკავებული, მისი მეუღლე აქტიურად არის ჩართული საზოგადოებრივ საქმიანობაში და გარემოს დასაცავად იბრძვის.

მომზადებულია Showbizspy-ს მიხედვით.