29
მარტიდღის ზოგადი ასტროლოგიური პროგნოზი
ქაიროში სამხედრო მატარებლის ავარიის შედეგად 19 ადამიანი დაიღუპა, 107 კი დაშავდა. ამის შესახებ "როიტერი" იუწყება.
ეგვიპტის თავდაცვის სამინისტროს კუთვნილ მატარებელს ახალწვეულები ქაიროში, სასწავლო ბანაკში გადაჰყავდა, რა დროსაც გიზას ტერიტორიაზე რელსებიდან გადავიდა.
ეგვიპტის ჯანმრთელობის დაცვის სამინისტროს პრესსპიკერის განცხადებით, დაშავებულები ჰოსპიტალში არიან მოთავსებული.
ეგვიპტეში სარკინიგზო ავარიები საკმაოდ ხშირია, რის მიზეზადაც ადგილობრივები უსაფრთხოების ელემენტარული ზომების დაუცველობას ასახელებენ.
2012 წლის ნოემბერში, ქაიროში მატარებლისა და სასკოლო ავტობუსის შეჯახების შედეგად 50 ადამიანი დაიღუპა, მათ შორის, უმრავლესობა ბავშვები იყვნენ.
მომზადებულია reuters.com-ის მიხედვით.
