29
მარტიდღის ზოგადი ასტროლოგიური პროგნოზი
ეს პაწაწინა ნაძვის ხე ნაცისტური გერმანიის ტყვეებს ცივ ბანაკებში სიცოცხლის ხალისსა და მომავლის იმედს აძლევდა. ნაძვის ხე 87 წლის პოლონელ იანუშ კენტს ეკუთვნის.
იანუში 19 წლის იყო, როდესაც ვარშავის აჯანყებაში მონაწილეობის გამო საკოცენტრაციო ბანაკ Stalag 11A-ში გადაიყვანეს. იანუშს ნაძვის ხე მშობლებმა აჩუქეს. მოხუცი იხსენებს, რომ როდესაც პაწაწინა ნაძვის ხეს სანთლით გაანათებდნენ, ყველას მომავლის იმედი ესახებოდა. იანუში ამბობს, რომ ნაძვის ხის გარშემო სხვადასხვა ენაზე მოჩურჩულე ადამიანების ხმა და სიმღერები არასდროს დაავიწყდება.
"შობას ბანაკში ციოდა. ყოველთვის თოვდა. საჭმელი პრაქტიკულად არ გვქონდა - მაგიდას მხოლოდ გერმანელების მიერ მოტანილი წყალწყალა წვნიანი ამშვენებდა, მაგრამ ოთახში იდგა ნაძვის ხე, რომელიც შობის განწყობას ქმნიდა. ბანაკში ვიყავი, მაგრამ ისეთი შეგრძნება მქონდა, თითქოს ახალ წელს პოლონეთში, სახლში ვეგებებოდი", - იხსენებს იანუში.
მშობლების ნახვა მან 15 წლის შემდეგ შეძლო.
ტყვეობიდან გათავისუფლების შემდეგ ის ინგლისში გადაიყვანეს, სადაც აჯანყებაში მონაწილეობის დროს დაშავებულ მკლავს მკურნალობდა. მოგვიანებით დაოჯახდა, შვილები და შვილიშვილები შეეძინა. ნაძვის ხე დღემდე კენტების ოჯახში საახალწლო დეკორაციად ინახება.
მომზადებულია dailymail.co.uk-ის მიხედვით.
