6
მაისიდღის ზოგადი ასტროლოგიური პროგნოზი
19 დეკემბერს 70 ქვეყნის ულამაზესი გოგონები "მის სამყაროს" ტიტულის მოსაპოვებლად იბრძოლებენ. მათ შორისაა "მის საქართველო 2012" თამარ შედანია. თამთა შედანია უკვე ხუთი წელია ევროპისა და აზიის წამყვან სამოდელო სააგენტოებთან თანამშრომლობს. მსოფლიო სამოდელო სამყარომ თამთა "ელიტ მოდელ ლუქ ჯორჯიას" კონკურსზე გამარჯვების შემდეგ გაიცნო. წელს კი მან "მის საქართველოს" ტიტული მოიპოვა და ჩვენს ქვეყანას ერთ-ერთ ყველაზე პრესტიჟულ სილამაზის კონკურს "მის სამყარო 2012"-ზე წარადგენს.
"მის სამყაროს" ვებგვერდზე თამთას შესახებ ინფორმაციის ამოკითხვა და ფოტოების დათვალიერებაა შესაძლებელი.
თამარ შედანია ზუგდიდში გაიზარდა. სამოდელო ბიზნესში 14 წლის ასაკიდან ჩაერთო. თამარს მოგზაურობა და ბავშვებთან ურთიერთობა უყვარს. ამჟამად საქართველოს სოფლის მეურნეობის სამინისტროში მუშაობს. თამარის სურვილია, ოდესმე მსახიობ მერილ სტრიპს შეხვდეს, აკეთებს სამკაულებს და მისი ოცნებაა გახდეს ცნობილი მსახიობი - წერია "მის სამყაროს" ვებგვერდზე.
19 დეკემბერს ლას-ვეგასის პრესტიჟულ სასტუმრო კომპლექსში მსოფლიოს ყველაზე ლამაზი ქალის ვინაობა დასახელდება. გვირგვინისთვის 70 ქვეყნის ულამაზესი გოგონა იბრძვის.
გთავაზობთ ფოტოგალერეას, რომელიც "მის სამყაროს" ვებგვერდმა missuniverse.com-მა წარმოადგინა.
მომზადებულია missuniverse.com-ის მიხედვით.
