18
მარტიდღის ზოგადი ასტროლოგიური პროგნოზი
"საზოგადოებრივი მაუწყებლის" გენერალური დირექტორის ვაკანსიაზე ღია კონკურსი გამოცხადდა. ამის შესახებ ჟურნალისტებს სამეთვალყურეო საბჭოს სხდომის დასრულების შემდეგ საბჭოს თავმჯდომარემ ლევან გახელაძემ განუცხადა.
მისი თქმით, აღნიშნულ პოსტზე მუშაობის დაწყების მსურველების განცხადება 20 დეკემბრის 18:00 საათამდე მიიღება.
ამასთან, გახელაძემ გენერალური დირექტორის თანამდებობიდან გია ჭანტურიას გადადგომასთან დაკავშირებითაც გააკეთა კომენტარი და სამეთვალყურეო საბჭოს დადგენილება გააცნო ჟურნალისტებს.
"ევროპის მაუწყებელთა კავშირის და "საზოგადობრივი მაუწყებლის" სამეურვეო საბჭოს მიერ ერთობლივად დამტკიცებული სტრატეგიული გეგმის შესრულების სხვადასხვა ეტაპზე წარმოქმნილმა ხარვეზებმა "საზოგადოებრივ მაუწყებელში" გამოიწვია მართვის კრიზისი. ამის გათვალისწინებით, სამეურვეო საბჭომ დააკმაყოფილა გენერალური დირექტორის გია ჭანტურიას განცხადება თანამდებობიდან გადადგომის შესახებ", - აღნიშნა გახელაძემ.
ამასთან, მისივე თქმით, სამეურვეო საბჭო მიიჩნევს, რომ ჭანტურიას ხელმძღვანელობით დაწყებული მაუწყებლის რეფორმირებისა და დამოუკიდებლობის განტკიცების პროცესი კვლავაც გაგრძელდება.
"საბჭო მადლობას უხდის ბატონ ჭანტურიას გაწეული სამუშაოსთვის, იმ რთული პირობების გათვალისწინებით, რომელშიც მას უხდებოდა მუშაობა", - განაცხადა გახელაძემ.
მისივე თქმით, იმედს გამოთქვამს, რომ ახალ წლამდე ახალი გენერალური დირექტორი დაინიშნება.
