ევა ჰერციგოვა ფეხმძიმედაა

39 წლის ჩეხი სუპერმოდელი ევა ჰერციგოვა ფეხმძიმედაა. ვარსკვლავი მესამე შვილს ელოდება. სუპერმოდელის ფეხმძიმობის შესახებ ინფორმაცია სამოდელო სააგენტო Storm Models-ის წარმომადგენლებმა დაადასტურეს. ევასა და მის საყვარელს, გრეგორიო მარსიას ორი ვაჟი - 5 წლის ჯორჯი და 1 წლის ფილიპი ჰყავთ.

ევამ სამოდელო კარიერა 16 წლის ასაკში დაიწყო. ამ პროფესიით სერიოზულად 1989 წელს დაინტერესდა, როდესაც პრაღაში გამართულ სილამაზის კონკურსზე გაიმარჯვა. შემდეგ პარიზში წავიდა და მსოფლიო პოპულარობა მოიპოვა. ევას უთანამშრომლია თითქმის ყველა მსოფლიო ბრენდთან, დაუმშვენებია პოპულარული მოდის ჟურნალების გარეკანი, მის პორტფოლიოში უამრავი თამამი ფოტოა.

ევა 23 წლის ასაკში დრამერზე, ტიკო ტორესზე გათხოვდა. ქორწინება უიღბლო აღმოჩნდა და წყვილი 2 წელში ერთმანეთს დაშორდა. განქორწინების შემდეგ ამჟამინდელი საყვარელი გაიცნო და ახლა ერთად ცხოვრობენ; ევამ ხელმეორედ ოფიციალურად დაქორწინებაზე უარი განაცხადა.

მომზადებულია VOGUE-ის მიხედვით.