The Rolling Stones-ს 50 წელი შეუსრულდა
ჯგუფმა The Rolling Stones-მა ოქროს იუბილე აღნიშნა. ბენდს 50 წელი შეუსრულდა. ამ ღირშესანიშნავი თარიღის აღსანიშნად, The Rolling Stones-მა მსოფლიო ტურნეს წამოწყების შესახებ გამოაცხადა. ჯერ კიდევ 2007 წელს, როდესაც ბენდი The Biggest Bang-ის ტურნეში იყო ჩართული, მიკ ჯაგერი აცხადებდა, რომ სავარაუდოდ, ეს "როლინგ სთოუნზის" ბოლო საკონცერტო ტურნე იქნებოდა, თუმცა გეგმები შეიცვალა.
25 ნოემბერს, დაბადების დღის აღსანიშნავად ლეგენდარული The Rolling Stones-ი სრული შემადგენლობით გამოვიდა. კონცერტი ლონდონის О2-ის არენაზე გაიმართა.
ჯგუფისთვის მისალოცად თაყვანისმცემლების გარდა, შოუ-ბიზნესის წარმომადგენლებიც შეიკრიბნენ, თუმცა სცენაზე გამოსვლის შესაძლებლობა მხოლოდ მერი ჯეი ბლაიჯსა და ჯეფ ბეკს მიეცათ.
კონცერტზე დასასწრები ბილეთის ფასი 90 ფუნტი სტერლინგი იყო. მიუხედავად ამისა, მაინც უამრავი ადამიანი შეიკრიბა. ჯგუფის გიტარისტმა, კიტ რიჩარდსმა ამასთან დაკავშირებით იხუმრა კიდეც. "მოხარულები ვართ, რომ ვინმე მაინც მოვიდა", - განაცხადა მან.
გამოსვლის დროს "როლინგ სთოუნზს" მათი ყოფილი წევრები, მიკ ტეილორი და ბილ უაინონიც შეუერთდნენ. მათ ჯგუფი 1974 და 1992 წლებში დატოვეს.
მომზადებულია spletnik.ru-ს მიხედვით.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
