15
აპრილიდღის ზოგადი ასტროლოგიური პროგნოზი
გუშინ, 80 წლის ნანა ბებო ციხიდან გამოუშვეს... სასჯელაღსრულების სამინისტროსთან არსებულმა ადგილობრივმა საბჭომ, ბებო სასჯელის მოხდისგან ვადაზე ადრე გაათავისუფლა.
2012 წლის 20 ოქტომბერს, როცა ქალთა კოლონიაში მონიტორინგის დროს, 80 წლის ბებოს შესახებ პატიმრებმა პირველად მიამბეს, დაუჯერებელი ამბავი მეგონა. ვერ წარმოვიდგინე, 80 წლის ბებო ციხეში რატომ უნდა ჩაესვათ. განა რა დააშავა?
22 ოქტომბერს რუსთავის საქალაქო სასამართლოდან საქმის მასალები მოვიპოვე. აღმოჩნდა, რომ ნანა ბებომ თავი დამნაშავედ არ სცნო, მაგრამ მოსამართლე ლარისა ლიპარტელიანმა 2011 წლის 9 თებერვალს მას მაინც მიუსაჯა 3 წლით თავისუფლების აღკვეთა. პროკურატურა ბებოს მეზობლის ბოსტნის ღობის დაწვაში ადანაშაულებდა.
განაჩენის მიხედვით, ნანა ბებოს ბრალი დაედო რუსთავში მეზობლის კუთვნილი ნივთის განადგურებაში. კერძოდ, განაჩენში წერია, რომ ბებომ ცეცხლი მოუკიდა მცირე ზომის მიწის ნაკვეთში ღობესთან დალაგებულ შეშას და ხის სხვა მასალას, რომელიც ეკუთვნოდა მის მეზობელს, ვისთანაც პირადი მოტივით იყო განაწყენებული, რითაც მან მეზობელს მიაყენა 1000 ლარის ზიანი. ნანა ბებომ დანაშაული არ აღიარა და არც ახლა აღიარებს. ის ამბობს, რომ ცეცხლი მეზობლის ღობეს გაუფრთხილებლად გადაედო, როცა თავის ბოსტანს ასუფთავებდა და არავითარი წინასწარი განზრახვა არ ჰქონია.
მცხეთა-მთიანეთის საინფორმაციო ცენტრი
