29
მარტიდღის ზოგადი ასტროლოგიური პროგნოზი
სატყეო დეპარტამენტის ყოფილი უფროსი, გერმანიაში მცხოვრები ბიძინა გიორგობიანი პარლამენტის მიერ პოლიტიკურ დევნილებთან დაკავშირებული დადგენილების მიღებას ელოდება.
როგორც გიორგობიანმა "ინტერპრესნიუსს" განუცხადა, ამის შემდეგ მისი ადვოკატი მთავარი პროკურატურაში საქმის გადახედვას მოითხოვს.
"მე გამოცდილი პოლიტიკური დევნილი ვარ. მეორედ ვარ პოლიტიკურ დევნილობაში. არ მინდა, დაუფიქრებელი ნაბიჯი გადავდგა და საქართველოს ახლად არჩეული ხელისუფლება დავაყენო ისეთი ფაქტების წინაშე, რომელსაც არ ელოდება. აქედან გამომდინარე, მივყვები სამართლებრივ გზას, რათა დავბრუნდე საქართველოში. მე საქართველოში დაბრუნებას ვაპირებ, თუმცა ირაკლი ოქრუაშვილის მსგავსად ნაჩქარევი ნაბიჯების გადადგმას არ ვაპირებ. სკანდალები და ზედმეტი პიარი ჩემს ინტერესებში არ შედის", - განაცხადა გიორგობიანმა.
მისივე თქმით, სურს, საქართველოში ჩამოყალიბდეს დემოკრატიული სამართლებრივი სტრუქტურები, რისთვისაც უკვე წლებია, თავადაც იბრძვის.
გიორგობიანს სატყეო დეპატრამენტის ხელმძღვანელად მუშაობისას უფლებამოსილების გადამეტება და თანამდებობის ბოროტად გამოყენება ედება ბრალად. ქართულმა სასამართლომ მას სასჯელი დაუსწრებლად შეუფარდა. ბიძინა გიორგობიანს გერმანიაში პოლიტიკური თავშესაფარი აქვს. მან გერმანიის მოქალაქეობაც მიიღო.
