მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნინუცა მაყაშვილი: "ჩვენი ბინა მარადიულად არეულია"
23:09 / 19-11-2012
მსახიობი და ტელეწამყვანი ნინუცა მაყაშვილი ამჟამად "ჯიდიეს" ტელევიზიაში მუშაობს, თუმცა ტექნიკური პრობლემების გამო ჯერჯერობით ეთერში ვერ გადის. სამწუხაროდ, ამ ეტაპზე თეატრშიც არაა დაკავებული, ამიტომ ძირითადად შვილს უვლის და ერთობა. ნინუცა მსახიობ რუსკა მაყაშვილის დაა, მას და მსახიობ ბესო ზანგურს საერთო შვილი ჰყავთ, რომელსაც ბესოს მამის სახელი - ნოდარი ჰქვია.
საღამოს დაწყებული დილა
- ამ ბოლო დროს რეჟიმი მაქვს არეული, ღამით მღვიძავს, ვერაფრით ვერ ვიძინებ, დილით 7-8 საათზე ვწვები და ჩემი შვილის და ჩემი პატარა ძმის ბაღში წაყვანის დროს, ანუ 9-10 საათისთვის ვიღვიძებ, ვითომ ენერგიულად ვარ, მაგრამ სახლში დაბრუნების შემდეგ ბალიშზე თავს როგორც კი დავდებ, ისე მეძინება, ვერაფერი მაღვიძებს. დაახლოებით საღამოს 6 საათზე ვიღვიძებ და ისევ მივრბივარ ბაღში ბავშვების გამოსაყვანად. მიუხედავად ასეთი გრაფიკისა, გამოფხიზლება არ მიჭირს, არც ყავა მჭირდება და არც სხვა რამე.
თავის მოვლა
- ვერ ვიტყვი, რომ თავს განსაკუთრებულად ვუვლი, იშვიათად დავდივარ სალონში თმის შესაღებად ან შესაჭრელად, აი, ფრჩხილები კი ის დეტალია, რისთვისაც აუცილებლად სალონი მჭირდება. როგორც ყველა ნორმალური ადამიანი, მეც ვცდილობ, სახლიდან გასვლის წინ მოვწესრიგდე, მაგრამ საათობით სარკესთან დგომა არ მახასიათებს.
შოპინგი
- ჩემი და რუსკა ნამდვილი შოპოჰოლიკია, ძალიან უყვარს სამოსის ყიდვა, მე კი ვგიჟდები შოკოლადზე, ტკბილეულზე და მათი შეძენა მიყვარს. ყველაზე საოცარი ჩემს შვილთან ერთად საყიდლებზე სიარულია, მაღაზიაში შესვლისთანავე იწყებს სირბილს, მე კი მივდევ, სირბილშივე ვაზომებ, ის ამ დროს კივის, გვაქვს ერთი ამბავი და ყველა ჩვენ გვიყურებს.
ნინუცა - დედა
- ჩემი შვილი და ჩემი პატარა ძმა, რომელიც ბაღში დადის, დიდი კაცებივით ჩხუბობენ, ჩემი შვილი ნოდო დედაჩემს, თამრიკოს უფრო უჯერებს, ვიდრე მე, მასთან რომ ვტოვებ, ცხრა საათზე, მაქსიმუმ ათის ნახევარზე სძინავს, ჩემთან კი გვიანობამდე არ იძინებს. თუ მე დამინახა, აღარავინ უნდა, თუ დედას ვუტოვებ და გასვლა მიწევს, მაშინ სახლიდან ვეპარები, მაგრამ თუ ვერ მხედავს, ბაღიდან მე არ გამომყავს, არც კი მკითხულობს. ვცდილობ, სადაც წავალ წავიყვანო, მაგრამ როცა ღამით მეგობრებთან გავდივარ, რასაკვირველია, სახლში ვტოვებ.
მამა-შვილის ურთიერთობა
- ხანდახან გამონათდება ხოლმე ამ მხრივ და მამა აკითხავს შვილს. ამას წინათ სასეირნოდ უნდოდა წაეყვანა, მოვიდა და ბავშვი არ მიჰყვებოდა. საერთოდ ასეა, მე რომ მხედავს, არავის მიჰყვება, როგორც იქნა წავიდა და გახარებული დაბრუნდა შინ, მამამ სასეირნოდ წამიყვანაო.
გართობა
- როგორც უკვე გითხარით, ძირითადად ღამით, მეგობრებთან ერთად მივდივარ გასართობად. თბილისური კლუბები და ღამის ცხოვრება უკვე მომბეზრდა. კი, იხსნება ახალი გასართობი ადგილები, მაგრამ ყველაგნ ერთი და იგივე სახეების დანახვა დამღლელია. ამიტომ მირჩევნია მეგობართან ავიდეთ სახლში და იქ გავერთოთ. მაგალითად, ამას წინათ, "დურაკას" თამაშში დაგვათენდა, ჩემპიონატი მოვაწყვეთ (იცინის) ორშაბათობით რუსკას ვგულშემატკივრობ რუსთაველის თეატრში და ასე გადის დრო.
ტელევიზია
- "ჯიდიეს" ტელევიზიაში "ტოპათეული" უნდა წავიყვანო, იქიდან გამომდინარე, რომ ჯერ კლიპები არ ჩამოსულა, უსაქმოდ ვარ, ველოდები კლიპებს და მერე ეთერშიც გავალ.
თეატრი
- ძალიან მინდა რაიმე ახალ, კარგ სპექტაკლზე მუშაობა. რატომღაც ჩემთვის არაფერი ხდება ამ სფეროში. იმედია, სიტუაცია რომ დალაგდება, მეც გამომიჩნდება საქმე.
საოჯახო საქმეები
- მინდა გითხრათ, რომ ადამსების ოჯახივით ვცხოვრობთ. მარადიულად არეულია ჩვენი ბინა, ოღონდ ეს მხოლოდ ბავშვების დამსახურება არაა. როგორც წესი, ყველას სადღაც ეჩქარება, ამიტომ სულ მიყრილ-მოყრილია ტანსაცმელი. სამზარეულოში ყოველთვის ბევრი ჭურჭელი იყრის თავს, ჯერ ერთმანეთს ველოდებით, ბოლოს კი ან მე ვრეცხავ, ან დედა.
- რუსკას არ ეხება საოჯახო საქმეები?
- არა, ისეთი დაღლილი ბრუნდება, არაფრის თავი არ აქვს. საერთოდაც, ჩვენი რეჟიმიდან გამომდინარე, ოჯახის წევრები არცთუ ხშირად ვხვდებით ერთმანეთს.
ციცი ომანიძე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
