29
მარტიდღის ზოგადი ასტროლოგიური პროგნოზი
ბუნებრივია, არის სირთულეები, რაც დაძაბული საარჩევნო კამპანიის შემდეგ გარდაუვალია , - ამის შესახებ აშშ-ის სახელმწიფო მდივნის მოადგილემ ევროპისა და ევრაზიის საკითხებში ფილიპ გორდონმა ჟურნალისტებს მთავრობის კანცელარიაში განუცხადა.
მისივე თქმით, ის, რომ საქართველოს ჰყავს განსხვავებული პოლიტიკური ორიენტაციის მქონე პრემიერი და პრეზიდენტი, პოზიტიური ნაბიჯია.
"ამავდროულად, ბუნებრივია, რომ არის სირთულეები. ეს გარდაუვალია დაძაბული საარჩევნო კამპანიის შემდეგ. ჩვენ მოვუწოდებთ ორივე მხარეს, არ დაუშვან ამ დაძაბულობამ პრობლემები შეუქმნას კანონის უზენაესობას. ორივე მხარეს გულთან მიაქვს საქართველოს ინტერესი და ორივემ იცის, რომ ეს არ არის მათ ინტერესებში. მოვუწოდებ მათ, არ დაუშვან ჩხუბი, პოლიტიკური დასჯა და ბრალდებები. მსოფლიო და საერთაშორისო თანამეგობრობა პროცესებს ყურადღებით აკვირდება. აშშ-ს მიაჩნია, რომ საქართველომ უნდა გააგრძელოს დასავლეთთან ინტეგრაციის კურსი და უნდა მოხდეს ძალაუფლების მშვიდობიანი, დემოკრატიული გადაცემა", - აღნიშნა გორდონმა.
