29
მარტიდღის ზოგადი ასტროლოგიური პროგნოზი
Human Rights Watch-ის მიერ წარმოდგენილი სამხილების მიხედვით, ერთი წლის წინ ლიბიელმა მეამბოხეებმა სიკვდილით დასაჯეს დიქტატორი მუამარ კადაფი და მისი ტყვედ აყვანილი თანამებრძოლები. ლიბიის ახალი მთავრობის განცხადების მიხედვით, კადაფი და მისი შვილი მოთასიმი ორმხრივი ცეცხლის შედეგად დაიღუპნენ. "ჰუმან რაითს ვოჩის" მიერ მოპოვებული სამხილები კი სრულიად საპირისპიროზე მეტყველებენ: ადამიანის უფლებადამცველმა ორგანიზაციამ წარმოადგინა 50-გვერდიანი ანგარიში "დიქტატორის სიკვდილი, სისხლიანი ანგარიშსწორება სირტეში". ანგარიშში ნათქვამია, რომ კადაფისა და მისი მომხრეების დამხობის მეორე დღეს, 2011 წლის 22 ოქტომბერს "ჰიუმან რაითს ვოჩის" წარმომადგენლებმა 53 მოკლულის გვამი სასტუმრო "მაჰარიში" იპოვნეს.
ანგარიშში წარმოდგენილ სამხილთა შორის არის მობილური ტელეფონით გადაღებული ვიდეო, რომელშიც ასახულია ტყვეების წამება და შეურაცხყოფა. სავარაუდოდ, სირტეში ნაპოვნი გვამები სწორედ ვიდეოში ასახულ ტყვეებს ეკუთვნით.
უფლებადამცველი ორგანიზაციის წარმომადგენლის, პიტერ ბაკერტის განცხადებით, როგორც ჩანს, ეს ადამიანები მეამბოხეებმა წამებით მოკლეს. მისივე თქმით, ომის კანონებით, შეპყრობილი მეომრების დახოცვა უმძიმესი სამხედრო დანაშაულია.
ასევე იხილეთ:
-ემოციური ვიდეო მასალა, მუამარ კადაფი გარდაცვალებამდე რამდენიმე წუთით ადრე
მომზადებულია Human Rights Watch-ის მიხედვით.
