21
აპრილიდღის ზოგადი ასტროლოგიური პროგნოზი
"თიბისი ბანკმა" გაავრცელა განცხადება, რომელიც უკავშირდება კომპანია "ელიტ ელექტრონიქსის" ყოფილ მფლობელს, ანზორ ქოქოლაძეს. განცხადებაში ნათქვამია, რომ ანზორ ქოქოლაძე ცდილობს ბანკი დააშანტაჟოს - კერძოდ, ითხოვს ბანკისგან "ელიტ ელექტრონიქსის" აქციების 100%-ს ისე, რომ უარს ამბობს ბანკისგან აღებული სესხის, 11 მილიონის გადახდაზე. წინააღმდეგ შემთხვევაში ემუქრება "თიბისი ბანკს" მისი რეპუტაციისა და სახელის შელახვით.
"თიბისი ბანკი" მიიჩნევს, რომ ქოქოლაძე უბრალოდ ცდილობს ისარგებლოს ბოლო დროს განვითარებული ცვლილებებით, მოისხას "ჩაგრულის" მანტია, გამოიყენოს მასმედია იარაღად "თიბისი ბანკის" დაშანტაჟებაში და შეცდომაში შეიყვანოს საზოგადოება.
"თიბისი ბანკის" მენეჯმენტი კიდევ ერთხელ ხაზს უსვამს, რომ "ანზორ ქოქოლაძე არის ადამიანი, რომელმაც აიღო "თიბისი"-სგან და 3 სხვა ბანკისგან 26 მილიონი ლარის სესხები, თავისი არასწორი მართვით მიიყვანა კომპანია იქამდე, რომ სესხები ვერ დაბრუნდა და კომპანია აღმოჩნდა ფინანსურ კრიზისში". ბანკის წარმომადგენელთა თქმით, "თიბისი ბანკი" იძულებული გახდა, სესხის სანაცვლოდ გირაოში ჩადებული აქტივები სასამართლო წესით საკუთრებაში მიეღო და გაესხვისებინა საერთაშორისო ინვესტორზე, რათა როგორმე სესხი დაებრუნებინა. შედეგად, კომპანიამ განაგრძო ფუნქციონირება, ბანკმა სესხის მხოლოდ ნაწილი დაიბრუნა და რამდენიმე მილიონი ზარალი მიიღო".
"თიბისი ბანკის" განცხადებაში ნათქვამია, რომ ბანკი არ აპირებს დაექვემდებაროს ქოქოლაძის შანტაჟს და არ მისცემს მას მედიით მანიპულირების შესაძლებლობას: "მიუხედავად იმისა, რომ ჩვენ სამართლებრივად და მორალურად აბსოლუტურად მართლები ვართ, გვსურს არავის და, მათ შორის, არც ბატონ ანზორს არ დარჩეს რაიმე კითხვები ამასთან დაკავშირებით. ამიტომ ჩვენ შევთავაზეთ მას, შანტაჟის ნაცვლად აგვერჩია ისეთი გამჭვირვალე და დემოკრატიული გზები, როგორიცაა დამოუკიდებელი ჟურნალისტური გამოძიება და კერძო არბიტრაჟი. სამწუხაროდ, ქოქოლაძემ ორივე შეთავაზებაზე უარი თქვა, რაც გვაფიქრებინებს, რომ მისი მთავარი მოტივაცია სამართლიანობის აღდგენა ნამდვილად არ არის", - ნათქვამია "თიბისი ბანკის" განცხადებაში.
R
_2019-10-08_RxpzhSG0MIT5YR.jpg)
