მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიგი უგულავა "ნაციონალებიდან" წასულ საკრებულოს წევრებს კინოფილმ "გარაჟის" პერსონაჟს ადარებს
08:35 / 12-10-2012
თბილისის მერი გიგი უგულავა "ნაციონალური მოძრაობიდან" წასულ საკრებულოს წევრებს კინოფილმ "გარაჟის" იმ პერსონაჟს ადარებს, რომელსაც მუდმივად უმრავლესობაში ყოფნა სურს.
"ამ ხალხისგან მსგავსი რამ ამ წლების განმავლობაში არ მსმენია, სამაგიეროდ, მსმენია ბევრი სადღეგრძელო ერთგულებასთან დაკავშირებით. ამ ადამიანებმა კინოფილმი "გარაჟი" გამახსენეს - მასში ბევრი საინტერესო პერსონაჟია, თუმცა არის რამდენიმე გმირი, რომელიც დღესაა ძალიან აქტუალური. ერთ-ერთი მათგანია პირი, რომელიც მაკაკებზე აკეთებს ექსპერიმენტებს - იქაცაა ჭიდილი, ვინ მოაგროვებს უმრავლესობას და ეს კაცი მუდმივად ირყევა აქეთ-იქეთ, ხან ერთ უმრავლესობაშია, ხან მეორეში. ბოლოს გამოაცხადებს თავის კრედოს, რომ არის ადამიანი, რომელსაც მუდმივად უნდა იყოს უმრავლესობაში, სხვაგვარად თავისი არსებობა წარმოუდგენლად მიაჩნია", - განუცხადა უგულავამ ჟურნალისტებს.
მისივე განმარტებით, პროცესი, რომელიც დღეს მიმდინარეობს "ნაციონალური მოძრაობისთვის" სასარგებლოა, რადგან ამით ის კრისტალიზაციას განიცდის.
"მე პატივს ვცემ ნებისმიერი ადამიანის გადაწყვეტილებას. ბუნებრივია, 10-წლიანი მმართველობის შემდეგ პარტიაში, როგორც წესი, ბევრი ხავსი შეიძლება გაჩნდეს და ეს პროცესი ნორმალურია. პროცესი, რომელიც დღეს მიმდინარეობს, ძალიან ჯანსაღია, განსაკუთრებით "ნაციონალური მოძრაობისთვის". ესაა კრისტალიზაციის პროცესი, ესაა მუდმივად უმრავლესობაში მყოფი ხალხისგან გათავისუფლების პროცესი და პროცესი იმისა, რომ უნდა დარჩნენ ღირებულებებით და იდეებით დაკავშირებული ადამიანები ერთად და არა ისეთი ხალხი, რომლებსაც მარტო ხელისუფლებაში და უმრავლესობაში ყოფნა უნდათ. მენდეთ, ეს ყველაზე კარგია "ნაციონალური მოძრაობისთვის", - აღნიშნა უგულავამ.
"ნაციონალური მოძრაობიდან" წამოსულმა წევრებმა თბილისის საკრებულოში ახალი ფრაქცია შექმნეს.
ფრაქცია, რომლის სახელწოდებაა "თავისუფლება" 5 წევრითაა წარმოდგენილი. მის შემადგენლობაში შედიან: ირაკლი შიხიაშვილი, მერაბ რაფავა, გიორგი ნემსაძე, მიხეილ ქავთარაძე და ზაზა დილიძე, რომელმაც "ნაციონალური მოძრაობიდან" წამოსვლისა და ახალ ფრაქციაში გაწევრიანების გადაწყვეტილება დანარჩენი 4 წევრის მიერ საკრებულოში გამართული პრესკონფერენციის მომენტში მიიღო.
"ვემიჯნებით "ნაციონალურ მოძრაობას", რომელიც მისმა მმართველებმა დისკრედიტირებულ და ამორალურ ორგანიზაციად გადააქციეს. თბილისის მერი გიგი უგულავა ჩვენ მოღალატეებს გვიწოდებს, მაგრამ გვინდა მას ვუთხრათ - როცა პოლიტიკური ორგანიზაცია უპირისპირდება საკუთარ მოსახლეობას და ცდილობს ჩაახშოს თავისუფალი ნება, როცა არჩევანს აყენებს საკუთარ პარტიასა და ქართველ ხალხს შორის, რა თქმა უნდა, ჩვენი არჩევანი ყოველთვის ქართველი ხალხის მხარეს იქნება", - განაცხადა შიხიაშვილმა.
მისივე განმარტებით, თბილისის საკრებულოში "ნაცმოძრაობის" შეუქცევადი რღვევის პროცესია დაწყებული და ახალი ფრაქცია მათ მისაღებად მზადაა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სადგურის მოედანი და დადიანის გამზირი ერთმანეთს ხიდით დაუკავშირდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
