სარკის ოთახი

ცნობილი იაპონელი მხატვრის იაიოი კუსამას შექმნილი არტ ინსტალაცია ათასობით პაწაწინა სარკისგან შედგება, რომელიც სხვადასხვა განათების ფონზე თვალისმომჭრელად ელავს.

მომავალ კვირას ლონდონში, ”კრისტის” აუქციონზე მხატვრის ინსტალაციას "უსაზღვრო სარკის ოთახი - სიყვარული სამუდამოდ" გაიტანენ. მისი საწყისი ფასი 350 000 გირვანქა სტერლინგია.

ბზინვარე ყუთს ფანჯრები აქვს, რომლის საშუალებითაც ინტალაციის ხილვაა შესაძლებელი. ინსტალაცია ვერცხლისფერ ექვსკუთხა მოხაზულობის "ოთახშია" განთავსებული. განათებისგან აკაშკაშებული სარკეები ზოგჯერ წითელია, ზოგჯერ - მწვანე და ზოგჯერ კი ოქროსფერი; ეს ეფექტი ქმნის შთაბეჭდილებას, თითქოს ჰორიზონტი უსასრულოა.

კუსამამ ინსტალაცია სხვადასხვა გალერეაში რამდენჯერმე წარმოადგინა, ბოლოს კი საზოგადოებამ ინსტალაცია 2008 წელს ლონდონში, თანამედროვე ხელოვნების გალერეაში - Victoria Miro Gallery იხილა. უნდა აღინიშნოს, რომ 2008 წელს ნიუ-იორკის ”კრისტის” აუქციონზე კუსამას ერთ-ერთი ნამუშევარი 3,1 მილიონ გირვანქა სტერლინგად გაიყიდა, რაც რეკორდული თანხაა ცოცხალი მხატვარი ქალისთვის.

მომზადებულია dailymail.co.uk-ის მიხედვით.