კირა ნაითლი კინოდან მიდის

კირა ნაითლიმ განაცხადა, რომ კინოკარიერას ოჯახის გამო ტოვებს. "პროფესიამ პირადი ცხოვრება წამართვა", - განაცხადა ვარსკვლავმა.

ახლა მსახიობი წარმატების მწვერვალზე იმყოფება. ინტერვიუში, რომელიც კირამ ჟუნალ VOGUE-ს ოქტომბრის ნომერს მისცა, მსახიობმა განაცხადა, რომ გადასაღები მოედნის მიღმა "არანაირი პირადი ცხოვრება" არ ჰქონდა.

"ყველგან პაპარაცები დამდევენ და ძალიან დამღალა მათმა მოსაბეზრებელმა ყურადღებამ. ერთხელ ერთ-ერთ მუსიკალურ ფესტივალზე გავემგზავრე და მთლიანად გარშემორტყმული ვიყავი პაპარაცებით", - აღნიშნა ვარსკვლავმა.

ახლა 27 წლის კირა როკერ ჯეიმს რაიტონს ხვდება. მსახიობს სურს, რომ თავი ოჯახს მიუძღვნას.

"ვოგში" კირას გამოსამშვიდობებელი ფოტოსესიაც დაიბეჭდა.

მომზადებულია VOGUE-ს მიხედვით.