13
მარტიდღის ზოგადი ასტროლოგიური პროგნოზი
2012 წლის 9 ივნისს POKER RING 2-ის ბოლოსწინა, მე-8 ნახევარფინალი გაიმართა. ამჯერად სტუდიაში 21-მა მოთამაშემ მოიყარა თავი. გავეცნოთ მათ.
1) atc-100 - თამაზ სხირტლაძე
2) burdiso8 - ლადო ბურდული
3) ciskara - დავით ტყეშელაშვილი
4) Danela545 - ლევან დანელია
5) giorgicec - გიორგი ჭეჟია
6) GOCIGOCI- ლევან გოცირიძე
7) gruzin26 - ლადი კორძახია
8) iraklius017 - ირაკლი გურგენიძე
9) kirilichi - დავით ბერიძე
10) kirpich -გიორგი ბირბიჩაძე
11) p777 - ბადრი კვარაცხელია
12) sab100 - კახაბერ საბაური
13) sandro11 - სანდრო ფირცხალავა
14) G.B - გიორგი ბარამიძე
15) pepeshi - გიორგი გელაშვილი
16) kisa81 - ქრისტინე ჯაბახიძე
17) GIJI01 - აკაკი ჯანჯალაშვილი
18) sula_beri - ნოე სულაბერიძე
19) xaraza - ლაშა ხარაზიშვილი
20) malxaz_qvrivishvili - მალხაზ ქვრივიშვილი
21) elene_dzneladze - ელენე ძნელაძე
თავიდანვე რამოდენიმე გამორჩეულ მოთამაშეს მივაქციოთ ყურადღება. burdiso8 - ლადო ბურდული" ზედიზედ მე-6 თამაშში იღებდა მონაწილეობას და, თუ როგორ დაუფასდა მოგვიანებით მოგახსენებთ. sandro11 -სანდრო ფირცხალავა, რომელიც სულ ცოტა ხნის წინ Europe-bet-ის Bad beat Jackpot-ის ერთ-ერთი გამარჯვებული გახდა. p777 -ბადრი კვარაცხელია, როგორც გამოცდილი და დიდი დიაპაზონის მქონე მოთამაშე, ciskara -დავით ტყეშელაშვილი, ზედმეტსახელად All-in-ა და ა.შ.
დაძაბულობა საწყისი წუთებიდანვე იგრძნობოდა და დღე პოკერის მოყვარულებს სასიამოვნო სანახაობას გვპირდებოდა. აქტიურად ჩაერთო თამაშში სტუმრის სტატუსით მოთამაშე მალხაზ ქვრივიშვილი, მაგრამ სამწუხაროდ, როგორც თავად აღნიშნა, ალბათ უფრო გამოუცდელობის გამო, ნაადრევად დასტოვა "ბრძოლის ველი". Danela545-ის რეიზს (AK), მან All-in-ით უპასუხა ტუზ-ათიანში, აქვე gruzin26-ს ჯიბის ორი შვიდიანი ჰყავდა, მაგრამ მან კარტის დაყრა ამჯობინა და არცთუ უსაფუძვლოდ, რადგან უკვე ფლოპზევე (K;K;10) ლევანის აშკარა უპირატესობა გამოიკვეთა და თერნმა(Q) და რივერმა (4) სიტუაცია ვეღარ შეცვალა. ნაადრევად დაგვტოვა კიდევ ერთმა მოწვეულმა სტუმარმა - მშვენიერმა ელენე ძნელაძემ. მან ჯიბის ორ ვალეტით ვერაფერი გააწყო ერთ-ერთ ფავორიტთან, ბადრი კვარაცხელიასთან (KK) შერკინებაში. ფლოპზე გახსნილი 7;10;6-ი უფრო ბადრის აწყობდა, თერნზე ტუზი გაიხსნა, ხოლო რივერზე-2 და ელენეც საფინალო მაგიდის მიღმა დარჩა.
რამოდენიმე საათიანი დაძაბული და საინტერესო შერკინების შემდეგ გაირკვა ის 9 მოთამაშე, რომელიც Main event-ის ერთადერთი საგზურისთვის გააგრძელებდნენ ბრძოლას. გაგაცნობთ მათ პოზიციების მიხედვით:
1) kirpich - გიორგი ბირბიჩაძე 12200 ჩიპი
2) p777 - ბადრი კვარაცხელია 16800 ჩიპი
3) gruzin26 - ლადი კორძახია 28600 ჩიპი
4) burdiso8 - ლადო ბურდული 34800 ჩიპი
5) sab100 - კახა საბაური 27800 ჩიპი
6) pepeshi - გიორგი გელაშვილი 36500 ჩიპლიდერი
7) kirilichi - დავით ბერიძე 12600 ჩიპი
8) G.B - გიორგი ბარამიძე 23200 ჩიპი
9) Iraklius017 - ირაკლი გურგენიძე 19000 ჩიპი
თამაში საფინალო მაგიდაზე 800/1600 ბლაინდით დაიწყო. უკვე მეორე დარიგებაზევე ცხადი გახდა რომ, მოთამაშეები ადვილად არაფერს დასთმობდნენ. Kirpich-მა (A♦Q♦) burdiso8-ს (A♣K♥) რეიზს 11400-იანი All-in-ით უპასუხა. ბორდზე გახსნილმა 3♣7♠10♣ 10♠ 6♦-მა ლადოს სტეკი 11400 ჩიპით გაამდიდრა, ხოლო გიო მე-9 ადგილზე დასტოვა. მე-12 დარიგებამდე მაგიდაზე პოზიციური ბრძოლა მიმდინარეობდა. აქ კი "ექშენში" ვიხილეთ kirilichi და G.B. დავითმა პრიფლოპ Q♥A♥-ში 12000-იანი All-in-ი გააკეთა რასაც გია A♠K♣-ში დახვდა. მართალია გია დომინირებდა (ტუზ-კაროლი+ფლეშ-დრო), მაგრამ ფლოპი (9♠3♠8♦) და თერნი (J♠) შანსს ორივე მოთამაშეს უტოვებდა. რივერზე გახსნილმა დამამ (Q♠) მართალია kirilichi გაახარა, მაგრამ მისდა სამწუხაროდ გიამ ფლეში გააკეთა და ერთ-ერთი ვეტერანი სპორტსმენი მე-8 ადგილს დააჯერა. 30-ე დარიგებაზე გამოვარდა sab100, რომელმაც 6♣Q♣-ში გაიბრძოლა და 6900-იანი All-in-ი გააკეთა, მაგრამ მას ბადრი SB-ში A♠9♥-ით დახვდა. უკვე ფლოპზევე (K♣A♦9♠) საბას მდგომარეობა დამძიმდა. მართალია თერნზე გახსნილმა Q♦-მა მას იმედი დაუტოვა, მაგრამ 2♠-მა რივერზე ვეღარაფერი შეცვალა.
G.B-მ 52-ე დარიგებაზე თამაშიდან გამოსთიშა pepeshi (გიორგი გელაშვილი). რომელმაც A♣9♥-ში 27800-იანი All-in-ი გააკეთა. გიამ მას SB -დან უპასუხა A♠J♥-ით. ბორდმა 5♣J♦6♠ 9♣ K♥ მაღალი წყვილით (J J) G.B-ს გამარჯვება დააფიქსირა. 55-ე დარიგებაზე p777-ს მსხვერპლი gruzin26 გახდა. ლადიმ 9♣6♣-ში All-in-ით (11000) უპასუხა ბადრის რეიზს (K♣6♦). ბორდზე გახსნილმა კარტმა (8♠A♥J♥Q♥A♣) მაგიდასთან 4 პრედენდენტი დასტოვა. 57-ე დარიგებაზე კი ლადის ბედი Iraklius017-მა გაიზიარა. ბლაინდების ჯახში თავიდანვე აშკარა დომინაციაში G.B (7♥7♣) იყო. ირაკლიმ (6♠9♣) გაიბრძოლა და გიას რეიზს 17000-იანი რეიზი დაახვედრა. რასაც გიამ დაუფიქრებლად უპასუხა. ირაკლისთვის თამაში თითქმის ფლოპზევე (A♦7♠Q♣ ) დასრულდა, მაგრამ თერნზე გახსნილმა 5♠-მა მას ერთადერთი შანსი დაუტოვა (სთრეით-დრო). Iraklius017-ს მხოლოდ და მხოლოდ 8-იანი აძლევდა ხელს თამაშში დასარჩენად, მაგრამ რივერმა (9♥) დებიუტანტი მისთვის საპატიო, მე-4 ადგილზე დასტოვა. 59-ე დარიგებაზე არ გაუმართლა ტურნირის ერთ-ერთ გამორჩეულ მოთამაშეს, ბადრი კვარაცხელიას. ჯიბის დამებში (Q♦Q♣) ის ვა-ბანკზე წავიდა (65000) და დომინირებდა კიდეც G.B-თან (K♠10♠). მაგრამ ფლოპმა (6♠8♦7♥) გიას ინსაიდ-სთრეითის (Inside Straight Draw) შანსი დაუტოვა. თერნმა (9♥) კი ყველაფერი რადიკალურად შეცვალა. ბადრის ხსნა მხოლოდ და მხოლოდ რივერზე გახსნილი ათიანი და შესაბამისად, სპლიტი (Split Pot- გაყოფა) რჩებოდა. რივერმა ცხრიანი (9♣) გაამეორა და p777 უკანასკნელი, მე-9 ნახევარფინალის იმედად დასტოვა.
Heads Up-ი burdiso8-სა (66300 ჩიპი) და G.B-ს შორის (145200 ჩიპი) მე-60 დარიგებაზე დაიწყო, ბლაინდით 2500/5000. პირველი ჯახი 63-ე დარიგებაზე მოხდა, როდესაც ლადომ K♠8♦-ში გიას (Q♥J♦) რეიზს ვა-ბანკით (68800) უპასუხა. გიამ დაქოლა. ფლოპზე (2♥9♣10♣) ლადო უპირატესობას ფლობდა, მაგრამ არსებობდა სთრეით-დროს საშიშროება. თერნზე ათიანმა გაამეორა, ხოლო რივერზე გახსნილმა 6♠-მა ლადოს, მაღალი კიკერით (K♠) საშუალება მისცა სტეკი გაედაბლებინა. ამის შემდეგ, ისედაც საოცარი თავდაჯერებით მოთამაშე ვეტერან ფეხბურთელს, ინიციატივა ხელიდან აღარ გაუშვია და მართალია, მხოლოდ 105-ე დარიგებაზე, მაგრამ მაინც მიაღწია სასურველ შედეგს, დაეუფლა რა POKER RING 2-ის საფინალო საგზურს. ბოლო დარიგებაზე ლადომ K♥7♥ -ში პრეფლოპ, დიდი ბლაინდიდან ჩექი გააკეთა. გიამ Q♠9♠-ში ფსონი გაასწორა და ვიხილეთ ფლოპი- 2♦K♦9♦. გიამ 40400-იანი All-in-ი გააკეთა, ლადომ საკმაო ფიქრის შემდეგ დაქოლა. თერნმა (J♣) და რივერმა (8♦) სიტუაცია ვეღარ შეცვალა და burdiso8 დანარჩენ 7 მოთამაშესთან ერთად დაელოდება "main event"-ის მე-9, უკანასკნელ მონაწილეს.
საფინალო მაგიდის საბოლოო სახე:
1) burdiso8 - ლადო ბურდული Poker Ring 2-ის გრანდ ფინალის საგზური
2) G.B - გიორგი ბარამიძე 1700 ლარი
3) p777 - ბადრი კვარაცხელია 1300 ლარი
4) Iraklius017 - ირაკლი გურგენიძე 1000 ლარი
5) gruzin26 - ლადი კორძახია 900 ლარი
6) pepeshi - გიორგი გელაშვილი 800 ლარი
7) sab100 - კახა საბაური 700 ლარი
8) kirilichi - დავით ბერიძე 600 ლარი
9) kirpich - გიორგი ბირბიჩაძე 500 ლარი
