ოზი ოსბორნი ბაბუა გახდა
ჯგუფი Black Sabbath-ის ლიდერი ოზი ოსბორნი ბაბუა გახდა. მუსიკოსის ვაჟს, ჯეკს და მის რძალ ლიზა სტელის გოგონა შეეძინათ. გოგონა 24 აპრილს დაიბადა. ახალშობილს სახელად პერლი დაარქვეს.
თავად ოზი ოსბორნს ოჯახში მატებაზე კომენტარი ჯერ არ გაუკეთებია. Black Sabbath-ის ლიდერის მეუღლემ შერონ ოსბორნმა კი განაცხადა, რომ შვილიშვილის დაბადებით ძალიან გახარებულია და მის გათამამებას აპირებს.
ჯეკ ოსბორნის და ლიზა სტელის რომანი 2011 წელს დაიწყო. რამდენიმე თვეში წყვილმა ნიშნობის შესახებ გამოაცხადა. როდის აპირებენ დაქორწინებას, უცნობია.
2011 წლის ზამთარში ჯეკ ოზბორნმა განაცხადა, რომ საკუთარ მამაზე დოკუმენტური ფილმის გადაღებას აპირებს. თავად ოზის, ვაჟის იდეა დიდად არ მოსწონს, რადგან მუსიკოსის აზრით, ჯეკი მხოლოდ Black Sabbath-ის წარმატების წლების ასახვას აპირებს.
Black Sabbath-მა ახლახან გაერთიანების შესახებ განცხადება გააკეთა.
მომზადებულია People-ის მიხედვით.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
