მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მას არავისთვის შეუთანხმებია... ყველასთვის მოულოდნელი იყო" - სოფო გელოვანის პროტესტი ლილიკო ნემსაძის საიუბილეო კონცერტზე: რა გამოხმაურებები მოჰყვა მომღერლის განცხადებას
19:03 / 12-02-2025
11 თებერვალს, თბილისის დიდ საკონცერტო დარბაზში, ლილიკო ნემსაძის საიუბილეო კონცერტი, "ჩუმად ნათქვამი“ გაიმართა. ღონისძიება კომპოზიტორის 30-წლიან შემოქმედებას მიეძღვნა და მისი ყველაზე ცნობილი ჰიტები შესრულდა.
- კონცერტში მონაწილეობდნენ ქართველი ესტრადის ვარსკვლავები, მათ შორის: ლელა წურწუმია, მერაბ სეფაშვილი, მაია ჯაბუა, თემურ თათარაშვილი, აჩიკო ნიჟარაძე, სოფო გელოვანი, გიორგი მეფისაშვილი და სხვები. ასევე, ანსამბლები: "ქართული ხმები“, "თეატრალურის კვარტეტი“, "ფორტე“ და ვაჟთა ვოკალური ანსამბლი.
პროექტის მხარდამჭერი გახლდათ საქართველოს კულტურისა და სპორტის სამინისტრო და თბილისის მერია. ღონისძიებას ესწრებოდა კულტურის მინისტრი თინათინ რუხაძეც.
- კონცერტის ჩატარება 29 ნოემბერს იყო დაგეგმილი, მაგრამ ქვეყანაში მიმდინარე პოლიტიკური მოვლენების გამო, 11 თებერვლისთვის გადაიდო. საღამომ ანშლაგით ჩაიარა, სადაც ცნობილი კომპოზიტორის მიერ წლების განმავლობაში შექმნილი ჰიტები შესრულდა. როგორც აღვნიშნეთ, მონაწილეებს შორის იყო მომღერალი სოფო გელოვანი, რომელსაც 15 წლის ასაკში ლილიკო ნემსაძემ "ხორუმი“ დაუწერა და ამ სიმღერაზე კლიპიც გადაიღო.
ამჯერად ფილარმონიის სცენიდან სოფო გელოვანმა სიმღერის დასრულების შემდეგ პოლიტიკური განცხადება გააკეთა.
"ამ სიმღერის შემდეგ, თუ არ ვთქვი ჩემი სათქმელი, მაშინ არც ჩემი სიმღერა იქნება გულწრფელი და არც ჩემი ხმა მართალი. ამ წუთას, ამ სცენიდან მინდა სოლიდარობა გამოვუცხადო ყველა იმ პატიმარს, ვისაც უსამართლოდ ართმევენ ხვალინდელ დღეს" - განაცხადა მომღერალმა.
გელოვანის გამოსვლიდან რამდენიმე წუთში ჩანაწერი სოციალურ ქსელში გავრცელდა და მედიაში დღის განმავლობაში ერთ-ერთ ყველაზე განხილვად თემად იქცა.
"ყველაზე მოულოდნელი სიმაღლეებიდანაც სინდისის პატიმრების მხარდასაჭერი სიტყვები ისმის. იმ ორ შემსრულებელსაც შევუთვლი ქებას, ვინც შენს უკან მდგარმა სოლიდარობის ტაშით აგიბა მხარი. ვინც ხელებჩამოყრილი დარჩა, მალე ისინიც გამხნევებულიყვნენ!“ - წერს ჟურნალისტი ნინო არაზაშვილი და გელოვანის გამოსვლას აზიარებს.
"მიყვარხარ შენი ღირსებით, სიმართლით, ადამიანობით, პროფესიონალიზმით და მეგობრობით! სოფო, ბრავო! დარბაზი დაინგრა ჰქვია ამას!“ - მეგობარს გამბედაობა შეუქო ნოდიკო ტატიშვილმა.
- სოფო გელოვანის ამგვარი მოქმედება, ჩვენი ინფორმაციით, კოლეგების ნაწილისთვის მიუღებელი აღმოჩნდა.
"თავის საღამო გაემართა და იქ ეთქვა რაც უნდოდა და არა სხვის საღამოზე. არ მგონია, ლილიკო მისი ამ საქციელით კმაყოფილი იყოს“ - ამბობს ჩვენთან საუბარში ერთ-ერთი მათგანი, რომელსაც არ სურს ღიად გამოჩენა.
პროდიუსერი ბაკურ ბაკურაძე წერს, რომ "ეს იყო უკიდურესი უკულტურობის, უზრდელობის და სამარცხვინო ქცევის მაგალითი...“
ambebi.ge დილიდან ცდილობდა სოფო გელოვანთან დაკავშირებას, თუმცა მომღერალმა ჩვენს ზარებს და მესიჯს არ უპასუხა. როგორც ჩანს, მას დამატებით კომენტარის გაკეთება არ სურს.
ქალბატონმა ლილიკო ნემსაძემ ჩვენს ზარს უპასუხა, თუმცა მომხდარზე კომენტარის გაკეთებისგან თავი შეიკავა.
როგორც Ambebi.ge-ს წყარო უყვება, სოფო გელოვანს განცხადება არც კომპოზიტორთან და არც შემოქმედებით გუნდთან არ შეუთანხმებია. "მან პირადი აზრი გააჟღერა და ეს ყველასთვის მოულოდნელი იყო.“.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
