მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თქვენ საერთოდ არ გელაპარაკებით, კაცო - ნუ მეჩრებით! კიდევ ერთხელ თუ გამაწყვეტინებთ, ავდგები და წავალ!" - კამათი საგამოძიებო კომისიის სხდომაზე (ვიდეო)
13:43 / 14-04-2025
მე თქვენ, საერთოდ არ გელაპარაკებით, კაცო. ხმა არ ამომიღია, თქვენ არ გელაპარაკებით. ნუ მეჩრებით, დამამთავრებინეთ! - ასე უპასუხა ყოფილმა შს მინისტრმა და პარტია „გახარია საქართველოსთვის“ ლიდერმა გიორგი გახარიამ პარლამენტის დროებითი საგამოძიებო კომისიის თავმჯდომარის მოადგილე სოზარ საუბარს.
- დროებით საგამოძიებო კომისიაზე ყოფილი შს მინისტრი 20 ივნისის მოვლენებზე პასუხობს კომისიის წევრთა შეკითხვებს. გიორგი გახარიამ კომისიის წევრებს მოუწოდა, რომ 20 ივნისის საქმე გამოიძიონ და ისაუბრონ იმაზე „საერთოდ, გავრილოვი, როგორ აღმოჩნდა საქართველოს პარლამენტის შენობაში“.
გახარიას სწორედ ამ რეპლიკას გამოეხმაურა სოზარ სუბარი და მას მოუწოდა, რომ კითხვებს უპასუხოს.
"თქვენ კითხვებს უპასუხეთ, გამოძიება სადღაც მიდის და მასალები იქ დევს, ეგ არ არის თქვენი საქმე. რასაც გეკითხებით, იმას უპასუხეთ, ძალიან გთხოვთ“, - აღნიშნა სოზარ სუბარმა, რაზეც გახარიამ უპასუხა, რომ მას საერთოდ არ ელაპარაკება.
"მე თქვენ, საერთოდ არ გელაპარაკებით, კაცო. ხმა არ ამომიღია, თქვენ არ გელაპარაკებით. ნუ მეჩრებით, დამამთავრებინეთ! კიდევ ერთხელ ვიმეორებ, ქალბატონო თავმჯდომარევ, თუ ეს კომისია არ არის მზად მოისმინოს პასუხები, მე ავდგები და წავალ. როცა მოემზადებით, მაშინ დამიძახეთ და მოვალ. მე არანაირი პრობლემა არ მაქვს. “. განაცხადა გახარიამ.
თავის მხრივ, თეა წულუკიანმა გახარიას უთხრა,რომ ნუ ნერვიულობს.
"არ ვნერვიულობ, სათამაშოდ მომიყვანეთ აქ?“- აღნიშნა გახარიამ, რაზეც წულუკიანმა კითხვით, უპასუხა - „სათამაშოა მაკო გომურის ამოთხრილი თვალი?“.
ამის შემდგომ, წულუკიანმა გახარიას ჰკითხა, ხომ არ ახდენდა ზეწოლას პროკურატურაზე, რომ 20 ივნისის საქმის გამოძიება არასწორი მიმართულებით წასულიყო? ან მისი რომელიმე მოადგილე ხომ არ იყო ჩართული გამოძიების ამა თუ იმ მიმართულებით წაყვანაში?
თავის მხრივ გახარიამ აღნიშნა, რომ „არა“. მისივე განმარტებით, გამოძიებაზე ზემოქმედების არც ინსტრუმენტი, არც ინსტრუმენტი და არც მცდელობა არ ჰქონია.
"შესაბამისად, მე შემოგთავაზეთ ამ კომისიაზე, რომ დაუძახეთ გენერალურ პროკურორს და მან მოჰყვეს, თუ ვინმე აჩქარებდა [საქმის გამოძიებას] ანელებდა ან რამეს შვრებოდა“.- განაცხადა გახარიამ , რაზეც წულუკიანმა უპასუხა, რომ „ამას ალბათ გააკეთებენ“.
- გიორგი გახარიამ კომისიის წევრებს კიდევ ერთხელ უთხრა, იმისთვის, რომ საგამოძიებო კომისიას შედეგი ჰქონდეს, ნახევარი სიმართლე კი არ იყოს, არამედ გამოიძიონ „ვინ და როგორ ჩამოიყვანა გავრილოვი და ვინ უბრძანა შტურმის მიტანა შენობაზე“.
კომისიის წევრი, ალუდა ღუდუშაური მას ჩაეკითხა, რომ შტურმზე მას არ ჰქონდა კითხვები. „შტურმზე შეთანხმებული ვართ, დრო არ დავკარგოთ“, - აღნიშნა ღუდუშაურმა, რასაც გახარიამ უპასუხა, რომ მას თუ საუბარს კიდევ ერთხელ შეაწყვეტინებდნენ, კომისიის სხდომას აღარ დაესწრებოდა.
„მეგობრებო, კიდევ ერთხელ თუ გამაწყვეტინებთ, ავდგები და წავალ! მაშინ როდესაც მზად იქებით ემოციურად, მოისმინოთ პასუხები, რომლებიც არ ეთანხმება თქვენს მოსაზრებას, მაშინ დავბრუნდები“, - აღნიშნა გახარიამ.
დეპუტატმა ალუდა ღუდუშაურმა კვლავ სცადა გახარიასგან მოესმინა, ვინ გასცა ბრძანება რეზინის ტყვიების გამოყენებაზე, რაზეც გახარიამ კიდევ ერთხელ აღნიშნა, რომ „არც მას და არც მის მოადგილეებს რეზინის ტყვიების გამოყენების ბრძანება არ გაუციათ“.
„ქალბატონო თავმჯდომარევ, შეიძლება მომეხმაროთ? ვერ ვაგებინებ [ალუდა ღუდუშაურს]. თვით დაცვას ჰქვია მოგერიების რეჟიმი. თუ მე ვამბობ, რომ მოგერიების რეჟიმში, ცალკეულ შემთხვევებში პოლიციელებმა გამოიყენეს რეზინის ტყვიები, ეს ნიშნავს იმას, აქამდეც ვთქვი და ვიმეორებ, რომ არც მე და არც ჩემს მოადგილეებს რეზინის ტყვიების გამოყენების ბრძანება არ გაგვიცია. ამაზე უკვე ვისაუბრე ორჯერ“, - განაცხადა გახარიამ.
წაიკითხეთ ასევე:
- "ამ კომისიამ უნდა გამოკითხოს ივანიშვილი... 20 ივნისს მე მხოლოდ ცრემლსადენის გაზის და წყლის ჭავლის გამოყენების ბრძანება გავეცი" - რა თქვა გახარიამ კომისიის სხდომაზე
- "ვბუქსაობთ" თუ არ "ვბუქსაობთ", ამას მე გადავწყვეტ, დაგვჭირდება საღამომდე დრო? ვისხდებით აქ საღამომდე" - წულუკიანი გახარიას
- "ისე ნუ იზამთ, თითქოს ჩვენ დავთხარეთ ვიღაცას თვალები" - წულუკიანი გახარიას
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
