მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დღეს ურეიტინგო ხელისუფლება ჰყავს საფრანგეთს" - ირაკლი კობახიძე
15:11 / 04-04-2025
"საფრანგეთის ელჩმა, პირველ რიგში, საკუთარ ქვეყანას უნდა მიხედოს - მიუხედავად იმისა, რომ საფრანგეთში არაერთი მანკიერება ვიხილეთ, დღეს ურეიტინგო ხელისუფლება ჰყავთ. არ ვსაუბრობთ ამ თემებზე, ნურც ისინი ჩაერევიან ჩვენი ქვეყნის დამოუკიდებლობაში", - ასე გამოეხმაურა პრემიერი, ირაკლი კობახიძე ჟურნალისტებთან საქართველოში საფრანგეთის ელჩის განცხადებებს მიმდინარე მოვლენებთან დაკავშირებით.
- როგორც პრემიერმა აღნიშნა, ყველამ უნდა სცეს პატივი სხვა ქვეყნის სუვერენიტეტს და დამოუკიდებლობას.
"საფრანგეთის ელჩმა, პირველ რიგში, საკუთარ ქვეყანას უნდა მიხედოს. თქვენ ხედავთ, რა ხდება საფრანგეთში: ერთ-ერთი საპრეზიდენტო კანდიდატია, რომელსაც აქვს გამარჯვების სერიოზული შანსები და მას აღუკვეთეს არჩევნებში მონაწილეობა, ამ დროს ჩვენთან მიმართებაში შენიშვნები აქვთ ისეთ საკითხებზე, რაც არავითარ შენიშვნას არ იმსახურებს.
თავად საკუთარ საქმეებს მიხედონ. ჩვენ არ ვაკეთებთ განცხადებებს იმის შესახებ, თუ რა ხდება საფრანგეთში. ყველამ უნდა სცეს პატივი სხვა ქვეყნის სუვერენიტეტს და დამოუკიდებლობას, არავინ უნდა ჩაერიოს სხვა ქვეყნის საქმეებში, მით უმეტეს, როდესაც ამას აკეთებს დიპლომატი, ელჩი, ეს არის ვენის კონვენციის პირდაპირი დარღვევა.
ჩვენი ელჩები ასეთ რაიმეს არ აკეთებენ. მიუხედავად იმისა, რომ საფრანგეთში არაერთი მანკიერება ვიხილეთ ამ წლების განმავლობაში, დღეს ურეიტინგო ხელისუფლება ჰყავს საფრანგეთს. ამის მიუხედავად არ ვსაუბრობთ ამ თემებზე, ნურც ისინი ჩაერევიან ჩვენი ქვეყნის დამოუკიდებლობაში, მით უმეტეს, ნუ გააკეთებენ ამას ვენის კონვენციის უხეში დარღვევით“, -აღნიშნა პრემიერმა.
კობახიძე ასევე, ესტონეთის საგარეო საქმეთა მინისტრის განცხადებას გამოეხმაურა ვიზალიბერალიზაციასთან დაკავშირებით. მისივე თქმით, ამ მხრივ „რაიმე ცვლილებას არ უნდა ველოდოთ“.
„ეს კონკრეტული კაცი იმდენად არასერიოზულია, რომ მასზე სერიოზულ კომენტარს ვერ გავაკეთებ. რაც შეეხება ვიზალიბერალიზაციას, ვფიქრობ, რომ აქ რაიმე ცვლილებას არ უნდა ველოდოთ. ეს არის „დიფ სთეითის“ ერთ-ერთი დავალების შემსრულებელი, რომელიც თავისი აზრით, დამაშინებელ გზავნილებს ახმოვანებს ხოლმე. თუმცა ამით საზოგადოება არცერთი გასული წლის განმავლობაში არ შეშინებულია და არც მოგვიანებით შეშინდება. თავის საკუთარ ქვეყანას უნდა მიხედოს“, - განაცხადა კობახიძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
