მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"25 წლის წინ, როცა ვწერდი ამ წერილს, ვიყავი 8 წლის... ცრემლები ვერ შევიკავე, დიდი მადლობა "კვირის პალიტრას" - რას წერს მანიკა ასათიანი
18:51 / 17-03-2025
XXI საუკუნეს "კვირის პალიტრა" უნიკალური პროექტით "გზავნილი მომავალში" შეხვდა. საქართველოს თითოეულ მოქალაქეს შეეძლო წერილი დაეწერა, რომელსაც მისი სურვილისამებრ, ადრესატი 5, 10, 25, 50 ან 100 წლის შემდეგ მიიღებდა - იქნებოდა ეს შვილი, მეგობარი, საყვარელი ადამიანი თუ ქვეყანა. შესაბამისად, ამ პროექტს 25 წლის წინ უპრეცედენტო აჟიოტაჟი მოჰყვა...
2025 წლის მარტში სკივრი მესამედ გაიხსნა და 3 ათასზე მეტი ადამიანი გზავნილს აწმყოში წარსულიდან მიიღებს. რედაქციაში მოსული წერილების ადრესატები ემოციებს ვერ მალავენ. ყველა ისტორია გამორჩეული და ემოციურია.
სკივრში აღმოჩნდა ტელეწამყვან მანიკა ასათიანის წერილი.
გოგონა, რომელმაც თავის ახალდაბადებულ ძმას წერილი დაუწერა, მაშინ 8 წლის იყო. მანიკას აღარ ახსოვდა ეს ისტორია და ამიტომ, როდესაც ძმას, ვაჩე ასათიანს, ფოსტიდან შეტყობინება მიუვიდა, რომ მის სახელზე წერილი იყო, ოჯახი დაიბნა. წერილის ავტორი სავარაუდოდ ავტორი ბებია ან ბაბუა ეგონათ
მანიკა ასათიანი:
ჩემს ძმას, გუშინ, ფოსტიდან მოუვიდა შეტყობინება, რომ მის სახელზე იყო წერილი. ოჯახში გარჩევა გვქონდა, ვისი დაწერილი შეიძლებოდა ყოფილიყო. მე არ მახსოვდა, რომ ეს წერილი დავწერე. გუშინ მეც მეგონა, რომ წერილი ბებიამ ან ბაბუამ დაწერა. დღეს ჩემმა ძმამ გამოიტანა წერილი და აღმოჩნდა, რომ არის ჩემი დაწერილი.
25 წლის წინ, მე როცა ვწერდი ამ წერილს, ვიყავი 8 წლის. არ ვიცი, ვიღაცისთვის ეს შეიძლება ჩვეულებრივი ამბავია, მაგრამ იმდენად ემოციური იყო ამ წერილის წაკითხვა, რომ ვერ შევიკავე ცრემლები.
მინდოდა, მადლობა მეთქვა კვირის პალიტრისთვის და ამ ინიციატივის ავტორისთვის, იმიტომ, რომ 25 წლის წინანდელი ემოცია გამიცოცხლდა. ვისურვებდი, რომ ბევრი ასეთი შესაძლებლობა გვქონდეს. მოულოდნელი სიხარულივით იყო.
დიდი მადლობა მინდა ვუთხრა კვირის პალიტრას, რომ დღევანდელი დღე, არა მარტო მე, არამედ ჩემს ოჯახს გაგვილამაზეს.
“ჩემო უსაყვარლესო ძამიკო ვაჩე! შენ ვერ წარმოიდგენ როგორ მიყვარხარ! მე ახლა ვარ რვა წლის , შენ კი სამი თვის ციცქნა. მე და ჩემ და ანის შენზე მეტად არავინ გვიყვარს. გვინდა რომ გაიზარდო ყველაზე საუკეთესო პიროვნება, ჯანმრთელი და უბედნიერესი.შენ რომ ამ წერილს გახსნი უკვე იქნები 25 წლის და ამ სურათს რომ ნახავ მიხვდები როგორ გვიყვარხართ”ასეთი წერილი დამიწერია ჩემი ძმისთვის 25 წლის წინ...
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
