მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ისეთი ჯოჯოხეთი დაგატყდებათ თავს, რომლის მსგავსიც არაფერი გინახავთ” - ტრამპი მუქარას ასრულებს: იემენელ ჰუსიტებზე თავდასხმებს 53 - მდე ადამიანი ემსხვერპლა
16:10 / 17-03-2025
იემენის ჰუსიტი ამბოხებულები აცხადებენ, რომ აშშ-მა მათ წინააღმდეგ ახალი დარტყმები განახორციელა, რომლის შედეგად დაღუპულთა რაოდენობა 53-მდე გაიზარდა. არსებული ინფორმაციით, დაღუპულთა შორის ხუთი ბავშვია.
ამბოხებული ჯგუფის განცხადებით, აფეთქებები ორშაბათს დილით, ალ ჯაუფისა და ჰუდაიდას ტერიტორიებზე მოხდა.
აშშ-მ შაბათს ჰუსიტების სამიზნეებზე "გადამწყვეტი და ძლიერი" საჰაერო დარტყმების ტალღა დაიწყო. მოქმედებები წითელ ზღვაში ჰუსიტების მიერ გემებზე თავდასხმების შეჩერებას ისახავს მიზნად.
ვაშინგტონი აცხადებს, რომ დაღუპულთა შორის ჰუსიტების რამდენიმე ლიდერია, თუმცა ჯგუფს ეს არ დაუდასტურებია.
ჰუსიტების ლიდერმა, აბდულ მალიკ ალ-ჰუთიმ განაცხადა, რომ ვიდრე აშშ იემენზე თავდასხმებს განაგრძობს, მისი მებრძოლები წითელ ზღვაში აშშ-ის გემებს ესხმიან თავს.
ჰუსიტების ჯანდაცვის სამინისტროს წარმომადგენელმა, ანის ალ-ასბაჰიმ X-ზე დაწერა, რომ ამჯერად 53 ადამიანი დაიღუპა, მისივე ცნობით, 98 ადამიანი დაიჭრა.
აშშ-ის ეროვნული უსაფრთხოების მრჩეველმა, მაიკლ უოლცმა ABC News-ს განუცხადა, რომ შაბათის თავდასხმების სამიზნე "ჰუსიტების რამდენიმე ლიდერი იყო, რომელთა ლიკვიდაციაც მოხდა".
"ჩვენ მათ დამანგრეველი ძალით დავარტყით და ირანს გავაგებინეთ, რომ - საკმარისია!" - აღნიშნა უოლცმა.
აშშ-ის თავდაცვის მდივანმა, პიტ ჰეგსეთმა პირობა დადო, რომ სანამ ჰუსიტების თავდასხმები არ შეწყდება, სარაკეტო კამპანია "შეუნელებელი" იქნება.
ჰუსიტებმა განაცხადეს, რომ ისინი წითელი ზღვის გემებზე თავდასხმებს მანამ გააგრძელებენ, სანამ ისრაელი ღაზას ბლოკადას არ შეწყვეტს.
ირანის მხარდაჭერით მოქმედი ამბოხებული ჯგუფი, რომელიც ისრაელს თავის მტრად თვლის, სანაასა და იემენის ჩრდილო-დასავლეთს აკონტროლებს, მაგრამ ის ქვეყნის საერთაშორისოდ აღიარებული მთავრობა არ არის.
ჰუსიტებმა განაცხადეს, რომ ისინი ისრაელსა და "ჰამასს" შორის მიმდინარე ომში პალესტინელებს უჭერენ მხარს და ამტკიცებენ, რომ მხოლოდ ისრაელთან, აშშ-სთან ან დიდ ბრიტანეთთან დაკავშირებულ გემებს ბომბავენ, თუმცა ხშირად ეს სიმართლეს არ შეესაბამება.
2023 წლის ნოემბრიდან ჰუსიტებმა წითელ ზღვასა და ადენის ყურეში ათობით სავაჭრო გემს დაესხნენ თავს. მათ ორი გემი ჩაძირეს, მესამე დაიკავეს და ეკიპაჟის ოთხი წევრი მოკლეს.
აშშ-ის პრეზიდენტმა, დონალდ ტრამპმა ვითარებაზე საუბრისას განაცხადა, რომ აშშ დამანგრეველ, სასიკვდილო ძალას გამოიყენებს.
"ირანის დაფინანსებით, ჰუსიტების ბანდიტები აშშ-ის თვითმფრინავებს ესროდნენ რაკეტებს, მათ ჩვენი ჯარისკაცები და მოკავშირეები ამოიღეს მიზანში", - განაცხადა ტრამპმა სოციალურ მედიაში. მანვე დაამატა, რომ ჰუსიტების "მეკობრეობა, ძალადობა და ტერორი" მილიარდები დაჯდა და უამრავი ადამიანის სიცოცხლეს შეუქმნა საფრთხე.
ჰუსიტებისადმი პირდაპირი მიმართვისას, ტრამპმა დაწერა, რომ თუ ისინი თავდასხმებს არ შეწყვეტენ, "ისეთი ჯოჯოხეთი დაგატყდებათ თავს, რომლის მსგავსიც არაფერი გინახავთ”.
თუმცა, ჰუსიტები აცხადებენ, რომ ეს პალესტინელებისადმი მათ მხარდაჭერას არ შეამცირებს.
ირანის საგარეო საქმეთა მინისტრმა, აბას არაღჩიმ განაცხადა, რომ აშშ-ის მთავრობის “საქმე არ არის, ირანს საგარეო პოლიტიკა უკარნახოს".
"შეწყვიტეთ ისრაელის გენოციდისა და ტერორიზმის მხარდაჭერა," - დაწერა მან X-ზე კვირას, - "შეწყვიტეთ იემენელი ხალხის მკვლელობა."
ჰუსიტებმა პასუხისმგებლობა ორ თავდასხმაზე აიღეს - აშშ-ის ავიამზიდ USS Harry S. Truman-ზე და წითელ ზღვაში რამდენიმე ამერიკულ სამხედრო გემზე, რასაც ისინი აშშ-ს შეტევებზე შურისძიებას უწოდებენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
