16
მარტიდღის ზოგადი ასტროლოგიური პროგნოზი
ცნობილი ქართველი კინორეჟისორის, თემურ ბაბლუანის ოჯახს ქართველი საზოგადოება კარგად იცნობს. სამი შვილიდან ოლგა ბაბლუანი უფროსია. მსახიობი და ჟურნალისტი დიდ დროს ატარებს თბილისში და ამბობს, რომ მისთვის თბილისი სახლია.
ოლგას ორი გოგონა ჰყავს. პირველად 17 წლის ასაკში დაოჯახდა. ქორწინება მალე დასრულდა და სწორედ ამ ქორწინებაში შეეძინა ლიკუნა ბაბლუანი, რომელიც ახლა 28 წლის არის.
მეორედ პარიზში იქორწინა. ამ ქორწინებიდან 18 წლის ნასტასია ლეგრანს ზრდის, რომელიც დამწყები მოდელია და დიდ მომავალს უწინასწარმეტყველებენ.
- დედაჩემი ოჯახში ყოველთვის ყველას დედა იყო. ძალიან ძლიერი ქალია, ლიკუნასთვის განსაკუთრებით, ძალიან დიდი როლი აქვს სესრულებული მის გაზრდაში. ეს არის უდიდესი სიმდიდრე. მე ვფიქრობ, რომ ქართველი ბებია და ბაბუა უნდა იყოს კულტურულ მემკვიდრეობაში შეტანილი. ეს განსაკუთრებული ურთიერთობაა, იშვიათია მსოფლიოში.
ძალიან მინდა, რომ ჩემს შვილებს საქართველოსთან ჰქონდეთ ურთიერთობა და არ დაკარგონ. ახლა სამი კვირით ვიყავი პარიზში წასული და რომ ვბრუნდებოდი, ისე მეჩქარებოდა ჩამოსვლა, რომ ერთი სული მქონდა, როდის ჩავჯდებოდი თვითმფრინავში და ოთხ საათში თბილისში ვიქნებოდი. ჩემი შვილების უფროა პარიზი, ნამდვილი ფრანგები არიან", - ამბობდა ოლგა ერთ-ერთ ინტერვიუში.
ნასტასია ლეგრანი-ბაბლუანი მოდელი და მსახიობია, რომელიც პარიზში ცხოვრობს. გოგონა Women Management Paris და Women Management Milan მოდელების სააგენტოებში მუშაობს.
მისი სამოდელო კარიერა მოიცავს მაღალი დონის მოდის ჩვენებებში მონაწილეობას, განსაკუთრებით პარიზის მოდის კვირეულის 2025 წლის შემოდგომა/ზამთრის სეზონზე. ნასტასია ლეგრანმა მონაწილეობა მიიღო შემდეგ ჩვენებებში:
Louis Vuitton F/W 25 Show – 2025 წლის 10 მარტი
Chanel F/W 25 Show – 2025 წლის 11 მარტი
Ann Demeulemeester F/W 25 Show – 2025 წლის 8 მარტი
Chloé F/W 25 Show – 2025 წლის 6 მარტი
Courrèges F/W 25 Show – 2025 წლის 5 მარტი
გარდა სამოდელო კარიერისა, ნასტასია ლეგრანი-ბაბლუანი მსახიობიცაა. 2012 წელს მან ითამაშა მოკლემეტრაჟიან ფილმში "What Can I Wish You Before the Fight?", სადაც შეასრულა ელისის როლი.
მატილდა გვარლიანის შემდეგ, ნასტასია ლეგრანი-ბაბლუანი, მეორე სვანი მოდელია, რომელიც მაღალი მოდის პოდიუმზე დგას. სოციალურ ქსელში ხუმრობენ, რომ სვანებმა მსოფლიო მოდა დაიპყრეს.
