14
მარტიდღის ზოგადი ასტროლოგიური პროგნოზი
აშშ-ში, ინდიანას შტატში, სამი შვილის დედა, ავარიის შემდეგ სასწაულებრივად გადარჩა. ის დაზიანებულ მანქანაში, 6 დღის განმავლობაში იყო ჩარჩენილი. იმისათვის რომ ფხიზლად ყოფილიყო, თხრილის წყალს მაისურით “ფილტრავდა“ და სვამდა.
41 წლის ბრიონა კასელი თავის Ford Taurus-ში, 6 დღიანი ძებნის შემდეგ, ჩიკაგოს გარეთ 80 მილის დაშორებით იპოვეს. დაჭყლეტილი მანქანა თხრილში იყო ჩავარდნილი და სრულიად შეუმჩნეველი იყო მთავარი გზიდან.
ავარია მას საჭესთან ჩაძინების შემდეგ მოუვიდა.
"გაუსაძლისი ტკივილები ჰქონდა, ყვიროდა დახმარებისთვის. ესმოდა მანქანების გავლა, მაგრამ ისინი გზიდან ვერაფერს ხედავდნენ. დაეძინა და გზიდან გადავარდა ძალიან დიდ, ღრმა თხრილში", - განაცხადა დაშავებულის მამამ, დელმარ კალდველმა, WLS-თან.
მას შემდეგ, რაც 41 წლის ქალი იპოვეს, ჩიკაგოს ინტენსიური თერაპიის განყოფილებაში ვერტმფრენით გადაიყვანეს.
ბრიონა კასელი ავარიამდე დედასთან იმყოფებოდა. მან მშობლების სახლი დატოვა და მეგობრების მოსანახულებლად გავიდა. როდესაც უკან არ დაბრუნდა, ოჯახი დაუკავშირდა პოლიციას. ოლქის შერიფის ოფისმა მასზე ძებნა გამოაცხადა.
თუმცა 6 დღის განმავლობაში მის კვალს ვერსად მიაგნეს. ბოლოს, თხრილში გადავარდნილი მანქანა სადრენაჟო მოწყობილობებზე მომუშავე მამაკაცმა სრულიად შემთხვევით აღმოაჩინა. მანვე იპოვა გაუჩინარებული ქალი, რომელიც საჭესთან გაჭედილი იყო, თუმცა გონზე იყო და მამაკაცს ეკონტაქტებოდა.
CNN-ის ცნობით, ავარიის შედეგად კასელს ფეხის სერიოზული დაზიანებები ჰქონდა, რის გამოც მანქანიდან გადმოსვლა ვერ შეძლო.
“ღამით ტემპერატურა -20 გრადუსამდე დაეცა, მაგრამ ის იბრძოდა. თხრილის ჭუჭყიან წყალში მაისურს ასველებდა და სვამდა. ცდილობდა გადარჩენილიყო“, - თქვა მამამ.
ქალს ფეხის დაკარგვის რისკი ემუქრება.
იხილეთ ასევე:
