მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ევროპამ ლეთარგიული ძილიდან უნდა გამოიღვიძოს" - როგორ ეხმაურებიან ევროპელი ლიდერები ტრამპის შოკისმომგვრელ განცხადებებს უკრაინაზე?
16:49 / 20-02-2025
ბოლო დროს, აშშ-ის მოქმედი პრეზიდენტის დონალდ ტრამპის მიერ გაკეთებული ხმაურიანი განცხადებები, შეიძლება ითქვას, რომ მსოფლიოს შოკში აგდებს.
ტრამპი ლამის გაუთავებლად ლაპარაკობს უკრაინისა და მისი პრეზიდენტის, ვოლოდიმირ ზელენსკის შესახებ. მას შემდეგ, რაც ელ-რიადში აშშ-სა და რუსეთის დელეგაციების შეხვედრა გაიმართა, მისმა მწვავე განცხადებებმა ზელენსკის მისამართით იმატა და უფრო რადიკალურიც გახდა. შეიძლება ითქვას, რომ ზელენსკის "დიქტატორად" მოხსენიებით მან ყველა წითელი ხაზი გადაკვეთა.
Truth Social-ის საკუთარ გვერდზე ტრამპმა დაწერა:
“დაფიქრდით, საშუალოდ წარმატებულმა კომიკოსმა, ვოლოდიმირ ზელენსკიმ ამერიკის შეერთებული შტატები 350 მილიარდი აშშ დოლარის დახარჯვაში დაარწმუნა, რათა წასულიყო ომში, რომლის მოგებაც შეუძლებელია, რომელიც არც უნდა დაწყებულიყო. ომში, რომელსაც ის შეერთებული შტატებისა და “ტრამპის” გარეშე ვერასდროს ვერ მოაგვარებს.
შეერთებულმა შტატებმა ევროპაზე 200 მილიარდი აშშ დოლარით მეტი დახარჯა, და ევროპის ფული დაცულია, მაშინ, როდესაც შეერთებული შტატები არაფერს არ დაიბრუნებს. რატომ არ მოითხოვა მძინარე ჯო ბაიდენმა გათანაბრება, იმის გათვალისწინებით, რომ ეს ომი ევროპისთვის გაცილებით უფრო მნიშვნელოვანია, ვიდრე ჩვენთვის - დიდი, ლამაზი ოკეანე გვაქვს, როგორც გამყოფი.
ამ ყველაფერთან ერთად, ზელენსკი აღიარებს, რომ ფულის ნახევარი, რომელიც გავუგზავნეთ, "დაკარგულია". უარს ამბობს არჩევნების ჩატარებაზე, ძალიან დაბალი მაჩვენებლები აქვს უკრაინულ გამოკითხვებში, და ერთადერთი რაშიც კარგი იყო, იყო ბაიდენით "მანიპულირება". დიქტატორმა არჩევნების გარეშე, ზელენსკიმ ჯობია სწრაფად იმოქმედოს, თუ არადა ქვეყანა არ დარჩება. ამავდროულად, ჩვენ წარმატებულ მოლაპარაკებებს ვაწარმოებთ რუსეთთან ომის დასრულებაზე, რასაც ყველა აღიარებს, რომ მხოლოდ "ტრამპს" და ტრამპის ადმინისტრაციას შეუძლია. ბაიდენს არასდროს უცდია, ევროპამ მშვიდობის მოტანაში წარმატებას ვერ მიაღწია და ზელენსკი სავარაუდოდ სურს, რომ "ფულის მატარებელმა" გააგრძელოს მოძრაობა. მიყვარს უკრაინა, მაგრამ ზელენსკიმ საშინლად იმუშავა, მისი ქვეყანა დამსხვრეულია, და მილიონები საჭიროების გარეშე დაიღუპა - და ასე გრძელდება".
ევროპელი ლიდერები აშშ-ის პირველი პირის პოზიციას არ იზიარებენ.
საბერძნეთის პრემიერ-მინისტრი კირიაკოს მიცოტაკისი:
"ევროპამ გეოპოლიტიკური და ეკონომიკური ლეთარგიული ძილიდან უნდა გამოიღვიძოს, რომლითაც მას, სამწუხაროდ, უკვე გარკვეული პერიოდია სძინავს. ბოლოდროინდელი მოვლენები და აშშ-ის განსხვავებული შეხედულებები გვავალდებულებს, რომ სიმართლეს თვალებში ჩავხედოთ, სწრაფად ვიმოქმედოთ და იმ საკითხების შესახებ, რომლებსაც განვიხილავთ, გადაწყვეტილებები მივიღოთ“.
ესპანეთის პრემიერ-მინისტრი, პედრო სანჩესი:
"ორშაბათს ვიქნები კიევში, რათა კიდევ ერთხელ დავადასტურო ესპანეთის მხარდაჭერა უკრაინის დემოკრატიისა და პრეზიდენტ ვოლოდიმირ ზელენსკის მიმართ. დიდება უკრაინას“, - წერს სანჩესი.
საფრანგეთის პრეზიდენტი ემანუელ მაკრონი:
"მე კიდევ ერთხელ მქონდა ხანგრძლივი საუბარი ევროკავშირელ რამდენიმე კოლეგასთან, ასევე კოლეგებთან კანადიდან, ისლანდიიდან და ნორვეგიიდან. საფრანგეთს და მის პარტნიორებს მკაფიო და ერთიანი პოზიცია აქვთ. გვსურს გრძელვადიან და მტკიცე მშვიდობას უკრაინაში. ჩვენ ვდგავართ უკრაინის გვერდით და ვიღებთ სრულ პასუხისმგებლობას ევროპაში მშვიდობისა და უსაფრთხოების უზრუნველსაყოფად. ეს არის საფრანგეთის ფუნდამენტური ინტერესი და მე ვარ მისი გარანტი. ვიზიარებთ მიზანს, რომელიც ასევე არის პრეზიდენტ დონალდ ტრამპის მიზანი - ბოლო მოეღოს რუსეთის აგრესიულ ომს, რომელიც უკვე თითქმის სამი წელია გრძელდება“.
მისი თქმით, მშვიდობის მიღწევის მიზნით ძალისხმევა შემდეგი პრინციპების შესაბამისად გაგრძელდება:
"უკრაინა ყოველთვის უნდა იყოს ჩართული და მისი უფლებები უნდა იყოს დაცული. მშვიდობა უნდა იყოს ხანგრძლივი და თან ახლდეს ძლიერი და სანდო გარანტიები. უნდა მოხდეს უსაფრთხოებასთან დაკავშირებით ევროპელების შეშფოთების გათვალისწინება. დარწმუნებულები ვართ ევროპისა და თითოეული ჩვენი ქვეყნის თავდაცვისა და უსაფრთხოების ხარჯების და შესაძლებლობების გაზრდის აუცილებლობაში. გადაწყვეტილებები მიიღება უახლოეს დღეებში და კვირებში“, - აღნიშნავს მაკრონი.
ამასთან, ცნობილი ხდება რომ ემანუელ მაკრონი და ბრიტანეთის პრემიერ-მინისტრი კირ სტარმერი მომავალ კვირას თეთრ სახლში დონალდ ტრამპს შეხვდებიან. შეხვედრა მიზნად ისახავს რუსეთის ომის დასრულებას უკრაინაში.
პოლონეთის პრემიერ-მინისტრი, დონალდ ტუსკი:
“უკრაინის იძულებითი კაპიტულაცია მთლიანად დასავლეთის საზოგადოების კაპიტულაცია იქნება. ამ ფაქტის ყველა შედეგით. და არავის არ მისცეთ საშუალება თავი მოიჩვენოს, ვითომ ამას ვერ ხედავენ".
ჩეხეთის პრეზიდენტი, პეტრ პაველი:
"რა ფასი ექნება არჩევნებს ქვეყანაში, რომელიც სამი წელია თავს იცავს მეზობელი ბირთვული ზესახელმწიფოს აგრესიისგან? როგორ შეიძლება არჩევნების ორგანიზება, როდესაც მისი ტერიტორიის მეხუთედი ოკუპირებულია საოკუპაციო ძალების მიერ და მთელი ქვეყანა ყოველდღიურად იბომბება? დიდ ცინიზმს მოითხოვს, რომ ასეთი ქვეყნის პრეზიდენტს დიქტატორი უწოდო".
ლიეტუვის პრეზიდენტი, გიტანას ნაუსედა:
"უკრაინის უსაფრთხოების რეალური გარანტიები - ნატო-ს წევრობა მაგიდაზე უნდა დარჩეს. რუსეთმა პასუხი უნდა აგოს ომის დანაშაულებზე და სანქციები ძალაში უნდა დარჩეს მანამ, სანამ აგრესია არ შეჩერდება. საჭიროა სასწრაფო დაფინანსება იარაღისთვის და 10 მილიარდი ევრო უკრაინის თავდაცვის ინდუსტრიისთვის, ასევე რუსეთისთვის გაყინული აქტივების ჩამორთმევა და ტარიფების დაწესება რუსეთიდან და ბელარუსიდან იმპორტირებულ საქონელზე. უკრაინის ევროკავშირში სწრაფი გაწევრიანება - მიზნობრივი თარიღი 2030 წლისთვის. უკრაინის უსაფრთხოება ევროპის უსაფრთხოების ნაწილია. ვიმოქმედოთ ერთად“.
იხილეთ ასევე:
- ვინ არის დიქტატორი პუტინი თუ ზელენსკი?! - რას ფიქრობენ ამერიკელები და ვის მიიჩნევენ "კრიმინალად" და "მკვლელად"
- “ზონის დატბორვა“, “სენსორული გადატვირთვა“ და ა.შ. - სტრატეგიები, რომელსაც ტრამპი პოლიტიკაში დომინირებისთვის იყენებს: “პირველად ეს პუტინმა გამოიყენა"
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
