ცენტრალური კრიმინალური პოლიციის დეპარტამენტის დირექტორი თეიმურაზ კუპატაძე ამბობს, რომ ღირსების ორდენი, რომელიც დღეს პრეზიდენტისგან მიიღო, ხალხისა და ქვეყნის სამსახურისთვის დაიმსახურა.
"მე ვფიქრობ, რომ დავჯილდოვდი ღირსეული მსახურისთვის ჩემი ქვეყნის და ხალხის წინაშე. ჩემს თავთან დაკავშირებით, რა თქმა უნდა, ვიმსახურებდი. ყველა ის ადამიანი, ვინც იქ იყო, ღირსებით ემსახურებოდა თავის ხალხს მთელი ამ წლების მანძილზე" - ამბობს კუპატაძე "მთავარ არხთან".
ცნობისთვის, საქართველოს პრემიერ-მინისტრ ირაკლი კობახიძისა და პარლამენტის თავმჯდომარე შალვა პაპუაშვილის ერთობლივი წარდგინების საფუძველზე, ვიცე-პრემიერი, შინაგან საქმეთა მინისტრი, გენერალ-პოლკოვნიკი ვახტანგ გომელაური და პოლიციის სხვა ხელმძღვანელი პირები კანონიერებისა და მართლწესრიგის განმტკიცებაში შეტანილი განსაკუთრებული წვლილისათვის საქართველოს პრეზიდენტმა მიხეილ ყაველაშვილმა ღირსების ორდენით დააჯილდოვა.
წაიკითხეთ ასევე: