მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ის მსოფლიოს ადამიანია... არამხოლოდ საფეხბურთო გამოცდილება მიიღო, არამედ ცხოვრებისეულიც, კულტურულიც, გაიფართოვა თვალსაწიერი..." - გაზაევი ყაველაშვილს წერილს უძღვნის
13:41 / 30-12-2024
"პასუხისმგებლობიანი და ლიდერის ხასიათის მქონე“, - ასე აფასებს მიხეილ ყაველაშვილს მისი ყოფილი მწვრთნელი, რუსეთის დუმის ყოფილი დეპუტატი ვალერი გაზაევი.
წერილი რუსულ მედიაში გამოქვეყნდა:
"როდესაც მიხეილი "სპარტაკ-ალანიაში“ მოვიდა, 23 წლის იყო, ახალგაზრდა და ნიჭიერი ფეხბურთელი. ჩვენ მასზე ბევრი ინფორმაცია გვქონდა: თბილისის "დინამოს“ და საქართველოს ეროვნული ნაკრების ერთ-ერთი ლიდერი. სასიამოვნო და პასუხისმგებლობიანი ადამიანი იყო. პირველივე ვარჯიშებიდან ჩანდა, რომ მის წინაშე დიდი მიზნები და ამოცანები იდგა...
კოლექტივში მიხეილი დიდი პატივისცემით სარგებლობდა, ფეხბურთელებთან კარგი დამოკიდებულება ჰქონდა. ყველა ხედავდა, რომ ის ბოლომდე იხარჯებოდა ფეხბურთში, და პრეტენზიები მის მიმართ არასოდეს ყოფილა. ყავლელაშვილმა თავი გამოიჩინა როგორც გუნდურმა ადამიანმა, ის ყველას ეხმარებოდა. დარწმუნებული ვარ, ამ თვისებას ახალ პოლიტიკურ ცხოვრებაშიც აჩვენებს.
ძალიან დამწყდა გული, რომ ის "მანჩესტერ სიტიში“ წავიდა, მაგრამ ვერაფერს გავხდით, რადგან ის ჩვენთან იჯარით იყო. ის ძალიან სასიამოვნო შთაბეჭდილებას ტოვებდა როგორც სპორტსმენი, ადამიანი და ლიდერი. შემთხვევითი არაა, რომ ის პრეზიდენტად ვიხილეთ. ვფიქრობ, ეს დიდი ნდობაა ქვეყნისა და ხალხის მხრიდან, რასაც დარწმუნებული ვარ, მან აუცილებლად გაამართლებს.
კიდევ ერთხელ ვიტყვი, რომ ყაველაშვილი ყოველთვის იყო პასუხისმგებლობიანი. ამასთან ერთად არის, ასე ვთქვათ, მსოფლიოს ადამიანი: თბილისი, ვლადიკავკაზი, ინგლისი, შვეიცარია და ა.შ. მან არამხოლოდ საფეხბურთო გამოცდილება მიიღო, არამედ ცხოვრებისეულიც, კულტურულიც, გაიფართოვა თვალსაწიერი...
შემიძლია ვთქვა, რომ ჩვენ კარგი და თბილი ურთიერთობა შევინარჩუნეთ. როცა საქართველოში ვიყავი, შევხვდით და სასიამოვნოდ ვისაუბრე. ყურადღებით ვადევნებ თვალს ინაუგურაციას. ვფიქრობ, ჩვენი მედია ყველაფერს გააშუქებს. რუსეთი და საქართველო მეზობლები არიან და მეზობლები ყოველთვის მშვიდად და თბილ ურთიერთობაში უნდა იყვნენ.
დარწმუნებული ვარ, რომ სპორტი ყურადღების მიღმა არ დარჩება. ყოფილი ფეხბურთელი კახა კალაძე, რომელმაც ბრწყინვალე საფეხბურთო კარიერა გაიარა, ახლა თბილისის მერია, სპორტს დროს უთმობს. ზოგადად, სპორტში თავიანთი ქვეყნისა და საერთაშორისო არენაზე გამოჩენილ ადამიანებს, როგორიცაა ყაველაშვილი, უნდა ვენდოთ. მათ საკუთარი ხალხისა და ქვეყნისთვის სარგებელი მოჰქონდათ და მომავალშიც ასე იქნება", - ვკითხულობთ გაზაევის წერილში. წყარო
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
