ცისნამი საყვარლიშვილი ბიოლოგიურ მამას და დებს პირველად შეხვდა. ამის შესახებ მწერალი სოციალურ ქსელში ვრცელ პოსტს აქვეყნებს.
ამერიკაში მცხოვრები ქართველი მწერალი, წლების მანძილზე ეძებდა ბიოლოგიურ დედას, თუმცა მასთან შეხვედრამ იმედები გაუცრუა, რადგან ქალი შვილს ურთიერთობის გასაჯაროებაზე არ დათანხმდა. შემდეგ იყო მამის ძიება.
- განსხვავებით დედისგან მამის ოჯახმა გულში ჩაიკრა, თუმცა პირველ ეტაპზე მათი შეხვედრა დისტანციურად შედგა. ამჯერად კი ცისნამი საქართველოში ჩამოვიდა და აეროპორტში მას მამა თავის ოჯახთან ერთად დახვდა
- პირველად წამოვედი გერმანიიდან, სულ თურქეთით მოვდივარ ხოლმე. მთელი გზა ვნერვიულობდი და გული ხელით მეჭირა. თბილისისკენ მომავალ თვითმფრინავში ცუდად გავხდი. სტიუარდესას ვუთხარი პირველად ვხვდები ჩემს ბიოლოგიურ მამას და დებს მეთქი.
პულსი გამისინჯა და მომიალერსა. ყველაფერი მაგრად იქნებაო. მართლაც ასე იყო. დავინახე თუ არა ჩემი დები დაძაბულობა ეგრევე მომეხსნა. ძალიან საყვარლები არიან. მამას რომ ჩავეხუტე, მისი გულის ცემა და ჩემი გულის ცემა ერთდროულად მესმოდა.
ძალიან ლამაზი შეხვედრა იყო. იცით როგორი რამ ვიგრძენი? გულ-მუცელში სითბო და ცხელი სითხე ჩამეღვარა. სისხლს თავისი ძალა აქვს!
წაიკითხეთ ასევე:
- "მამამ თქვა, ვიცოდი რომ არსებობდიო, დედაშენს ვუთხარი, ერთად მოვძებნოთო, დედამ - არა, უნდა გავთხოვდეო" - რას ჰყვება ცისნამი საყვარლიშვილი მამასა და დებზე, რომლებიც ახლა იპოვა
- "დედა მმალავს, რადგან ეშინია... მისმა მეუღლემ არ იცის, რომ მის ცოლს სხვა კაცისგან შვილი ჰყავს" - ცნობილი ემიგრანტი ქალის მძიმე შეხვედრა ბიოლოგიურ მშობელთან და ცხოვრება "ნაშვილების" სტატუსით
