“ვერ დაალაგა! კარგავს იმას, რაც მისთვის ყველაფერია“ - ნიკა მელია აშშ-ს მიერ ივანიშვილის დასანქცირებაზე

“ვერ დაალაგა! კარგავს იმას, რაც მისთვის ყველაფერია - ფულს!“ - ასე ეხმაურება “კოალიცია ცვლილებისთვის“ ერთ-ერთი ლიდერი ნიკა მელია “ქართული ოცნების“ საპატიო თავმჯდომარის ბიძინა ივანიშვილის აშშ- გან დასანქცირებას.

• როგორც მელია სოციალურ ქსელში წერს, ივანიშვილისთვის ფული არის მისი პოლიტიკური, სოციალური თუ ფიზიკური არსებობის გარანტია.

“ივანიშვილი არის ოლიგარქი, რომლისთვისაც ფული არის მისი პოლიტიკური, სოციალური თუ ფიზიკური არსებობის გარანტია, არსი და საზრისი. მას თუ რამის ეშინია, ფინანსურ რესურსზე წვდომის დაკარგვაა; თუ რამით იცის მართვა, ფულია; თუ რამეს გადააყოლა ყველა და ყველაფერი, მათ შორის ქვეყანა, შვეიცარიაში გაყინული აქტივია.

ყველას, ხელქვეითს, სხვადასხვა გზებით გამოჭერილს თუ მხარდამჭერს, არწმუნებდნენ, რომ “დაალაგებს". ვერ დაალაგა! კარგავს იმას, რაც მისთვის ყველაფერია - ფულს!“ - წერს ნიკა მელია სოციალურ ქსელში.

აშშ-ის სახაზინო დეპარტამენტმა “ქართული ოცნების“ საპატიო თავმჯდომარეს, ბიძინა ივანიშვილს სანქციები დაუწესა. ამის შესახებ განცხადებას აშშ-ის სახაზინო დეპარტამენტის უცხოური აქტივების კონტროლის ოფისი (OFAC) ავრცელებს.

იხილეთ ასევე:

• აშშ-მა ბიძინა ივანიშვილს სანქციები დაუწესა - რა წერია სახაზინო დეპარტამენტის უცხოური აქტივების კონტროლის ოფისის ანგარიშში