"ქარ­თუ­ლი ოც­ნე­ბის" სა­პა­ტიო თავ­მჯდო­მა­რემ ბი­ძი­ნა ივა­ნიშ­ვილ­მა "ქარ­თუ­ლი ოც­ნე­ბის“ საპ­რე­ზი­დენ­ტო კან­დი­და­ტად "ხალ­ხის ძა­ლის“ ლი­დე­რი, ყო­ფი­ლი ფეხ­ბურ­თე­ლი მი­ხე­ილ ყა­ვე­ლაშ­ვი­ლი წა­რად­გი­ნა. ამ სი­ახ­ლემ თა­ვად "ოც­ნე­ბის“ გულ­შე­მატ­კი­ვა­რიც შოკ­ში ჩა­აგ­დო, რო­მე­ლიც პრე­ზი­დენ­ტის პოსტზე ირაკ­ლი ღა­რი­ბაშ­ვი­ლის კან­დი­და­ტუ­რის წარ­დგე­ნას ელო­და.

• ცნო­ბი­სათ­ვის: მი­ხე­ილ ყა­ვე­ლაშ­ვი­ლი სა­ქარ­თვე­ლოს პარ­ლა­მენ­ტის წევ­რია 2016 წლი­დან. მე-9, მე-10 და მე-11 მოწ­ვე­ვის პარ­ლა­მენ­ტში ის "ქარ­თულ ოც­ნე­ბას“ წარ­მო­ად­გენს.

სა­ქარ­თვე­ლოს მო­მა­ვა­ლი პრე­ზი­დენ­ტის არ­ჩევ­ნე­ბის თა­რი­ღად 14 დე­კემ­ბე­რი, ხოლო პრე­ზი­დენ­ტის ინა­უ­გუ­რა­ცი­ის დღედ 29 დე­კემ­ბე­რი ჩა­ი­ნიშ­ნა.

სა­ქარ­თვე­ლოს ის­ტო­რი­ა­ში წელს პირ­ვე­ლად ხალ­ხის ნაც­ვლად პრე­ზი­დენტს სა­არ­ჩევ­ნო კო­ლე­გია აირ­ჩევს, რო­მელ­შიც 300 კაცი შე­დის: სა­ქარ­თვე­ლოს პარ­ლა­მენ­ტის ყვე­ლა წევ­რი (150 დე­პუ­ტა­ტი), აფხა­ზე­თის უმაღ­ლე­სი საბ­ჭოს ყვე­ლა წევ­რი (20 დე­პუ­ტა­ტი), აჭა­რის უმაღ­ლე­სი საბ­ჭოს ყვე­ლა წევ­რი (21 დე­პუ­ტა­ტი) და 109 ადა­მი­ა­ნი მუ­ნი­ცი­პა­ლი­ტე­ტე­ბის საკ­რე­ბუ­ლო­ე­ბი­დან.

სა­ქარ­თვე­ლოს მო­მა­ვა­ლი პრე­ზი­დენ­ტი 5 წლის ვა­დით აირ­ჩე­ვა.

შე­გახ­სე­ნებთ, რომ სა­ლო­მე ზუ­რა­ბიშ­ვილს უფ­ლე­ბა­მო­სი­ლე­ბა 16 დე­კემ­ბერს ეწუ­რე­ბა.

უმ­რავ­ლე­სო­ბა ამ­ბობს, რომ მათ "შეც­დო­მებ­ზე ის­წავ­ლეს“ და მო­მა­ვა­ლი პრე­ზი­დენ­ტი "სან­დო, ქარ­თვე­ლი, ტრა­დი­ცი­ე­ბი­სა და ეკ­ლე­სი­ის ერ­თგუ­ლი იქ­ნე­ბა“.

გთა­ვა­ზობთ ექ­სპერ­ტე­ბის შე­აფ­სე­ბებს:

• "რა მნიშ­ვნე­ლო­ბა აქვს ვინ იქ­ნე­ბა? სის­ტე­მა­ში, სა­დაც მძვინ­ვა­რებს პი­როვ­ნე­ბის კულ­ტი"

გია ხუ­ხაშ­ვი­ლი:

"ამ სა­კი­თხზე მსჯე­ლო­ბა ჩემ­თვის არ არის სა­ინ­ტე­რე­სო. სჯობ­და, ბი­ძი­ნას ზებ­რა, ან პინგვი­ნი წა­რედ­გი­ნა პრე­ზი­დენ­ტო­ბის კან­დი­და­ტად. რა მნიშ­ვნე­ლო­ბა აქვს ვინ იქ­ნე­ბა? სის­ტე­მა­ში, სა­დაც მძვინ­ვა­რებს პი­როვ­ნე­ბის კულ­ტი, ერთი ადა­მი­ა­ნი იღებს გა­და­წყვე­ტი­ლე­ბას, ეს ინ­სტი­ტუ­ტი, ისე­ვე რო­გორც ყვე­ლა სხვა ინ­სტი­ტუ­ტი, ფაქ­ტობ­რი­ვად გა­უქ­მე­ბუ­ლია და ანუ­ლი­რე­ბუ­ლი, ყვე­ლა მისი მმარ­თვე­ლო­ბის ქვე­შაა, რა მნიშ­ვნე­ლო­ბა აქვს, ვის და­ნიშ­ნავს პრე­ზი­დენ­ტად? - აბ­სო­ლუ­ტუ­რად, არა­ნა­ი­რი. ბი­ძი­ნას­თვის ნდო­ბით აღ­ჭურ­ვი­ლი არა­ვი­ნაა, ასე­თი ადა­მი­ა­ნი არ არ­სე­ბობს, ყვე­ლა არის მის­თვის გარ­კვე­უ­ლი რე­სურ­სი, რო­მელ­საც გა­მო­ი­ყე­ნებს და გა­და­აგ­დებს. აქე­დან გა­მომ­დი­ნა­რე, არ ვთვლი, რომ ამ ვი­თა­რე­ბა­ში ეს მნიშ­ვნე­ლო­ვა­ნი სა­კი­თხია. ახლა მნიშ­ვნე­ლო­ვა­ნია ქვე­ყა­ნა და­უბ­რუნ­დეს ნორ­მა­ლუ­რი გან­ვი­თა­რე­ბის გზას და ქვე­ყა­ნა­ში დე­მოკ­რა­ტი­უ­ლი პრო­ცე­სი დაბ­რუნ­დეს. ხე­ლი­სუფ­ლე­ბა ყვე­ლა­ფერს აკე­თებს იმის­თვის, რომ ეს ასე არ მოხ­დეს, აქე­დან გა­მომ­დი­ნა­რე, სულ სხვა პრობ­ლე­მე­ბი დგას ქვე­ყა­ნა­ში და არა ის, ბი­ძი­ნა ახლა ვის, ან რას და­ნიშ­ნავს, პრე­ზი­დენ­ტად ყა­ვე­ლაშ­ვილს წა­რად­გენს, ზებ­რას თუ - პინგვინს“.

• "ყა­ვე­ლაშ­ვი­ლის მხრი­დან ღა­ლა­ტი გა­მო­რი­ცხუ­ლია..."

რა­მაზ საყ­ვა­რე­ლი­ძე:

"გა­მი­გია, რომ კე­თილ­შო­ბი­ლი პი­როვ­ნე­ბაა. პო­ლი­ტი­კას­თან კავ­ში­რი მას შემ­დეგ აქვს, რაც პარ­ლა­მენ­ტში შე­ვი­და. მო­ლო­დი­ნი მაქვს ისე­თი, რო­გო­რიც "ქარ­თულ ოც­ნე­ბას“. თა­ვი­დან­ვე იდგა სა­კი­თხი, რომ პრე­ზი­დენ­ტი უნდა ყო­ფი­ლი­ყო ისე­თი ადა­მი­ა­ნი, რო­მე­ლიც პო­ლი­ტი­კის­გან შორს იქ­ნე­ბო­და.

სა­ნამ გი­ორ­გი მარ­გვე­ლაშ­ვილს აირ­ჩევ­დნენ, გა­და­წყვე­ტი­ლე­ბის მიმ­ღებ წრე­ებ­ში სა­უ­ბა­რი იყო მეც­ნი­ერ­ზე, მა­თე­მა­ტი­კოს­ზე, რო­მე­ლიც პო­ლი­ტი­კა­ში არ იქ­ნე­ბო­და ჩარ­თუ­ლი, სა­ზო­გა­დო­ებ­რი­ვად აქ­ტი­უ­რი იქ­ნე­ბო­და. რად­გან პრე­ზი­დენ­ტის ფუნ­ქცი­ე­ბი შეკ­ვე­ცი­ლია, უნდა აერ­ჩი­ათ ის ფი­გუ­რა, ვი­საც პო­ლი­ტი­კუ­რი პრე­ტენ­ზი­ე­ბი ნაკ­ლე­ბად ექ­ნე­ბო­და, და­მო­უ­კი­დე­ბელ პო­ლი­ტი­კურ ხაზს არ გა­ა­ტა­რებ­და, რაც მოხ­და სა­ლო­მე ზუ­რა­ბიშ­ვი­ლის შემ­თხვე­ვა­ში.

სა­ლო­მე ზუ­რა­ბიშ­ვილ­მა და­ი­წყო მოქ­მე­დე­ბა, რო­გორც სხვა კონ­სტი­ტუ­ცი­ის მქო­ნე ქვეყ­ნის პრე­ზი­დენ­ტმა. ამ ქვეყ­ნის კონ­სტი­ტუ­ცი­ა­ში წე­რია, რომ პრე­ზი­დენტს არ აქვს არაფ­რის უფ­ლე­ბა. ად­რეც იყო სა­უ­ბა­რი ისე­თი ადა­მი­ა­ნის არ­ჩე­ვა­ზე, რო­მე­ლიც ნაკ­ლე­ბი მო­უ­ლოდ­ნე­ლო­ბე­ბის მა­ტა­რე­ბე­ლი იქ­ნე­ბო­და. არ გა­მო­ვი­და ორ­ჯერ და მე­სა­მე მცდე­ლო­ბა­ზე მი­დი­ან. მი­ხე­ილ ყა­ვე­ლაშ­ვი­ლის მხრი­დან ღა­ლა­ტი გა­მო­რი­ცხუ­ლია, რა­საც იტყვის იმას ას­რუ­ლებს. ყვე­ლა ამ­ბობს, ვაჟ­კა­ცუ­რი პი­როვ­ნე­ბა არი­სო, შე­სა­ბა­მი­სად, ვნა­ხოთ. ცნო­ბი­ლია რო­გორც ერ­თგუ­ლი პი­როვ­ნე­ბა“.

• "ყა­ვე­ლაშ­ვილს ან­ტი­და­სავ­ლუ­რი რი­ტო­რი­კა ჰქონ­და და საკ­მა­ოდ კარ­გი გი­ნე­ბა იცის, მხო­ლოდ ესაა, რი­თაც გა­მო­ირ­ჩე­ვა"

ვახ­ტანგ ძა­ბი­რა­ძე:

"რა ვთქვა, აღარ ვიცი... თა­ვის დრო­ზე, პელე იყ­რი­და კენ­ჭს ბრა­ზი­ლი­ის პრე­ზი­დენ­ტად, მაგ­რამ ვერ გახ­და, სა­მა­გი­ე­როდ, ჩვენ გვე­ყო­ლე­ბა ასე­ვე ფეხ­ბურ­თი­დან მო­მა­ვა­ლი ყა­ვე­ლაშ­ვი­ლი პრე­ზი­დენ­ტად. ამას ნამ­დვი­ლად არ ვე­ლო­დი... ვი­ღა­ცამ ხომ უთხრა პირ­ველ­მა, თქვე­ნი კან­დი­და­ტუ­რა გა­ნი­ხი­ლე­ბა პრე­ზი­დენ­ტად და რას იტყვი­თო (თუ ვინ­მემ ჰკი­თხა უმ­რავ­ლე­სო­ბი­დან) და ძა­ლი­ან მა­ინ­ტე­რე­სებს რო­გო­რი იყო მისი რე­აქ­ცია. ეს ნამ­დვი­ლად მა­ინ­ტე­რე­სებს, სხვა რა გი­თხრათ? "ქარ­თუ­ლი ოც­ნე­ბა“ ორი იმედ­გაც­რუ­ე­ბის შემ­დეგ ეძებ­და პრე­ზი­დენ­ტო­ბის კან­დი­დატს, რო­მე­ლიც იქ­ნე­ბო­და 100%-ით დამ­ჯე­რი, ჩუმი, წყნა­რი, მშვი­დი (სიმ­შვი­დის რა მო­გახ­სე­ნოთ), ყო­ველ შემ­თხვე­ვა­ში, "ქარ­თუ­ლი ოც­ნე­ბის“ გა­რე­შე რომ სი­ტყვას ვერ დაძ­რავ­და. რო­გორც ჩანს, სხვა კან­დი­და­ტი ვერ შე­არ­ჩი­ეს, რო­მე­ლიც ამ პა­რა­მეტ­რებს და­აკ­მა­ყო­ფი­ლებ­და. "ოც­ნე­ბის“ ამომ­რჩევ­ლის რე­აქ­ცი­აც ძა­ლი­ან მა­ინ­ტე­რე­სებს. მე ღა­რი­ბაშ­ვი­ლის და­სა­ხე­ლე­ბას უფრო ვე­ლო­დი. გა­სა­გე­ბია, რომ ღა­რი­ბაშ­ვი­ლი ერ­თგუ­ლე­ბით გა­მო­ირ­ჩე­ვა და ივა­ნიშ­ვი­ლის უსი­ტყვოდ მორ­ჩი­ლია, მაგ­რამ, რო­გორც ჩანს, ივა­ნიშ­ვი­ლი ბო­ლომ­დე არც მას ენ­დო­ბა.

ეს ყა­ვე­ლაშ­ვი­ლი მო­უ­ლოდ­ნე­ლო­ბის ეფექ­ტია ალ­ბათ მთელს სა­ზო­გა­დო­ე­ბა­ში. ყო­ველ შემ­თხვე­ვა­ში, ათა­სი კან­დი­და­ტი რომ და­მე­სა­ხე­ლე­ბი­ნა, ალ­ბათ ამას ვე­რა­ვი­თარ შემ­თხვე­ვა­ში ვერ მო­ვი­ფიქ­რებ­დი. ასე რომ, გვე­ყო­ლე­ბა ახა­ლი პრე­ზი­დენ­ტი, რა უნდა ვქნათ? ჩვე­ნი სა­ზო­გა­დო­ე­ბა არის ასე­თი და ვი­ღებთ იმას, რაც ვართ. მი­ღე­ბუ­ლი არ გვაქვს, რა უნდა ვქნათ? მას პარ­ლა­მენ­ტის 89-ვე ე.წ. დე­პუ­ტა­ტი და­უ­ჭერს მხარს, მუ­ნი­ცი­პა­ლი­ტე­ტი­და­ნაც. იქ­ნე­ბა მკაც­რი მო­თხოვ­ნა, რომ პრე­ზი­დენ­ტო­ბის კან­დი­დატს ყვე­ლამ და­უ­ჭი­როს მხა­რი, "ქარ­თუ­ლი ოც­ნე­ბა“ იმას არ და­უშ­ვებს, ვინ­მემ კაი ბი­ჭო­ბა მო­ინ­დო­მოს, ის ერ­თხმად იქ­ნე­ბა არ­ჩე­უ­ლი.

რით არის გა­მორ­ჩე­უ­ლი? - ყა­ვე­ლაშ­ვილს ან­ტი­და­სავ­ლუ­რი რი­ტო­რი­კა ჰქონ­და და საკ­მა­ოდ კარ­გი გი­ნე­ბა იცის, მხო­ლოდ ესაა, რი­თაც გა­მო­ირ­ჩე­ვა. ჰა­ბი­ტუ­სით რა და­ე­წუ­ნე­ბა, არა­ფე­რი, ისიც ძა­ლი­ან კარ­გი, ოთხი შვი­ლი თუ ჰყავს. მოკ­ლედ, ჰა­ბი­ტუ­სი და მრა­ვალ­შვი­ლი­ა­ნო­ბა შეგ­ვიძ­ლია ჩავ­თვა­ლოთ მის და­დე­ბით მხა­რედ პრე­ზი­დენ­ტის პოსტზე. ამ­ბო­ბენ, დიპ­ლო­მიც არ აქ­ვსო... მე რომ მკი­თხოს კაც­მა, ჯობ­და, პრე­ზი­დენ­ტის ინ­სტი­ტუ­ტი სა­ერ­თოდ გაგ­ვე­უქ­მე­ბი­ნა, მაგ­რამ... კი ვამ­ბობთ, არა­ლე­გი­ტი­მუ­რია პარ­ლა­მენ­ტი და მისი კან­დი­და­ტი­ცო, მაგ­რამ ამა­სო­ბა­ში მთავ­რო­ბა ყა­ლიბ­დე­ბა და კი რჩე­ბი­ან და... ოპო­ზი­ცი­ას კი ვხე­დავთ რაც არის და რო­გორც არის... ამ უბე­დუ­რე­ბა­ში ვართ.

პარ­ლა­მენ­ტი არის არა­ლე­გი­ტი­მუ­რი და მან მარ­თლაც და­არ­ღვია კონ­სტი­ტუ­ცი­ის მუხ­ლი, ის სა­კონ­სტი­ტუ­ციო სა­სა­მარ­თლოს გა­და­წყვე­ტი­ლე­ბას უნდა და­ლო­დე­ბო­და და შემ­დეგ შეკ­რე­ბი­ლი­ყო. ეს მუხ­ლი და­ირ­ღვა, რაც ნიშ­ნავს იმას, რომ პარ­ლა­მენ­ტი არა­ლე­გი­ტი­მუ­რია და შე­სა­ბა­მი­სად, ყვე­ლა მისი გა­და­წყვე­ტი­ლე­ბა - უკა­ნო­ნო, ეს მარ­ტი­ვი ლო­გი­კაა. თუმ­ცა "ქარ­თუ­ლი ოც­ნე­ბა“ ასე არ თვლის და მის გეგ­მას მიჰ­ყვე­ბა. მგო­ნია, იმი­ტომ ჩქა­რო­ბენ, რომ ძა­ლი­ან მალე და­სავ­ლეთ­ში და­ი­წყე­ბა სა­შო­ბაო არ­და­დე­გე­ბი, პო­ლი­ტი­კუ­რი სპექტრი გავა შვე­ბუ­ლე­ბა­ში და უნ­დათ ამ დრო­ში მო­ას­წრონ, რათა სა­მუ­შა­ოდ დაბ­რუ­ნე­ბულ პარტნი­ო­რებს სა­ქარ­თვე­ლო­ში ამ მი­მარ­თუ­ლე­ბით ახა­ლი რე­ა­ლო­ბა დახ­ვდეთ.

არა­ნა­ი­რად არ ვი­ზი­ა­რებ­დი იმ აზრს, რომ ივა­ნიშ­ვი­ლი გახ­დე­ბო­და პრე­ზი­დენ­ტი, არ­გუ­მენ­ტი იმი­სა, რომ მას პრე­ზი­დენ­ტო­ბა სჭირ­დე­ბა გა­რან­ტი­ე­ბის მი­სა­ღე­ბად, ჩემი აზ­რით, არა­სე­რი­ო­ზუ­ლი იყო. ივა­ნიშ­ვილს არა­ფე­რი სჭირ­დე­ბა ეს პოს­ტი, ვი­ნა­ი­დან გუნ­დი ჩა­მო­ყა­ლი­ბე­ბუ­ლია, დღეს "ქარ­თულ ოც­ნე­ბა­ში“ თე­ო­რი­უ­ლა­დაც კი რთუ­ლი იქ­ნე­ბა მო­ძებ­ნო ადა­მი­ა­ნე­ბი, რომ­ლე­ბიც ივა­ნიშ­ვი­ლის წი­ნა­აღ­მდეგ წავ­ლენ. ამ გუნ­დის ჩა­მო­ყა­ლი­ბე­ბა 2012 წლი­დან მი­დი­ო­და და ასეთ ვი­თა­რე­ბა­ში ივა­ნიშ­ვილს არა­ნა­ი­რი კა­ტას­ტრო­ფუ­ლი საფრ­თხე არ ემუქ­რე­ბა. რომც და­ე­მუქ­როს, ამას მისი პრე­ზი­დენ­ტო­ბა ვერ და არ უშ­ვე­ლის, ქვეყ­ნის შიგ­ნი­თაც და გა­რე­თაც ყვე­ლამ იცის, რომ თუ რა­ღაც პრობ­ლე­მა გინ­და გა­და­წყვი­ტო, უნდა და­ე­ლა­პა­რა­კო არა პრე­მი­ერ-მი­ნისტრს, არა­მედ ივა­ნიშ­ვილს, რო­მე­ლიც სა­პა­ტიო თავ­მჯდო­მა­რეა და ის ნიშ­ნავს პრე­მი­ერს ქვე­ყა­ნა­ში. როცა ასე­თი ვი­თა­რე­ბაა, მნიშ­ვნე­ლო­ბა არ აქვს, რა თა­ნამ­დე­ბო­ბა უჭი­რავს ივა­ნიშ­ვილს, ამი­ტომ ვთვლი­დი, რომ ის პრე­ზი­დენ­ტი არ იქ­ნე­ბო­და“

იხი­ლეთ ასე­ვე:

• მი­ხე­ილ ყა­ვე­ლაშ­ვი­ლის სა­ფეხ­ბურ­თო კა­რი­ე­რა, ოჯა­ხი, გა­ნათ­ლე­ბა - რა არის ცნო­ბი­ლი ბაგ­რა­ტი­ო­ნე­ბის სი­ძე­სა და პრე­ზი­დენ­ტო­ბის კან­დი­დატ­ზე