გარდაიცვალა მწერალი და პოლიტიკოსი ზაალ სამადაშვილი

ვრცელდება სამწუხრო ინფორმაცია, გარდაიცვალა მწერალი და პოლიტიკოსი ზაალ სამადაშვილი. ამის თაობაზე სოციალურ ქსელში მისი მეგობრები და ახლობლები წერენ.

ზაალ სამადაშვილი დაიბადა თბილისში 1953 წლისა 3 ოქტომბერს. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის მექანიკა-მათემატიკის ფაკულტეტი.

პირველი მოთხრობა "ბაბო დაჭრეს" გამოაქვეყნა 1983 წელს, ჟურნალ "ცისკარში“.

არის სრულმეტრაჟიანი ფილმ "თემოს" სცენარის ავტორი. ასევე დაწერილი აქვს სცენარი მოკლემეტრაჟიანი ფილმისათვის "გარსევანი".

სამადაშვილი 2008-13 წლებში იკავებდა თბილისის საკრებულოს თავმჯდომარის თანამდებობას, იყო რამდენიმე წიგნის ავტორი.

ზაალ სამადაშვილმა 2007 წელს თბილისის საკრებულოს მხარდაჭერით დააარსა "გალა"(ლიტერატურული პრემია).

ბოლო დრომდე მუშაობდა მიხეილ სააკაშვილის საპრეზიდენტო ბიბლიოთეკაში.