მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქართული ოცნება" სტაბილურობისთვის, ალბათ, დაიწყებს "ბარტყების" გადმოყრას და "რუსულ კანონს" დათმობს... ოპოზიცია რთულ პროცესშია" - პოლიტოლოგები ოპოზიციის ნაბიჯებზე
12:21 / 01-11-2024
"ახლა დრო არ მუშაობს ოპოზიციაზე. ისინი ხვდებიან, რომ რაღაც სწრაფად უნდა გააკეთონ, მაგრამ მეჩვენება, რომ რა უნდა გააკეთონ, ეს მაინც და მაინც კარგად არ აქვთ გააზრებული და საკმაოდ რთულ პროცესში არიან. ბუნებრივია, ხელისუფლება ამით სარგებლობს" - ამის შესახებ პოლიტოლოგმა გია ხუხაშვილმა "ინტერპრესნიუსს" განუცხადა, რითაც ხმების დაცვის მიზნით ოპოზიციის ნაბიჯები შეაფასა.
- გია ხუხაშვილის შეფასებით, ერთი მხრივ, გასაგებია, რომ ოპოზიციას პრობლემა აქვს, რადგანაც ასეთ ვითარებაში, როდესაც მათი შესაძლებლობები საკმაოდ შეზღუდულია იგივე ხალხის ნდობასთან დაკავშირებით, გეგმის დადება პრობლემატურია.
"პრობლემატურია იმიტომ, რომ ასე ადვილია დაძახება, "მოდით, პერმანენტული პროტესტი დავიწყოთ“, მაგრამ მეორეა, რამდენად დამაჯერებელია შენი გეგმა იმიტომ, რომ ჩვენ საქართველოში მუდმივად ვართ დიდი იმედების შექმნის და მერე იმედგაცრუების ციკლში. შესაბამისად, ამ პროტესტზე საზოგადოების აყოლება საკმაოდ ძნელია იმიტომ, რომ ხშირად ეს პროტესტი არაფრით მთავრდება და ეს სკეპტიციზმი საკმაოდ ძლიერია, მით უმეტეს როდესაც კონკრეტული დამაჯერებელი გეგმა არ ჩანს, რომელიც აუცილებლად შედეგამდე მიგიყვანს. ასე რომ, ახლა დრო არ მუშაობს ოპოზიციაზე. ისინი ხვდებიან, რომ სწრაფად რაღაც უნდა გააკეთონ, მაგრამ მე მეჩვენება, რომ რა უნდა გააკეთონ, ეს მაინც და მაინც კარგად არ აქვთ გააზრებული და საკმაოდ რთულ პროცესში არიან. ბუნებრივია, ხელისუფლება ამით სარგებლობს“, - განაცხადა ხუხაშვილმა.
- რაც შეეხება ამ პროცესში "გახარია საქართველოსთვის" პოზიციას, პოლიტოლოგის აზრით, გიორგი გახარია არ ემიჯნება მთავარ ამოცანას და ცალსახად განაცხადა, რომ ბოლომდე იბრძოლებს იმისთვის, რომ ხალხის ნება დადასტურდეს, თუმცა, ხუხაშვილის თქმით, საქმე იმაში მდგომარეობს, რომ ახლა მიმდინარე პროცესზე ბევრი ფაქტორი ზემოქმედებს.
"ვფიქრობ, საკვანძო მაინც არის, საბოლოო ჯამში, საერთაშორისო თანამეგობრობა როგორ შეხედავს ამ არჩევნებს და გარკვეულწილად ხელისუფლებაც ამ ნაბიჯებს გადადგამს, ანუ ხელისუფლება გააგრძელებს იმ გზით სიარულს, რასაც ჰქვია „ნელი დღეები რუსეთისკენ“, თუ ახლა დაიწყებს ბარტყების გადმოყრას, დავუშვათ, „რუსული კანონის“ სახით. დიდი ეჭვი მაქვს, რომ ეს თემა მათთვის უკვე არის გარკვეული საეჭვო სივრცის გახსნა და საკონსტიტუციო სასამართლოს მეშვეობით შესაძლოა მათ ეს დათმონ, ანუ საკონსტიტუციო სასამართლომ არსებითი განხილვისას მიიღოს გაუქმების გადაწყვეტილება. შესაძლოა, ასეთი ბარტყების გადაყრა დაიწყონ იმისთვის, რომ მოხდეს გარკვეული სტაბილიზაცია და საზოგადოებაში არსებული აღქმა, რომ ხელისუფლება რუსეთისკენ მიისწრაფვის, რაღაცნაირად შეარბილოს. გარდა ამისა, კიდევ რაღაც ნაბიჯები გადადგას იმისთვის, რომ გარკვეულწილად თვითონაც სახე შეინარჩუნოს და დასავლეთის ეს ნეგატიური განწყობები შეარბილოს და პარალელურად, მოახდინოს ოპოზიციის მარგინალიზაცია. ყველაფერი დამოკიდებულია, ოპოზიცია რამდენად ადეკვატური იქნება ამ პროცესში.
სიმართლე გითხრათ, დავიღალე ამ რჩევების მიცემით [ოპოზიციისთვის] იმიტომ, რომ მე რა რჩევებსაც ვაძლევდი წინასაარჩევნოდ, არცერთი არ იქნა მიღებული ოპოზიციის მხრიდან. ამან დაამძიმა მდგომარეობა. მათ რატომღაც ჰქონდათ ილუზია და ამბიცია, რომ ყველაფერი კარგად იქნებოდა თუნდაც იმ სახით, რა სახითაც ჩვენ მივედით არჩევნებამდე. მე თავიდანვე ვფიქრობდი, რომ აქ იყო მაღალი რისკები და ეს არ მიიღეს. მე მეჩვენება, რომ წინასაარჩევნო პროცესში ოპოზიციის ამბიციები ბევრად აჭარბებდა მათ რეალურ შესაძლებლობებს და ჩემი რჩევები იყო მიმართული იქითკენ, რომ მათი შესაძლებლობები რაღაცნაირად გაზრდილიყო, მაგრამ ოპოზიციამ ეს რეალობა არ მიიღო და დადგა იმ რეალობის წინაშე, რის წინაშეც დადგა. ოპოზიციას უნდა ესმოდეს, რომ საზოგადოების ინტერესია არ დაზიანდეს ქვეყნის განვითარების გრძელვადიანი ვექტორი“, - განაცხადა ხუხაშვილმა.
- პოლიტოლოგ ვახტანგ ძაბირაძის აზრით, თუ ოპოზიცია ვერ შეძლებს პროტესტის აგორებას, ეს იმას ნიშნავს, რომ მას არ აქვს მოსახლეობაში მხარდაჭერა.
"ქუჩის პროტესტის გარეშე ეს პროცესი ვერ დაიძვრება, ეს არის ანბანური ჭეშმარიტება. რამდენად მძლავრი იქნება ეს პროტესტი, ეს ოპოზიციის ქმედებებზე იქნება დამოკიდებული და იმაზე, რეალურად, როგორი მხარდაჭერა აქვს... ალბათ, ოპოზიციამაც და საზოგადოებამაც უნდა ეძებოს ის მიზეზები, თუ რამ მიგვიყვანა აქამდე და რა უნდა გავაკეთოთ შემდგომ. მიუხედავად იმისა, ოპოზიცია შეძლებს თუ არა საპროტესტო ტალღის აგორებას, ეს პროცესი ამით არ დასრულდება, რადგან „ქართული ოცნება“ გააგრძელებს იმ პოლიტიკას, რითაც არჩევნებამდე მოვიდა. ეს არ ეხება მარტო არჩევნებს, ეს ეხება „ქართული ოცნების“ ზოგად პოლიტიკას, მათ შორის საგარეოს. საგარეო კურსიდან გამომდინარე, მივიღებთ იმას, რაზეც პარტნიორები გვაფრთხილებენ - ევროკავშირისკენ ჩვენი სვლა შეჩერდება. ფაქტობრივად, "ქართული ოცნება“ ჩვენი პარტნიორებისთვის გამოცხადდება მიუღებელ პოლიტიკურ ძალად. როცა ვლაპარაკობთ „ბელარუსიაციაზე“, უნდა ველოდოთ არა მარტო საპროტესტო აქციებს, არამედ იმ სანქციებსაც, რაც მაგალითად, ბელარუსმა ჩვენი დასავლელი პარტნიორებისგან მიიღო. თუ არის საზოგადოება ამისთვის მზად, ე.ი. ასეა. თუ მზად არ არის, ე.ი უნდა გააპროტესტოს და იბრძოლოს იმისთვის, რომ ჩვენ მართლა ევროპულ ოჯახს დავუბრუნდეთ“, - განაცხადა ძაბირაძემ.
მისი შეფასებით, ჯერჯერობით ოპოზიცია სწორი მიმართულებით მიდის.
"ძირითადად, სამი მიმართულებაა, რაც ოპოზიციამ უნდა გააკეთოს. ეს არის საპროტესტო ტალღის უზრუნველყოფა, მეორე არის დარღვევების შეგროვება, რაც არჩევნებზე იყო, მისი კლასიფიცირება და სერიოზული დოკუმენტის შექმნა, რომლითაც დადასტურდება, რომ არჩევნები ნამდვილად გააყალბეს. მესამეა ჩვენს პარტნიორებთან ურთიერთობა, რომ მათთვის ყველა ინფორმაცია დროულად იყოს მიწოდებული. დღეს ოპოზიცია ელჩებს ხვდება, რამდენად პრაგმატული და რეზულტატის მომტანი იქნება, ამას დავინახავთ. ოპოზიციაში ამბობენ, რომ დარღვევების შესახებ დოკუმენტს ძალიან მალე დადებენ. ორშაბათს ასევე დაგეგმილია აქცია. ალბათ, დეტალურ სამოქმედო გეგმას იტყვიან, მაგრამ ჯერჯერობით ეს 3 მიმართულებაა, რომლის რეალიზება ოპოზიციამ უნდა უზრუნველყოს“, - განაცხადა ძაბირაძემ "ინტერპრესნიუსთან".
ცნობისთვის, ოპოზიცია 4 ნოემბერს, 19:00 საათზე, რუსთაველის გამზირზე აქციას აანონსებს. სწორედ აქციაზე გახდება ცნობილი ოპოზიციის სამოქმედო გეგმაც. ოპოზიციის შეხვედრას გუშინ "ძლიერი საქართველოს" ოფისში “ერთიანობა-ნაციონალური მოძრაობის”, “კოალიცია ცვლილებისთვის” და “ძლიერი საქართველოს” ლიდერები ესწრებოდნენ.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
