“Slay queen - ჩვენს გვერდით არის მეგობრებო“ - რას წერს ნანუკა ჟორჟოლიანი პრეზიდენტის შესახებ
ტელეწამყვანი ნანუკა ჟორჟოლიანი ეხმაურება პრეზიდენტ სალომე ზურაბიშვილის განცხადებას იმის შესახებ, რომ 26 ოქტომბრის საპარლამენტო არჩევნები არალეგიტიმურია და ამის დასაფიქსირებლად, ხვალ, 19:00 საათზე ყველა რუსთაველის გამზირზე უნდა გავიდეს.
“არ ვაღიარებთ არჩევნებს, ჩვენ დავდგებით ერთად, ყველა ვინც იცავდა ევროპულ მომავალს. ხვალ, 7 საათზე შევიკრიბოთ რუსთაველზე. ყველამ უნდა იცოდეს საზღვრების გარეთ, საქართველოს მომავლის დაცვა, ეს არის ხალხის დაცვა”- საქართველოს პრეზიდენტი, სალომე ზურაბიშვილი...
Slay queen - ჩვენს გვერდით არის მეგობრებო.
პრეზიდენტის გვერდით იდგნენ ოპოზიციის ლიდერები, არ იდგა მხოლოდ გახარია,“ - წერს ჟორჟოლიანი.
- შეგახსენებთ, რომ დღეს, სალომე ზურაბიშვილთან ერთად, საგანგებო ბრიფინგზე იდგნენ ოპოზიციის წარმომადგენლები. თუმცა, მათ შორის არ ჩანდა “გახარია საქართველოსთვის“ ლიდერი, გიორგი გახარია. აღნიშნულმა ფაქტმა საზოგადოების ნაწილს კითხვები გაუჩინა. თუმცა, დასტურდება ინფორმაცია, რომ გახარია და მისი პარტიის წევრები პრეზიდენტთან კონსულტაციებს აქტიურად გადიოდნენ.
განცხადება გაავრცელა “გახარია საქართველოს“ ერთ-ერთმა ლიდერმა, ნათია მეზვრიშვილმა.
როგორც მეზვრიშვილი “ფეისბუქ“ გვერდზე წერს, პარტიის გადაწყვეტილების შესახებ ინფორმაციას საზოგადოება შეიტყობს თანმიმდევრულად, სწორ დროს და სწორი ფორმით.
“ძვირფასო ამომრჩევლებო, ბევრი კითხვა მოდის რას ვაპირებთ. ვფიქრობ, გუშინაც და დღესაც ბრიფინგზე მკაფიოდ განვმარტეთ, მაგრამ კიდევ ერთხელ ვიტყვი:
ეს არჩევნები არ გამოხატავს ამომრჩევლის ნებას. ივანიშვილმა ჩვენს არჩევანზე იძალადა. ახლა დაკავებული ვართ იმით, რომ ყველანაირი სამართლებრივი და პოლიტიკური მექანიზმის გამოყენებით, ყველა დონეზე, ამის აღიარებას მივაღწიოთ. თვეები მოვანდომეთ მტკიცებულებების მოგროვებას. ახლაც ამას ვაკეთებთ. დამკვირვებლებს ჯერ საბოლოო შეფასებები არ გამოუქვეყნებიათ და ყველაფერს გავაკეთებთ, რომ ეს შეფასებები იყოს კიდევ უფრო მძიმე.
ამაში ვდებთ ახლა მთელ ჩვენ ენერგიას. ეტაპობრივად კიდევ უფრო მეტ დეტალს გაგიზიარებთ.
არასოდეს გვახასიათებდა არათანმიმდევრულობა. ნაადრევად არც ოპოზიციის გამარჯვება გვიზეიმია. მესმის, ემოციური ფონია (და არჩევნების გაყალბების გათვალისწინებით, სავსებით სამართლიანად), მაგრამ ყველა გადაწყვეტილების შესახებ შეიტყობთ თანმიმდევრულად, სწორ დროს და სწორი ფორმით.
სრული პასუხისმგებლობით ვეკიდები ჩვენთვის მოცემულ თითოეულ ხმას. მერწმუნეთ, არ იქნება გაურკვეველი საკითხები“, - წერს მეზვრიშვილი.
იხილეთ ასევე: