ხაჭაპურის მომზადების ღირებულება ისევ გაძვირდა
2024 წლის სექტემბერში ერთი სტანდარტული იმერული ხაჭაპურის მომზადების საშუალო ღირებულება 6.48 ლარს შეადგენდა. ამის შესახებ კვლევას ISET-ის კვლევითი ინსტიტუტი აქვეყნებს.
მათი ინფორმაციით, აგვისტოსა და სექტემბერში ხაჭაპურის მომზადების საფასური მზარდი ტენდენციით ხასიათდებოდა. მაგალითისთვის, ივლისთან შედარებით სექტემბერში ხაჭაპურის ინდექსი 13%-ით არის გაზრდილი.
„ზრდა მეტწილად ყველის გაძვირებამ გამოიწვია, რომლის ფასიც ბოლო სამი თვის (2024 წლის ივლის-სექტემბერი) განმავლობაში 22%-ით გაიზარდა. როგორც წესი, შემოდგომის დადგომასთან ერთად რძის პროდუქტების ფასები იზრდება, რადგან ამ პერიოდში ცხოველებისთვის საკვები დანამატების მიცემა ხდება საჭირო,“ - აღნიშნულია კვლევაში. გააგრძელეთ კითხვა