ნატომ ბირთვული წვრთნები დაიწყო

დღეიდან, 14 ოქტომბრიდან, ნატომ დაიწყო ყოველწლიური ბირთვული სწავლება Steadfast Noon-ი.

ორკვირიან წვრთნებში მონაწილეობს ალიანსის წევრი სახელმწიფოების 2000 სამხედრო და სხვადასხვა ტიპის 60-ზე მეტი თვითმფრინავი, მათ შორის რეაქტიული თვითმფრინავები ბირთვული ქობინებით, ბომბდამშენები და თანმხლები გამანადგურებლები

ინფორმაციით, სწავლებაში, მომდევნო ორი კვირის განმავლობაში, საჰაერო ძალების რვა ბაზიდან დაახლოებით 2 000 ჯარისკაცი ჩაერთვება.

ამასთან, წვრთნების დროს ნამდვილ საბრძოლო მასალას არ გამოიყენებენ.

წელს მანევრები ჩატარდება ბელგიისა და ნიდერლანდების საჰაერო ძალების ბაზებზე, ასევე დიდი ბრიტანეთის, დანიისა და ჩრდილოეთის ზღვის საჰაერო სივრცეებში.

ნატო-ს გენერალურმა მდივნმა, მარკ რუტემ Sky News-თან ინტერვიუში კითხვაზე, რა გზავნილს გაუგზავნის წვრთნები კრემლს, უპასუხა:

"გადამწყვეტია, რომ გამოვცადოთ და გავაძლიეროთ ჩვენი თავდაცვა. ჩვენ ასევე მკაფიოდ გავუგზავნეთ მესიჯი ჩვენს მოწინააღმდეგეებს, რომ მზად ვართ, ნებისმიერ საფრთხეს ვუპასუხოთ“.