სად მდებარეობს 33 “ბნელი ლაქა“, სადაც არაიდენტიფიცირებული მცენარეები არსებობენ? - დედამიწის კიდევ ერთი “საიდუმლო“
Kew-ის (სამეფო ბოტანიკური ბაღები) კვლევის თანახმად, ბოტანიკოსებმა გამოავლინეს ტერიტორიები, ე.წ. “ბნელი ლაქები“, სადაც სულ მცირე 100 000 არაიდენტიფიცირებული მცენარეული სახეობა ბინადრობს. ყველა მათგანი სავარაუდოდ გადაშენების საფრთხის ქვეშაა.
მათი თქმით, 33 “ბნელ ლაქაში“ გაზრდილი ათასობით მცენარეული სახეობა ჯერ კიდევ ელოდება აღმოჩენას.
- სამეფო ბოტანიკური ბაღების კვლევითი ორგანიზაციის წევრების თქმით, ისინი სხვადასხვა რეგიონების შესწავლისას, როგორც წესი ყოველწლიურად ათობით ახალ სახეობას ეცნობიან. თუმცა, 100 000-ზე მეტი მცენარე, რომელიც მოსალოდნელი იყო, რომ კონკრეტულ უბნებზე იზრდებოდა, ჯერ კიდევ არ არის აღმოჩენილი.
Kew-ის მეცნიერების დირექტორმა და ნაშრომის უფროსმა ავტორმა, პროფესორმა ალექსანდრე ანტონელმა, თქვა, რომ კვლევა მიზნად ისახავს მცენარეთა აღმოჩენების ტემპის დაჩქარებას.
შესასწავლი რეგიონების უმეტესობა აზიაშია, რომელსაც აქვს 22 ტერიტორია, მათ შორის არის კუნძული სუმატრა, აღმოსავლეთ ჰიმალაი, ასამი- ინდოეთში და ვიეტნამი. აფრიკა, მადაგასკარისა და სამხრეთ აფრიკის კონცხის პროვინციები. კოლუმბია, პერუ და სამხრეთ-აღმოსავლეთ ბრაზილია.
თითქმის ყველა უბანი ემთხვევა ტერიტორიებს, რომლებიც უკვე იდენტიფიცირებულია ბიომრავალფეროვნების “ცხელ წერტილებად“ - ეს არის რეგიონები, რომლებიც მდიდარია უნიკალური მწვანე საფარით, მაგრამ ემუქრება განადგურება.