მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“ისრაელელებს გავაგიჟებთ!“ - ირანი და “ჰეზბოლა“ ისრაელს ემუქრებიან
15:37 / 30-09-2024
“ჩვენ არ გავცემთ ცარიელ დაპირებებს. პრაქტიკაში ვაჩვენეთ, რომ მტკიცედ ვუპირისპირდებით აგრესორებს, რომელთა მიზანი ირანის ეროვნული უსაფრთხოების დარღვევაა და ჩვენი პასუხი მათთვის სამწუხარო იქნება“, - ამის შესახებ ირანის საგარეო საქმეთა სამინისტროს პრესსპიკერმა, ნასერ ქანაანმა განაცხადა.
მისი თქმით, ირანი ისრაელის არცერთ აგრესიულ ქმედებას უპასუხოდ არ დატოვებს.
“ირანი უპასუხოდ არ დატოვებს სიონისტური რეჟიმის არცერთ აგრესიულ ქმედებას, რომლის სამიზნე ირანის ინტერესებია. ეს რეჟიმი დაუსჯელი არ დარჩება ჩადენილი დანაშაულებისთვის და საპასუხოდ ირანი შესაბამის ზომებს მიიღებს“, - აღნიშნა ირანის საგარეო უწყების წარმომადგენელმა.
- ისრაელის მიერ, ბოლო დროს განხორციელებულ ავიაიერიშებს პასუხობს “ჰეზბოლაც“. დაჯგუფების გენერალური მდივნის მოადგილის განცხადებით, ისინი საკადრის პასუხის გასცემენ ისრაელს.
“ჰეზბოლას“ გენერალური მდივნის მოადგილის, ნაიმ ქასემის განცხადებით, ისრაელი ლიბანში მშვიდობიანი მოსახლეობის ხოცვა-ჟლეტას აშშ-ს სრული მხარდაჭერით ახორციელებს და “ჰეზბოლა“ გააგრძელებს ისრაელთან ბრძოლას და გაიმარჯვებს.
“ისრაელი სჩადის დანაშაულს და ახორციელებს ხოცვა-ჟლეტას ლიბანის ყველა კუთხეში. ისრაელმა აირჩია კონკრეტული სოფლები და ქალაქები და სახლები და ყველა სახლს ამჩნევია ისრაელის აგრესიის კვალი. ისრაელი უტევს მშვიდობიან მოსახლეობას, მედიკოსებს. ისრაელი უტევს ყველას, ვინც ქუჩაში დადის და ყველას, ვინც სახლებში რჩება. ისინი მებრძოლები არ არიან. ისრაელის ძალები კლავენ, სჩადიან ხოცვა-ჟლეტას და დანაშაულს მშვიდობიანი მოსახლეობის წინააღმდეგ. შეერთებული შტატების ადმინისტრაცია ყველანაირად მხარს უჭერს ისრაელს და ამერიკა არის ისრაელის პარტნიორი ყველაფერში, შეუზღუდავი სამხედრო მხარდაჭერით“, - აღნიშნა “ჰეზბოლას” გენერალური მდივნის მოადგილემ.
მისი თქმით, მსხვერპლის მიუხედავად, “ჰეზბოლა“ ისრაელის წინააღმდეგ ბრძოლას განაგრძობს.
“ტკივილი არის, მსხვერპლი არის. მაგრამ ყველამ უნდა იცოდეს, რომ ჩვენ გვიყვარს მოწამეობა. ჩვენ დიდი მსხვერპლი გვქონდა პეიჯერის ოპერაციების და ლიდერების მოწამეობრივი აღსასრულის შემდეგ. ეს რომ სხვაგან მომხდარიყო, ნებისმიერი ორგანიზაცია დაიშლებოდა, ჩვენ არ დავიშალეთ. ვაგრძელებთ ტანჯვისა და მსხვერპლის მიუხედავად. ჩვენ გავაგრძელებთ ისლამურ წინააღმდეგობას. ჩვენ გავაგრძელებთ ისრაელთან დაპირისპირებას პალესტინისა და ღაზას მხარდასაჭერად და ჩვენი ლიბანელი ხალხის დასაცავად“, - აღნიშნა “ჰეზბოლას” გენერალური მდივნის მოადგილემ.
მისი მტკიცებით, “ჰეზბოლა“ ამჟამად მინიმალურ ძალისხმევას იყენებს.
“ჩვენ საკმარისად ძლიერები ვართ და ისრაელელებს გავაგიჟებთ, რადგან ისინი ვერასდროს შეძლებენ ჩვენს სამხედრო შესაძლებლობებს მიაღწიონ, დაარტყან და დააზარალონ“, - აღნიშნა ნაიმ ქასემმა.
დღეს დილით, ისრაელმა ლიბანის დედაქალაქ ბეირუთზე ავიადარტყმები განახორციელა. ლიბანში არსებულმა “პალესტინის განთავისუფლების სახალხო ფრონტმა“ განაცხადა, რომ საჰაერო თავდასხმის შედეგად, მისი სამი წევრი დაიღუპა.
“პალესტინის გათავისუფლების სახალხო ფრონტმა“ პირობა დადო, რომ “გააგრძელებს ბრძოლისა და წინააღმდეგობის გზას მანამ, სანამ ოკუპაცია არ შეწყდება, რაც არ უნდა დიდი დრო დასჭირდეს და რამხელა მსხვერპლიც არ უნდა დასჭირდეს“.
ამასთან, დაჯგუფება “ჰამასმა“ განაცხადა, რომ ისრაელის მიერ ლიბანის სამხრეთ ნაწილში განხორციელებული საჰაერო თავდასხმების შედეგად ლიბანში მისი ლიდერი, ფატეჰ შერიფ აბუ ელ-ამინი და მისი ოჯახის წევრები დაიღუპნენ.
ლიბანის ჯანდაცვის სამინისტროს განცხადებით, განხორციელებული თავდასხმების შედეგად ბოლო ორი კვირის განმავლობაში 1000-ზე მეტი ლიბანელი დაიღუპა და 6000 დაიჭრა. მთავრობამ განაცხადა, რომ მილიონმა ადამიანმა, მოსახლეობის დაახლოებით მეხუთედმა დატოვა სახლები.
ისრაელის მიერ განხორციელებული ავიაიერიშების შედეგად, ბოლო ორი კვირის განმავლობაში ჰეზბოლას მაღალი თანამდებობის პირები - მათ შორის მისი ლიდერი სეიედ ჰასან ნასრალა დაიღუპნენ.
ისრაელმა პირობა დადო, რომ გააგრძელებს ოპერაციებს, რადგან სურს, რომ მაცხოვრებლებისთვის ჩრდილოეთის ტერიტორიები კვლავ უსაფრთხო გახადოს.
იხილეთ ასევე:
- როგორ შეიტყუეს ნასრალა "სიკვდილის ხაფანგში" - ისრაელის მორიგი შთამბეჭდავი სპეცოპერაცია, რომელსაც ნეთანიაჰუმ მწვანე შუქი შტატებიდან აუნთო
- რა ელის ჰეზბოლას ჰასან ნასრალას გარეშე და ვინ არის მოკლულის “ტყუპისცალი“ ჰაშემ საფიდინი, რომელსაც დაჯგუფების პოტენციურ ლიდერად მიიჩნევენ - “მან მტრებს მოუწოდა, რომ “მოემზადონ ტირილისთვის“
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
