მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ავსტრიული არჩევნები რუსული აქცენტით - ჰერბერტ კიკლი, რომელიც ჰიტლერივით "სახალხო კანცლერობას" აპირებდა, იმარჯვებს, თუმცა ქვეყანას ვერ მართავს
09:51 / 30-09-2024
ავსტრიის ულტრამემარჯვენე, პოპულისტური პარტია "თავისუფლება", რომელსაც ჰერბერტ კიკლი ხელმძღვანელობს, არჩევნების შემდეგ პარლამენტში უფრო მეტ ადგილს იკავებს, ვიდრე ნებისმიერი სხვა პოლიტიკური ძალა, მაგრამ, დიდი ალბათობით, ის მმართველ კოალიციას ვერ შექმნის.
“დოიჩე ველეს“ ცნობით, ავსტრიის შინაგან საქმეთა სამინისტროს მიერ გამოქვეყნებული წინასწარი ოფიციალური შედეგების მიხედვით, პარტიამ არჩევნებში ხმების 29.2 %-ი მოიპოვა.
მეორე ადგილზეა მმართველი კონსერვატიული „ავსტრიის სახალხო პარტია“, რომელსაც კანცლერი კარლ ნეჰამერი ხელმძღვანელობს და რომელმაც არჩევნებში ხმების 26.5% მიიღო. ავსტრიის სოციალ-დემოკრატიულმა პარტიამ - 21.1%, პარტიამ "ახალი ავსტრია და ლიბერალური ფორუმი“ - 9%, მწვანეებმა კი - 8%.
მცირე პარტიებმა, როგორიცაა "ავსტრიის კომუნისტური პარტია“ და "ლუდის პარტია“, ავსტრიის პარლამენტში წარმომადგენლობის მოსაპოვებლად საჭირო ხმების 4%-ზე მნიშვნელოვნად ნაკლები მიიღეს.
ხმების დათვლისას გაითვალისწინეს ფოსტით გაგზავნილი ბიულეტენების უმრავლესობა. დარჩენილი ხმების დათვლა, სავარაუდოდ, 3 ოქტომბრამდე მოხდება.
გავრცელებული ინფორმაციით, ავსტრიის პარტიების ლიდერები გაერთიანდნენ იმ იდეის გარშემო, რომ კოალიციის შექმნა შეუძლებელია ულტრამემარჯვენე პარტია "თავისუფლების" (FPO) ლიდერთან, ჰერბერტ კიკლთან.
FPO-ს კოალიციის შექმნა დასჭირდება ერთ ან ორ პარტიასთან საიმისოდ, რომ საპარლამენტო უმრავლესობა მოიპოვოს და სტაბილური მთავრობა შექმნას - მაგრამ როცა კენჭისყრის შემდეგ პარტიებმა კონსულტაცია გამართეს, ამგვარი კოალიციის შექმნის სურვილი არ გამოუხატავს არცერთ პოტენციურ პარტნიორს.
"პოპულისტები" კოალიციური მთავრობის შექმნას და ქვეყნის მართავს ვერ შეძლებენ.
ავსტრიაში, პრორუსულობით ცნობილი ულტრამემარჯვენეები დიდი ხანია არიან პოლიტიკური მეინსტრიმის ნაწილი და არაერთხელ ყოფილან ხელისუფლებაშიც, თუმცა ისინი ვერასდროს იქცნენ დიდ პარტიად, რომელიც დამოუკიდებლად მართავდა ქვეყანას.
ფაქტია, ავსტრიის სახალხო პარტიის გარეშე კიკლი ვერ შეძლებს მთავრობის შექმნას. მისმა ლიდერმა და ქვეყნის კანცლერმა ნეჰამერმა საკმაოდ ნათლად ისაუბრა ამ თემაზე.
"კიკლთან სახელმწიფოს აშენება შეუძლებელია", - თქვა მან.
მწვანეებმა, ავსტრიის პრეზიდენტის ალექსანდრე ვან დერ ბელენის ხელმძღვანელობით, ასევე მთლიანად გამორიცხეს პარტნიორობა FPÖ-სთან მისი "ანტიევროპული“ პოზიციისა და უკრაინაში რუსეთის შეჭრის დაგმობაზე უარის გამო, თუმცა Kickl-ის პარტიის გამარჯვება ავსტრიაში და ავსტრიული ულტრამემარჯვენეების გაზრდილი წონა ევროპარლამენტში ბრიუსელსა და კიევში ნამდვილდ არ უხრიათ.
კიკლი წინასაარჩევნოდ ავსტრიელებს დაჰპირდა, რომ ააშენებდა "ავსტრიის ციხესიმაგრე“, რომელიც მიგრანტებისთვის მიუღწეველი იქნებოდა.
კამპანიის დროს ის ასევე ამბობდა, რომ გახდებოდა "სახალხო კანცლერი" (Volkskanzler), რამაც ზოგიერთ ავსტრიელს გაახსენა ტერმინი, რომელიც გამოიყენება ნაცისტურ გერმანიაში ადოლფ ჰიტლერის აღსაწერად.
მან ასევე განაცხადა, რომ დაასრულებდა უკრაინის ამბიციებს ევროკავშირში გაწევრების თაობაზე, ეს ქვეყანა გამოაცხადა "საფრთხედ ევროპული სოფლის მეურნეობისთვის“ და პირობა დადო, რომ დაბლოკავდა კიევთან მოლაპარაკებების გაგრძელებას, თუმცა ის ამას ნამდვილად ვერ მოახერხებს.
სანქციების საკითხზე, ავსტრია, Kickl-ის აზრით, პირველ რიგში ეროვნული ინტერესებით უნდა ხელმძღვანელობდეს, რაც იმაში მდგომარეობს, რომ ვენას რუსული გაზი სჭირდება.
შეგახსენებთ, ავსტრიაში საპარლამენტო არჩევნები გუშინ ჩატარდა. ამომრჩეველთა აქტივობამ 78% შეადგინა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
