მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა აფეთქდება პეიჯერებისა და რაციების შემდეგ? უმძიმესი კადრები ჯოჯოხეთად ქცეული ბეირუთიდან - "აფეთქებები მოხდა იქ, სადაც არ ველოდით - ქრისტიანულ რაიონებში"
18:42 / 19-09-2024
ბოლო ორი დღის განმავლობაში, ლიბანის მასშტაბით, ათასობით რაცია, მზის პანელი და თითის ანაბეჭდის ამომცნობი მოწყობილობა აფეთქდა - შემთხვევის შედეგად 14 ადამიანი დაიღუპა, ასობით კი დაშავდა.
- აფეთქებების ახალი სერია მას შემდეგ დაიწყო, რაც ლიბანში "ჰეზბოლას" რამდენიმე ასეული წევრის პეიჯერები აფეთქდა. გავრცელებული ინფორმაციით, პორტატული პეიჯერების გატეხა და მათი აფეთქება ისრაელმა მოახერხა. შემთხვევას ათეულობით ადამიანის სიცოცხლე ემსხვერპლა, მათ შორის იყვნენ მშვიდობიანი მოქალაქეები და ბავშვები.
შედეგად გამოწვეული პანიკის გამო, შეშინებულმა მცხოვრებლებმა რაციებიდან ბატარეები ამოიღეს და მოწყობილობები ქუჩაში გადააგდეს.
- ადგილობრივი ჟურნალისტი ჰასან ჰარფუში აღწერს, თუ როგორ გადაიქცა ყოველდღიური ცხოვრება საშინელებათა ფილმად:
"გუშინ, ბეირუთში, სამი მამაკაცისა და ერთი ბიჭის დაკრძალვაზე ვიყავი - ისინი "ჰეზბოლას" პეიჯერების აფეთქებას ემსხვერპლნენ.
ახლა ეს კვლავ დაიწყო. აფეთქების ხმა ორჯერ გავიგონეთ: ერთი სასწრაფო დახმარების მანქანიდან მოდიოდა, რომელმაც, ჩემი ვარაუდით, დაკრძალვაზე კუბოები მოიტანა.
დავინახე პარამედიკოსი, რომელიც ბარბაცით გადმოვიდა ცეცხლმოკიდებული მანქანიდან. ხალხი მის დასახმარებლად გაიქცა. შორს ვიდექი, ამიტომ გამიჭირდა იმის დანახვა, თუ რამდენად მძიმედ იყო დაშავებული.
"ჰეზბოლას" თანამდებობის პირები ისე იქცეოდნენ, თითქოს არაფერი მომხდარა... მაგრამ ყველამ ვიცოდით, რომ ეს მორიგი თავდასხმა იყო. მოგვიანებით გავიგეთ, რომ ამჯერად რაციები აფეთქდა.
როგორც ლიბანში მოღვაწე ჟურნალისტს, მრავალი კონფლიქტი გამიშუქებია და ბევრი გვამიც მინახავს. მაგრამ ალბათ ვერანაირი გამოცდილება ვერ მომამზადებდა იმ ხოცვა-ჟლეტისთვის, რაც ბოლო ორი დღის განმავლობაში ვნახე.
ბეირუთში სრული პანიკაა. ჭორები დადის, თითქოს შემდეგში ტელევიზორი, მაცივარი ან მზის პანელი აფეთქდება. ხალხს ეშინია... ვიცი, რომ სისულელეა, მაგრამ მშობლებს მაინც ვთხოვე ცეცხლმაქრის შეძენა.
ყველას გვეშინია; აღარ არსებობს უსაფრთხო ადგილი. ბეირუთის ერთ-ერთ საავადმყოფოში ვნახე კაცი, რომელსაც სახიდან ხორცი ჰქონდა მოგლეჯილი, ძვლები საშინლად მოუჩანდა. ის ჯერ კიდევ გონზე იყო.
ექიმებმა მითხრეს, რომ აფეთქება ყველაზე მძიმედ სახესა და ხელებს აზიანებს. რაც ბეირუთში ვარ ტელეფონზე უამრავი შეტყობინება მომივიდა. შეშფოთებული მეგობრები და ოჯახის წევრები მირეკავდნენ.
ჩემი ძმისგან გავიგე, რომ ქალაქში აფეთქება მოხდა, ამერიკული უნივერსიტეტის სამედიცინო ცენტრი კი გადატვირთული იყო. ჭრილობების სიმძიმის გამო დაშავებულთა უმეტესობა იქ სხვა საავადმყოფოებიდან გადაგზავნეს.
დაჭრილების ოჯახის წევრებს საავადმყოფოში შესვლის უფლება არ ჰქონდათ. ვხედავდი ადამიანებს დაკარგული კიდურებით, ბუდეებიდან ამოვარდნილი თვალებით... აპოკალიფსური სცენა იყო".
ლიბანის საუნივერსიტეტო საავადმყოფოს ოფთალმოლოგმა ელიას ვარაკმა, BBC-სთან საუბრისას აღნიშნა, რომ ბოლო 24 საათი ნამდვილი "კოშმარი" იყო. პაციენტების 70%-ზე მეტმა ერთი თვალი დაკარგა. მისივე ინფორმაციით, აფეთქებების დაწყების დღიდან საავადმყოფოში 70 ოპერაცია ჩატარდა.
ჩემს საცხოვრებელ უბანში მოტოციკლით გავემგზავრე. როდესაც ადგილზე მივედი, ყვირილი და ღრიალი მომესმა. მეზობლებმა მითხრეს, რომ სახლში წავსულიყავი და გამომერთო ყველა WIFI როუტერი და ნებისმიერი რამ, რაც ელექტროქსელთან იყო მიერთებული და აფეთქების საშიშროებას იწვევდა.
- ხალხი ადრე ფიქრობდა, რომ "ჰეზბოლასთან" კავშირი მათი უსაფრთხოების გარანტია იქნებოდა, მაგრამ ბოლო ორი დღე ყველაფერს ცვლის - პეიჯერების თავდასხმები ისეთ ადგილებში მოხდა, სადაც იფიქრებდით, რომ ვერასდროს მოხდებოდა - მაგალითად, ქრისტიანულ რაიონებში.
ამ ყველაფერს ერთი ნათელი წერტილი მაინც აქვს - თავდასხმებმა ქვეყანაში ერთიანობის განცდა მოიტანა. მუსლიმები და ქრისტიანები სისხლის დონაციის რიგში ერთად დგანან.
უნდა ვაღიარო, რომ მეშინია. და თუ ეს თავდასხმები გაგრძელდა, ჩემი შიშის გრძნობაც მათთან ერთად გაიზრდება" - წერს ჟურნალისტი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
