"ამ ობიექტის ნახვამ მას თავი ძლიერად აგრძნობინა" - კიმ ჩენ ინმა ურანის გამდიდრების ობიექტი მოინახულა: ჩრდილოეთ კორეა პირველად აქვეყნებს მის ფოტოებს
ჩრდილოეთ კორეამ პირველად გააცნო საზოგადოებას ურანის გამდიდრების ობიექტი. სახელმწიფო მედიამ გამოაქვეყნა ფოტოები, სადაც ჩანს, როგორ ათვალიერებს ამ ადგილს კიმ ჩენ ინი.
აღსანიშნავია, რომ ცოტა ხნით ადრე მან ბირთვული იარაღის რაოდენობის გაზრდის პირობა დადო.
ჩრდილოეთ კორეის სახელმწიფო საინფორმაციო სააგენტომ (KCNA) გამოაცხადა, რომ კიმ ჩენ ინმა ურანის გამდიდრების ობიექტს წარმოების გაზრდისკენ მოუწოდა, რაც აუცილებელია ბირთვული ქობინების დასამზადებლად.
- "კიმ ჩენ ინმა ურანის გამდიდრების ბაზის საკონტროლო ოთახი მოინახულა, რათა წარმოების ხაზების საერთო მუშაობას გაცნობოდა. ამ ობიექტის ნახვამ მას თავი ძლიერად აგრძნობინა", - აცხადებს ადგილობრივი მედია.
სამხრეთ კორეის მთავრობამ განაცხადა, რომ მკაცრად გმობს ჩრდილოეთის გეგმას წარმოების გაზრდასთან დაკავშირებით. არ არის ცნობილი, როდის მოინახულა კიმ ჩენ ინმა ობიექტი და სად მდებარეობს კონკრეტულად ეს ადგილი.
სეულის ევჰას უნივერსიტეტის პროფესორმა, ლეიფ-ერიკ ისლიმ, განაცხადა, რომ ჩრდილოეთ კორეამ ეს ფოტოები გამოაქვეყნა, რათა "თავისი ბირთვული განვითარებით მოიწონოს თავი და აჩვენოს, რომ მისი იარაღის პროგრამა შეუქცევადია".
"კიმის რეჟიმი შეიძლება ასევე ამაყობს იმით, რომ მას კვლავ აქვს დიპლომატიური და ეკონომიკური მხარდაჭერა რუსეთისა და ჩინეთისგან, მიუხედავად ბირთვული პროგრამის ზრდისა," - თქვა პროფესორმა ისლიმ BBC-თან საუბარში.
არ არის ცნობილი, ზუსტად რამდენი ბირთვული იარაღი აქვს ჩრდილოეთ კორეას, მაგრამ ბოლო შეფასების მიხედვით, სავარაუდოდ 50 ერთეულზეა საუბარი, გარდა ამისა, აქვს საკმარისი მასალა კიდევ 40-ის დასამზადებლად. ი