ტრამპების ოჯახის “საიდუმლო იარაღი“, სპორტული კარიერა და სწავლა აშშ-ის ერთ-ერთ ყველაზე პრესტიჟულ ბიზნესის სკოლაში - 18 წლის ბარონ ტრამპი ვარსკვლავურ პოპულარობას იკრებს
18 წლის ბარონ ტრამპმა სწავლის გაგრძელება სტერნის ბიზნესის სკოლაში გადაწყვიტა. ინფორმაცია აშშ-ის ყოფილმა პრეზიდენტმა, დონალდ ტრამპმა დაადასტურა.
პაპარაცებმა მელანია და დონალდ ტრამპების ვაჟი, რომელიც თინეიჯერ გოგონებში დიდი პოპულარობით სარგებლობს, ნიუ-იორკში გადაიღეს. ის ბიზნეს-სკოლას უკვე ეწვია და თანაკურსელების გაცნობაც მოასწრო.
მისი არჩევანი საიდუმლოდ ინახებოდა. თუმცა, მას შემდეგ, რაც ბარონმა გადაწყვეტილება მიიღო, დონალდ ტრამპმა DailyMail.com- თან დეტალებზე ისაუბრა.
მისი თქმით, ბარონს უამრავი არჩევანი ჰქონდა. სწავლასთან დაკავშირებით მას პრობლემა არ აქვს, რადგან ბავშვობიდან დისციპლინას არის მიჩვეული.
"ის ძალიან ჭკვიანი ბიჭია და წავა სტერნში, ბიზნეს სკოლაში, რომელიც შესანიშნავი სკოლაა N.Y.U-ში", -განაცხადა ტრამპმა.
სტერნი ამერიკის საუკეთესო ბიზნეს სკოლებს შორისაა უაღრესად მკაცრი შერჩევითი საბაკალავრო პროგრამით - საგანმანათლებლო დაწესებულება 20 აპლიკანტიდან მხოლოდ 1-ს იღებს.
“ძალიან მაღალი ხარისხის ადგილია. მას მოეწონა სკოლა. ბარონს ძალიან მაღალი დონის განათლება აქვს მიღებული. ის აღარ არის ბავშვი, უბრალოდ, გადავიდა ბავშვობის მიღმა ასაკში. ყველაფერს თავს მშვენივრად ართმევს“, - განაცხადა ტრამპმა და დასძინა, რომ მისი შვილი სასწავლებელში ფეხბურთის თამაშის გაგრძელებასც აპირებს.
ნიუ-იორკის უნივერსიტეტის კამპუსი არც თუ ისე შორს არის მანჰეტენში მდებარე ტრამპ თაუერთან, სადაც ბარონმა ბავშვობის დიდი ნაწილი გაატარა.
მან მაისში პალმ ბიჩის პრესტიჟული ოქსბრიჯის აკადემია დაამთავრა.
ცნობილია, რომ ის ძლიერ არის სპორტით გატაცებული და DC United-ის ერთ-ერთ ახალგაზრდულ გუნდში თამაშობდა. ბარონ ტრამპს დასავლურ მედიაში არჩევნებში, “GEN Z“ თაობის გულის მოსაგებ “საიდუმლო იარაღსაც“ უწოდებენ.
ბოლო დროს სოციალურ ქსელებში ძალიან პოპულარული გახდა ვიდეოები მის შესახებ, ნახვების, კომენტარებისა და გაზიარებების მიხედვით თუ ვიმსჯელებთ, ბარონი თინეიჯერების ნამდვილი კერპი და ახალი “ქრაშია“.