მნიშვნელოვანი ინფორმაცია
15
მარტიდღის ზოგადი ასტროლოგიური პროგნოზი
შაბათი, მთვარის მეჩვიდმეტე დღე დაიწყება 21:07-ზე, მთვარე სასწორშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კვარაცხელია-ოსიმენის დუეტი დე ლაურენტისმა დაასრულა - რა თქვა "კვარაზე" თურქეთში ჩასულმა "ოსიმ"?
12:06 / 06-09-2024
ნიგერიელი თავდამსხმელი ვიქტორ ოსიმენი თურქულმა "გალათასარაიმ" "ნაპოლისგან" ერთი სეზონით იჯარით აიყვანა. მას 11 მილიონამდე ევროს ოდენობის ხელფასს, სრულად ამჟამინდელი კლუბი გადაუხდის. გაფორმებული ხელშეკრულება, სხვა კლუბის მიერ ზამთარში შეთავაზების შემთხვევაში, ოსიმენის "გალათასარაიდან" წასვლას არ ითვალისწინებს. ახალ გუნდში ვიქტორი 45-ნომრიანი მაისურით ითამაშებს და მომავალი წლის ზაფხულში სტამბოლურ კლუბს მისი გამოსყიდვის უფლება არ ექნება.
თუ "ნაპოლიმ" ნიგერიელი გაისად ვერ გაყიდა, კონტრაქტს 2027 წლის ზაფხულამდე გაუგრძელებს.
ოსიმენი უკვე თურქეთშია და მან პირველი კომენტარიც გააკეთა:
"როდესაც ჩემით "გალათასარაის“ დაინტერესების შესახებ შევიტყვე, გადაწყვეტილების მიღება არ გამჭირვებია. ვიცოდი, რამდენად დიდი და ოჯახური კლუბია, წარმოუდგენელი გულშემატკივრები ჰყავთ.
აეროპორტში ფანები იმდენად ამაღელვებლად დამხვდნენ, რომ თავი ძალიან ბედნიერად ვიგრძენი. ეს ფეხბურთელისთვის მნიშვნელოვანია. მინდა, რაც შემიძლია, მათთვის ყველაფერი გავაკეთო. ამ პროექტში მონაწილეობას მოუთმენლად ველი.
როდესაც იტალიაში ვიყავი, დრის მერტენსი ყოველთვის ჩემთან იყო. ჩემთვის უფროსი ძმა გახდა. დიდ პატივს ვცემ და მიხარია, რომ ისევ მისი თანაგუნდელი ვარ“.
მას, რა თქმა უნდა, ხვიჩაზეც ჰკითხეს.
"ხვიჩა უზარმაზარი ტალანტია და ამასთანავე ძალიან კარგი ბიჭია და ყველას უყვარს, არ ვიცი, როგორ აღვწერო ის, მაგრამ როგორც კი მისი თამაში პირველად ვნახე, მიხვდი, რომ რისი მოტანა შეეძლო მას გუნდისთვის", - თქვა თურქეთში ჩასულმა ოსიმენმა.
შეიძლება ითქვას, რომ თურქეთში წასვლის გადაწყვეტილება ოსიმენმა ცაიტნოტში მიიღო. ის სერია A-ს განაცხადშიც ვერ მოხვდა და იანვრამდე "ნაპოლის“ რიგებში თამაშს ვერ შეძლებდა. სატრანსფერო "ფანჯრის“ მიწურულს იტალიური კლუბი ახლოს იყო, ოსიმენი "ჩელსიში“ ან არაბულ "ალ ჰილალში“ გაეშვა, თუმცა შეთანხმება ვერ შედგა. როგორც ამბობენ, მოლაპარაკებები დე ლაურენტისმა ჩაშალა, რომელმაც მისი გაყიდვა ფეხბურთელთან გაფორმებული კონტრაქტის პირობებით გადაიფიქრა და მასში 130 მილიონ დოლარზე მეტად მოითხოვა.
საფეხბურთო ექსპერტების აზრით, ის ოსიმენს არასწორად მოექცა, შედეგად მხარეებს შორის კონფლიქტი გაჩაღდა.
ტრანსფერის ვერ განხორციელების შემთხვევაში, ოსიმენი "ნაპოლიში" თამაშის გაგრძელებაზეც თანახმა იყო, მაგრამ ეს კლუბის ხელმძღვანელობამ, ფაქტობრივად, აუკრძალა - ის სერია A-ს განაცხადშიც არ შეიყვანეს.
შეგახსენებთ, ვიქტორ ოსიმენმა "ნაპოლის“ რიგებში 133 მატჩი ჩაატარა და 76 გოლი გაიტანა. გუნდთან ერთად მან 2023 წელს იტალიის ჩემპიონატი მოიგო.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნოდარ ახალკაცის "დინამოს" დაშლა ავიტანეთ, და როგორმა ამასაც ავიტანთ. მთავარია ხვიჩა იყოს ჯანმრთელად და წარმატებულად საქართველოს ნაკრები!!!
და ამასთანავე ძალიან კარგი ბიჭია და ყველას უყვარს