ცირკში დათვი ასობით მაყურებლის თვალწინ, მწვრთნელს თავს დაესხა - მედიაში შემზარავი კადრები ვრცელდება (ვიდეო)
შემზარავი სცენა, როდესაც ჰოვერბორდზე ამხედრებული ცირკის დათვი მწვრთნელს თავს დაესხა, რუსეთის ერთ-ერთ ქალაქში, ასობით ბავშვისა და მშობლის თვალწინ მოხდა.
- გამძვინვარებულმა მდედრმა მხეცმა 48 წლის მწვრთნელი, სერგეი პრიჩინიჩი მიწაზე დააგდო. ვიდეოში ჩანს, რომ კაცი ცხოველისგან გასათავისუფლებლად იბრძის და ამისთვის ჯოხსაც იშველიებს, რომელიც მის გასაკონტროლებლად უჭირავს. თუმცა, დათვი სახელად დონატი, ჯოხს აგლეჯს და ღრღნას იწყებს
ცირკის ერთ-ერთმა თანამშრომელმა ცხოველს ბარიერიდან კიდევ ერთი ჯოხი მიაწოდა, რის შემდეგაც, ის თავის მწვრთნელს საკმარისად მოშორდა, რომ კაცი ფეხზე წამომდგარიყო.
<iframe allowfullscreen frameborder="0" width="698" height="573" scrolling="no" id="molvideoplayer" title="MailOnline Embed Player" src="https://www.dailymail.co.uk/embed/video/3259005.html"></iframe>ინციდენტი შესაძლოა საბედისწერო ყოფილიყო პრიჩინიჩისთვის, მაგრამ როგორც კადრებში ჩანს, ის სიმშვიდეს ინარჩუნებს.
მოულოდნელად დათვი წყნარდება და მორჩილად მიდის მწვრთნელისკენ, თითქოს არაფერი მომხდარა.
გავრცელებული ინფორმაციით, პრიჩინიჩი სასწრაფოდ გადაიყვანეს საავადმყოფოში, მაგრამ ეს ფაქტი ცირკმა უარყო.
"სპექტაკლი გაგრძელდა", - განაცხადა მორეტის ცირკის ხელმძღვანელმა.
მისი თქმით, არც მწვრთნელი და არც დათვი არ დაშავებულან.
"ცხოველია და შესაძლოა, სხვანაირად მოიქცეს, შეიძლება რაღაც არ მოსწონს, ემოციები ასე გამოხატოს. ყველა მწვრთნელს ესმის ეს”, - განაცხადა მან.
ცხოველთა უფლებების რუსი დამცველი იური კორეცკიხი ამბობს, რომ ცირკში ცხოველების გამოსვლა უნდა აიკრძალოს.
"მიუხედავად იმისა, რომ თანამედროვე მსოფლიო საცირკო ხელოვნება ვითარდება, კაცობრიობა მივიდა იმ დასკვნამდე, რომ ცხოველების გამოყენება ცირკში დაუშვებელია. რუსული ცირკის ლობი კი აქტიურად ეწინააღმდეგება პროგრესს და კომერციულ ინტერესებს იცავს", - ამბობს ცხოველთა უფლებადამცველი..