მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“ავტობუსის მძღოლმა ბილეთი არ მომყიდა, რადგან ქალი ვიყავი“ - “თალიბანს“ ტურიზმის აღორძინება სურს: რას ჰყვებიან ტურისტები, რომლებმაც ქვეყანაში უკვე იმოგზაურეს
14:44 / 25-08-2024
კონფლიქტის შედეგად განადგურებულ ქვეყანაში ტურიზმი 2021 წლის აგვისტოში, “თალიბანის“ ხელისუფლებაში დაბრუნების შემდეგ, შედარებით გაიზარდა. სტუმრები მთელი მსოფლიოდან ავღანეთის ლანდშაფტსა და უძველესი ისტორიის გასაცნობად მიდიან.
- 2021 წელს, ავღანეთს დაახლოებით 691 ტურისტი ეწვია, რაც მომდევნო წელს 2300-მდე გაიზარდა. ხოლო 2023 წელს ქვეყანამ 7000-მდე ტურისტს უმასპინძლა. ინფორმაციას Associated Press ქაბულში ტურიზმის დირექტორატის ხელმძღვანელზე, მოჰამად საიდზე დაყრდნობით ავრცელებს.
როგორც ავღანეთის ტურიზმის სამინისტროს სპიკერმა CNN-ს განუცხადა, ქვეყანას 2021 წლის აგვისტოს შემდეგ, 10,179-ზე მეტი ტურისტი ეწვია.
მიუხედავად იმისა, რომ ეს მაჩვენებლები დაბალია, მაშინაც კი, როცა ქვეყანა ათწლეულების ომის შემდეგ ჰუმანიტარულ კრიზისს და სიღარიბეს ებრძვის, სტაბილური ზრდა შეინიშნება.
"რესპუბლიკის დაცემის შემდეგ ქვეყანაში ტურისტების ნაკადი შემოდის. ქვეყანა ცნობილია, როგორც კონფლიქტის ზონა, მაგრამ ჩვენ ბევრი რამ გვაქვს შესათავაზებელი – კულტურა, ხალხი, ლანდშაფტი”, - ამბობს ავღანური ტურისტული კომპანიის Unchartered Afghanistan-ის დამფუძნებელი ხეიბერ ხანი.
თალიბანის ოფიციალური პირები ამბობენ, რომ ისინი მხარს უჭერენ ტურიზმის განვითარებას.
“ტურიზმის ინდუსტრიის ზრდა დადებითად აისახება ქვეყნის ეკონომიკაზე“, - განაცხადა კულტურის სამინისტროს პრესსპიკერმა.
ქვეყანაში ყველაზე მეტი ტურისტი მოდის შეერთებული შტატებიდან, ევროკავშირიდან, ჩინეთიდან, ინდოეთიდან, არაბთა გაერთიანებული საამიროებიდან და ირანიდან.
სამინისტროს დაქვემდებარებაში შეიქმნა დეპარტამენტი, რომელიც უზრუნველყოფს ტურისტებს მომსახურებას და მოამზადებს სტუდენტებს ტურისტულ ინდუსტრიაში და სასტუმროს მენეჯმენტში.
სოციალური მედიის კონტენტის შემქმნელი და მოგზაური, ბენ ჰერსკოვიცი ამბობს, რომ მას შემდეგ დაინტერესდა ავღანეთით, რაც მათი სტუმართმოყვარეობა და კულტურა ახლოს გაიცნო.
თუმცა, მიუხედავად ბევრი მოგზაურის დადებითი რეკომენდაციისა, ბევრი დასავლური მთავრობა თავის მოქალაქეებს აფრთხილებს, რომ ქვეყანაში მოგზაურობისგან თავი შეიკავონ. აღსანიშნავია, რომ 2024 წლის მაისში, სამი ესპანელი ტურისტი დაიღუპა, როდესაც შეიარაღებულმა პირებმა საერთაშორისო ტურისტების ჯგუფს ცეცხლი გაუხსნეს. უცნობია ვინ იდგა თავდასხმის უკან.
მიუხედავად იმისა, რომ იცოდა ეს, ჰერსკოვიცმა მაინც აირჩია ავღანეთში წასვლა.
”ჩემი გამოცდილებიდან გამომდინარე, მთელი დროის განმავლობაში თავს სუპერ უსაფრთხოდ ვგრძნობდი,” - განუცხადა მან CNN-ს.
ტურისტების ზრდის დასაკმაყოფილებლად ავღანეთში ტურისტული კომპანიებიც გაჩნდნენ. ავღანეთში შესვლა შეუძლიათ მხოლოდ ტურისტული ვიზის მქონე ადამიანებს. საკონსულო ჩვეულებრივ გასცემს ვიზას, თუ ინდივიდს აქვს მოწვევა.
ავღანეთს აქვს საკონსულოები არაბთა გაერთიანებულ საემიროებსა და პაკისტანში, ასევე საელჩოები გერმანიაში, ესპანეთსა და ნიდერლანდებში, სხვა ქვეყნებში.
ავღანეთში არსებული გენდერული შეზღუდვები როგორც წესი, არ ვრცელდება ქალ ტურისტებზე.
56 წლის ტურისტი და იუთუბერი გაერთიანებული სამეფოდან, ემა ვიტერსი, ქვეყანას უკვე ოთხჯერ ეწვია. როგორც ვიტერსი აცხადებს, როგორც ქალი ტურისტი თავს “დაცულად“ გრძნობდა, რადგან მთელი იმ დროის განმავლობაში გიდი გვერდით ჰყავდა.
მაგრამ გარკვეულ გამოწვევებს მაინც წააწყდა.
“ერთხელ ავტობუსის მძღოლმა ბილეთი არ მომყიდა, რადგან ქალი ვიყავი“, - იხსენებს ემა.
მან პირველად 2022 წლის აგვისტოში იმოგზაურა. დაუმეგობრდა ავღანელ ქალებსაც, თუმცა აღნიშნა, რომ მათთან ერთად თითქმის ვერსად დადიოდა.
თალიბებმა 2022 წელს ქალების შესვლა ზოგიერთ საჯარო ადგილებში, პარკები და სხვა ზონებში შესვლა აუკრძალეს.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
