შაბათს ღამით, რუსული ჯარები თავს დაესხნენ სუმის ცენტრს - ინფორმაციას ადგილობრივი სამხედრო ადმინისტრაცია ავრცელებს.
როგორც უკრაინის საგანგებო სიტუაციების სახელმწიფო სამსახურში განაცხადეს, თავდასხმის შედეგად ხანძარი გაუჩნდა 10 სამოქალაქო მანქანას, რომლებიც მრავალსართულიან საცხოვრებელ კორპუსებთან იყო გაჩერებული. გარდა ამისა, აფეთქების ტალღამ ჩაამსხვრია ფანჯრები და დააზიანა საცხოვრებელი კორპუსებისა და სხვა შენობების ფასადები.
უკრაინის შინაგან საქმეთა სამინისტროს განცხადებით, შემთხვევის შედეგად 2 ადამიანი დაშავდა. დაღუპულთა შესახებ ინფორმაცია არ ვრცელდება.