6
მაისიდღის ზოგადი ასტროლოგიური პროგნოზი
გუშინ ცნობილი გახდა, რომ 28 წლის საქართველოს ნაკრების ცენტრალური მცველი, ჯიმი ტაბიძე, ბერძნული "პანეტოლიკოსიდან" წამოსვლის შემდეგ მახაჩყალის "დინამოში" გადავიდა.
ტაბიძემ რუსულ გუნდთან ერთწლიანი კონტრაქტი გააფორმა. ნაკრების წევრის რუსეთში სათამაშოდ წასვლას საზოგადოებისგან არაერთგვაროვანი რეაქცია მოჰყვა. თუმცა, როდესაც მის სპორტულ ბიოგრაფიას გადავხედეთ, ვნახეთ, რომ ტაბიძე რუსეთში პირველად არ თამაშობს.
ვინ არის ჯიმი ტაბიძე, რომელიც ევროპის ჩემპიონატზე ნაკრების სარეზერვო წევრი იყო
28 წლის ჯიმი ტაბიძე სამტრედიაშია დაიბადა. სპორტსმენი, როგორც ბევრი მისი კოლეგა, "საბურთალოს" აკადემიის აღზრდილია. 2015 წელს "გენტის" ახალგაზრდულ გუნდში გადავიდა, საიდანაც იჯარით გაუშვეს რუსულ "ურალში".
მალე „ურალიდან“ კიდევ ერთ რუსულ კლუბ "უფაში" გადავიდა, სადაც ძირითადი შემადგენლობის ფეხბურთელი იყო. მის ანგარიშზეა 90 მატჩი, 1 გოლი, 3 საგოლე პასი. რუსეთში ჯიმი ტაბიძემ სერიოზული ტრავმა მიიღო და მცირე ხნით უგუნდოდ იყო...
"ჩვენ ტაბიძეს უკვე დავემშვიდობეთ. ჩვენთვის ის სერიოზული აქტივი იყო. ტაბიძის კონტრაქტი ივნისში სრულდებოდა, თუმცა ურთიერთშეთანხმებით ვადაზე ადრე წასვლა გადაწყვიტა. ჩვენ მადლობას ვუხდით ამდენი ხნის განმავლობაში ჩვენთან თამაშისთვის. ბოლო სეზონში ტრავმირებული იყო, გუნდთან ერთად ზამთარში ვარჯიშობდა, მაგრამ ჯერ ვერ გამოჯანმრთელებულა. მისი წასვლა უფრო ჯანმრთელობას უკავშირდებოდა“, – განაცხადა მაშინ "უფას" გენერალურმა დირექტორმა შამილ გაზიზოვმა.
2022 წლის 1 ივლისს კი კონტრაქტი გააფორმა ბელგიის მთავარი ლიგის კლუბ "კორტრაიკთან", თუმცა, ერთ კვირაში თბილისის "დინამოს" ფეხბურთელი გახდა, სადაც 15 მატჩში ერთი გოლის გატანა მოახერხა.
მოგვიანებით ჯიმი ტაბიძემ კარიერა "პანეტოლიკოსში" გააგრძელა. საბერძნეთის სუპერლიგის გუნდიდან წასვლის შესახებ ინფორმაცია ევროპის ჩემპიონატის დაწყებამდე გახდა ცნობილი. მიუხედავად იმისა, რომ გუნდმა ლიგაში ადგილი მის მიერ ბოლო ტურში გატანილი გოლით შეინარჩუნა, დარჩენა აღარ ისურვა.
ტაბიძე ჩემპიონატზე საქართველოს ნაკრების განაცხადში იყო, თუმცა არ უთამაშია. მისი ახლანდელი სატრანსფერო ფასი 500 ათასი ევროა.
"უფაში" თამაშისას ქართველ მცველთან რუსულმა მედიამ ვრცელი ინტერვიუ გამოაქვეყნა. როდესაც ჰკითხე, რომელი ქართველი ფებურთელი იყო მისი შთაგონების წყარო, ტაბიძემ განაცხადა:
"ძალიან შთაგონებული ვარ ქართველი ფეხბურთელებით, მაგრამ განსაკუთრებით კახაბერ კალაძეთი. მაგრამ დავით ყიფიანის დროს რომ მეცხოვრა, მას პირველ ადგილზე დავაყენებდი. მათგან, ვინც ჩემს პოზიციაზე თამაშობდა, ყველაზე მეტად, რა თქმა უნდა, კალაძეს ვაფასებდი. მას ბავშვობიდან ვბაძავდი. ჩვენ კი ერთი ქალაქიდან ვართ. ორჯერ მოიგო ჩემპიონთა ლიგა და მილანის ნამდვილი ვარსკვლავი იყო. ის ძალიან ძლიერი ფეხბურთელია. კედელივითაა, არავის უშვებს. რაც შემეხება მე, მოედანზე ძალაუფლების ბრძოლასთან ახლოს ვარ.“
"ქართველი ფეხბურთელებიდან ახლოს ვარ ჯანო ანანიძესთან. ზოგადად, ყველა იმ მოთამაშესთან, ვინც გუნდში თამაშობს. საქართველოს ნაკრებში არიან ფეხბურთელები, ვისგანაც შეგიძლია ისწავლო ადამიანური თვისებები. იგივე კაშია.“
კითხვაზე წაკითხული აქვს თუ არა, შოთა რუსთაველის "ვეფხისტყაოსანი“, ტაბიძემ უპასუხა:
"პოემა სკოლაში ვისწავლეთ. ყველა ქართველმა ერთი პასაჟი მაინც ზეპირად იცის. რუსთაველი უდიდესი მწერალია. მან მაშინ დაწერა ეს პოემა, როდესაც ბევრი ერი ჯერ კიდევ არ არსებობდა. ჩემი აზრით, ეს ავტორი გენიოსია.“
რაც შეეხება მის ფავორიტ სადღეგრძელოს, ფეხბურთელმა პატრიარქის, ილია მეორის სადღეგრძელო დაასახელა.
პირადი ცხოვრება
ჯემალ ტაბიძე დაოჯახებულია, მისი მეუღლე ქეთი გვარმიანია. წყვილს 2020 წელს ვაჟი შეეძინა.
წარმატებები ამ ფეხბურთელს!!! ცუდი არაფერი გაუკეთებია, მთავარია თვითონ წაადგეს ეს გადაწყვეტილება. მოღალატე ისაა დღეს ,,სკავა უკრაინას" რო გაიძახის და უკრსინის დროშებს აფრიალებ, როცა ცხოვრებაში საქართველოს დროშა არ ქონია...
რა გინდათ რა ს ერჩით,ფეხბურთს თამაშობს,რა თქვენი საქმეა.