მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პირობა დავდე, რომ თამარ მეფის სამოსით მივიდოდი" - გამოცდებზე ჩოხებით, თამარ მეფის სამოსით და... - 2024 წლის ეროვნული გამოცდების გამორჩეული ამბები (ფოტოები)
21:28 / 29-07-2024
საგამოცდო ციებ-ცხელება 2024 წელს ფაქტობრივად, დასრულდა. როგორც შეფასებისა და გამოცდების ეროვნული ცენტრის გვერდზე ვკითხულობთ, გამოცდაზე დარეგისტრირებულთაგან, გამოცხადდა 86%-ზე მეტი. არ ყოფილა დაგვიანების არცერთი შემთხვევა.
იქვე ვკითხულობთ, რომ 2024 წელს ერთიან ეროვნულ გამოცდებს 47 000-ზე მეტი აბიტურიენტი აბარებდა. ცენტრის თანამშრომლებს მათ თავი განსხვავებული, თემატური სამოსითაც დაამახსოვრეს - მთელი საგამოცდო პერიოდის განმავლობაში აქტუალობა არ დაუკარგავს ფეხბურთს. საქართველოს ეროვნული ნაკრების ფორმაში ჩაცმული აბიტურიენტების გარდა, ისტორიის გამოცდაზე საგამოცდო ცენტრებს ჩოხიანი აპლიკანტები, ბიოლოგიის გამოცდაზე კი ექიმის თეთრ სამოსში გამოწყობილი გამოსაცდელებიც სტუმრობდნენ“.
- ახლა კი რამდენიმე ამბავი უშუალოდ საგამოცდო ისტორიებიდან:
წელს ერთიან ეროვნულ გამოცდებს საქართველოს ორგზის ჩემპიონი ბერძნულ-რომაული სტილით ჭიდაობაში - გიორგი კოჩალიძე აბარებდა, რომელმაც სკოლა ხულოში დაამთავრა:
"მიუხედავად იმისა, რომ ჭიდაობასა და ვარჯიშს ბევრ დროს ვუთმობ, ჩემთვის სწავლა და უმაღლესი განათლების მიღება არანაკლებ მნიშვნელოვანია. ბიზნეს-ადმინისტრირებისა და სპორტის მენეჯმენტის პროგრამაზე ვგეგმავ სწავლის გაგრძელებას“ - აღნიშნა გიორგი კოჩალიძემ, რომელიც სექტემბერში მონაწილეობას მიიღებს მსოფლიო ჩემპიონატშიც, რომელიც ესპანეთში გაიმართება.
***
- ერთიან ეროვნულ გამოცდებს აბიტურიენტი მაყვალა გორგაძე აბარებდა, რომელიც 3 შვილის დედაა. ატესტატი შარშან, 39 წლის ასაკში აიღო და წელს ერთიან ეროვნულ გამოცდებს ხულოს საგამოცდო ცენტრში პირველად აბარებდა.
"ხულოში დავიბადე და გავიზარდე, 16 წელი - დაქორწინებამდე აქ ვცხოვრობდი. ჩემთვის ეს ადგილი მშობლიურია და ხულოს საგამოცდო ცენტრის არჩევაც სწორედ ამიტომ გადავწყვიტე. ისე ბათუმში ვცხოვრობ და გამოცდების წარმატებით დაძლევის შემთხვევაში, ბათუმის უნივერსიტეტში ვგეგმავ ფსიქოლოგიის შესწავლას. ვფიქრობ, ეს პროფესია ხალხთან ურთიერთობაში ძალიან გამომადგება. ახლა პროფესიით ბუღალტერი ვარ. 22 წლის ვიყავი, პირველად საბუღალტრო კურსები რომ გავიარე. მას შემდეგ სულ რაღაცას ვსწავლობ და ცოდნას ვიღრმავებ. წლის განმავლობაში, დაახლოებით 80-მდე მოსწავლე მყავს. მინდა იცოდეთ, რომ მზად ვარ, ყველა მსურველს განსაკუთრებით გოგონებს და ქალბატონებს უსასყიდლოდ შევასწავლო ჩემი პროფესია. მიუხედავად იმისა, რომ რეალიზებული ვარ და თავისუფალი დრო თითქმის არ მაქვს, მაინც გადავწყვიტე, გამეკეთებინა ის, რაც ადრე ვერ შევძელი - 39 წლის ასაკში ექსტერნად დავამთავრე სკოლა და ახლა გამოცდებს ვაბარებ უმაღლესი განათლების მისაღებად.
ჩემი მეუღლე მზარეულია, უფროსი ვაჟი ავტომობილების ხელოსანი, შუათანა კი მომავალ წელს აბარებს ერთიან ეროვნულ გამოცდებს და სავარაუდოდ, საერთაშორისო სამართლის მიმართულებას აირჩევს. ნაბოლარა მხოლოდ 5 წლისაა და ძალიან ხალისობს იმაზე, რომ დედამისი შარშან მოსწავლე იყო, წელს კი სტუდენტობა გადაწყვიტა,“ - ამბობს მაყვალა გორგაძე.
***
4 შვილის მამა, დეკანოზი მატათა (ზვიად) ბერიძე ერთიანი ეროვნული გამოცდების მონაწილე გახლდათ. ერთიან ეროვნულ გამოცდებს აბარებდნენ წელს მისი შვილებიც - ნონა და იოანე ბერიძეები. დეკანოზის თქმით, ფსიქოლოგია-ფილოსოფიის ცოდნა მისთვის მნიშვნელოვანია და სწავლის გაგრძელებასაც სწორედ ამ მიმართულებით გეგმავს.
***
გამოცდებზე სხვადასხვა თემატური სამოსით გამოცხადების თემას რომ მივუბრუნდეთ, გეტყვით, რომ საერთო სამაგისტრო გამოცდების მონაწილე - ხატია ცარციძე გამოცდაზე თამარ მეფის სამოსით გამოცხადდა:
"შეიძლება ითქვას, რომ გამოცდების ჩაბარება ჩემი ჰობია. ბევრისთვის დაუჯერებელია, თუმცა ეს ჩემთვის მეოცე გამოცდაა (ვგულისხმობ, როგორც ერთიან ეროვნულ, ასევე საერთო სამაგისტრო გამოცდებს). როგორც წესი, გამოცდებს წარმატებით ვაბარებ, თუმცა ინტერესების მრავალფეროვნების გამო ხშირად ვიცვლი მიმართულებას. პროგრამა, რომელზეც წელს ვაბარებ, სპორტის მენეჯმენტია.
4 წლიდან ჟურნალისტობაზე ვოცნებობდი. ვთამაშობდი "ტელევიზიობანას“ ჩემი ხელით გაკეთებული ქაღალდის მიკროფონით და ვაწვდიდი "მაყურებელს“ ინფორმაციას, თუ როგორ თამაშობდა საქართველოს ნაკრები არც მეტი, არც ნაკლები, ევროპის ჩემპიონატზე. ოცნებები ხდება და ჩემი ისტორია ამის მაგალითია - სპორტული ჟურნალისტი ვარ, ახლახან გასაშუქებლად ვიმყოფებოდი სწორედ ევროპის ჩემპიონატზე საქართველოს ნაკრების თამაშებზე და შემდეგ ფინალზე! სიმბოლურად, თამაშზე ჩემი ბავშვობის ქაღალდის "მიკროფონიც “ წავიღე. ემოციებს ალბათ მიხვდებით - ჩვენმა ნაკრებმა კიდევ ერთხელ დაამტკიცა, რომ ფეხბურთი საქართველოს ეროვნული იდენტობის განუყოფელი ნაწილია. ევროპამ ახალი საქართველო ნახა და გაიცნო. ჩემპიონატი დასრულდა.
საქართველოში რომ ჩამოვფრინდი და საერთო სამაგისტრო გამოცდაზე იმავე დღეს გავედი, პირობა დავდე - თუ საქართველოს ნაკრები ევროპის ჩემპიონატის მერვედ ფინალში იასპარეზებდა, გამოცდაზე თამარ მეფის სამოსით გამოვცხადდებოდი - პირობა, რა თქმა უნდა, შევასრულე...
რატომ თამარ მეფის სამოსი? ის ჩემთვის საქართველოს წარმატებასთან, გამარჯვებასთან ასოცირდება. ამ სამოსზე ზემოდან გადაცმული მქონდა საქართველოს ნაკრების მაისური, რომელიც ასევე უკვე იქცა ჩემთვის და კიდევ ბევრისთვის ქვეყნის წარმატების სიმბოლოდ“ - აღნიშნა ხატია ცარციძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
